Анатоль Мікалаевіч Рубінаў

Зьвесткі зь Вікіпэдыі — вольнай энцыкляпэдыі
Анатоль Рубінаў
старшыня Савету Рэспублікі НС РБ
24 траўня 2010 — сьнежань 2014
Прэзыдэнт: Аляксандар Лукашэнка
Прэм’ер-міністар: Сяргей Сідорскі
Папярэднік: Аляксандар Абрамовіч
Наступнік: Міхаіл Мясьніковіч
Асабістыя зьвесткі
Нарадзіўся: 15 красавіка 1939 (84 гады)

Сьцяг БССР, 1937 Магілёў, БССР
Адукацыя:
Узнагароды:
ордэн Айчыны III ступені ордэн Францішка Скарыны
Дзяржаўная прэмія СССР Дзяржаўная прэмія Рэспублікі Беларусь Заслужаны дзяяч навукі БССР

Анато́ль Мікала́евіч Рубі́наў (нар. 15 красавіка 1939, Магілёў) — беларускі фізык, акадэмік Нацыянальнай акадэміі навук Беларусі (1991; чалец-карэспандэнт з 1984), доктар фізыка-матэматычных навук (1973), прафэсар (1980). Заслужаны дзяяч навукі БССР (1980), старшыня Савету Рэспублікі Нацыянальнага сходу Рэспублікі Беларусь чацьвёртага і пятага скліканьняў.

Біяграфія[рэдагаваць | рэдагаваць крыніцу]

Нарадзіўся 15 красавіка 1939 году ў Магілёве.

У 1961 годзе скончыў Беларускі дзяржаўны ўнівэрсытэт.

Працаваў малодшым навуковым супрацоўнікам, асьпірантам, старэйшым інжынэрам-канструктарам, галоўным інжынэрам лябараторыі, старэйшым навуковым супрацоўнікам.

З 1964 году ў Інстытуце фізыкі, з 1970 г. загадчык лябараторыі генэравальных арганічных злучэньняў, адначасова ў 19871998 гг. намесьнік дырэктара па навуковай працы Інстытуту фізыкі імя Б. І. Сьцяпанава Нацыянальнай акадэміі навук Беларусі.

У 20022006 гг. старшыня Найвышэйшай атэстацыйнай камісіі Рэспублікі Беларусь.

З 2006 году працаваў першым намесьнік кіраўніка Адміністрацыі прэзыдэнта Рэспублікі Беларусь.

31 кастрычніка 2008 году абраны намесьнікам старшыні Савету Рэспублікі Нацыянальнага сходу чацьвёртага скліканьня. 24 траўня 2010 году абраны Старшынёй Савету Рэспублікі Нацыянальнага сходу Рэспублікі Беларусь чацьвёртага скліканьня.

19 кастрычнікa 2012 году абраны Старшынёй Савету Рэспублікі Нацыянальнага сходу Рэспублікі Беларусь пятага скліканьня.

Навуковая дзейнасьць[рэдагаваць | рэдагаваць крыніцу]

Аўтар больш 300 навуковых прац, у тым ліку 4 манаграфій. Працы ў вобласьці лязэрнай фізыкі і спэктраскапіі складаных арганічных злучэньняў. Распрацаваў новыя мэтады вывучэньня спэктраскапіі ўзбуджаных станаў лязэрных асяродзьдзяў, лязэры на растворах арганічных злучэньняў. Дасьледаваў залежнасьць спэктру флуарэсцэнцыі раствораў ад частаты ўзбуджальнага сьвятла (зьява батахромнай люмінэсцэнцыі), разьвіў мэтады ўнутрырэзанатарнай лязэрнай спэктраскапіі, стварыў перабудаваныя па спэктры лязэры з разьмеркаванай зваротнай сувязьзю. Распрацаваў навуковыя асновы нерэзананснага ўзаемадзеяньня лязэрнага выпраменьваньня зь біялягічнымі аб’ектамі.

Асноўныя працы[рэдагаваць | рэдагаваць крыніцу]

  • Методы расчета оптических квантовых генераторов. Т.2. М., 1968 (в соавт.).
  • Оптические квантовые генераторы на красителях и их применение (совм. с В. И. Томиным) // Радиотехника. 1976. Т.9.
  • Лазеры на растворах красителей // Проблемы современной оптики и спектроскопии. Мн., 1980.
  • Physical grounds for biological effect of laser radiation // J. Phys. D: Appl. Phys. 2003. Vol.36.

Літаратурная дзейнасьць[рэдагаваць | рэдагаваць крыніцу]

У 2010 годзе выйшлі зборнікі вершаў Анатоля Рубінава «Вот она, наша жизнь» і «Сердце и память». Гэтыя выданьні крытыкавалі як чытачы, так і асобныя эксперты з-за зьместу пэўных вершаў.[1][2]

Узнагароды[рэдагаваць | рэдагаваць крыніцу]

Літаратура[рэдагаваць | рэдагаваць крыніцу]

  • Рубинов Анатолий Николаевич (К 60-летию со дня рождения) // Журнал прикладной спектроскопии. 1999. Т.66. №3.
  • Анатоль Мікалаевіч Рубінаў (Да 60-годдзя з дня нараджэння) // Весцi НАН Беларусi. Сер. фiз.-мат. навук. 1999. №2.
  • А. Н. Рубінаў Вот она, наша жизнь. — Мн: Літаратура і Мастацтва, 2010. — 176 с. — ISBN 978-9-85694-196-5
  • А. Н. Рубінаў Сердце и память. — Мн: Літаратура і Мастацтва, 2010. — 224 с. — ISBN 978-9-85694-197-2

Крыніцы[рэдагаваць | рэдагаваць крыніцу]

  1. ^ Под знаком «туалетища» // БелГазета. — 2011. — Т. 1, № 5. — URL: http://www.belgazeta.by/ru/2011_02_07/vizavi/22259/
  2. ^ http://v-levin.livejournal.com/13013.html

Вонкавыя спасылкі[рэдагаваць | рэдагаваць крыніцу]