Міхаіл Орда

Міхаіл Орда
Дэпутат Палаты прадстаўнікоў Нацыянальнага сходу Рэспублікі Беларусь
2000 — 2012
Прэзыдэнт:	Аляксандар Лукашэнка
Прэм’ер-міністар:	Уладзімер Ярмошын (да 1 лістапада 2001), Генадзь Навіцкі (да 10 ліпеня 2003), Сяргей Сідорскі (да 28 сьнежня 2010), Міхаіл Мясьніковіч
1-ы сакратар Беларускага рэспубліканскага саюзу моладзі
25 сакавіка 2003 — 1 жніўня 2006
Наступнік:	Ігар Бузоўскі
Асабістыя зьвесткі
Нарадзіўся:	28 верасьня 1966(1966-09-28) (54 гады) Зьдзецел, Гарадзенская вобласьць
Дзеці:	Сын і дачка
Бацька:	Сяргей Орда
Адукацыя:	Віцебскі вэтэрынарны інстытут, Расейская акадэмія дзяржаўнай службы

Міхаіл Сяргеевіч Орда (нарадзіўся 28 верасьня 1966, Зьдзецел, Гарадзенская вобласьць) — беларускі палітычны дзяяч. Уваходзіць у Чорны сьпіс ЭЗ.

Біяграфія

Скончыў Віцебскі вэтэрынарны інстытут па спэцыяльнасьці вэтэрынарны лекар; Расейскую акадэмію дзяржаўнай службы пры прэзыдэнце Расейскае Фэдэрацыі па спэцыяльнасьці дзяржаўнае і муніцыпальнае кіраваньне.

Працоўную дзейнасьць пачаў сьлесарам у калгасе «Расея» Зьдзецельскага раёну. Служыў у радах Узброеных Сіл. Быў кіраўніком абласнога штабу студэнцкіх аддзелаў Віцебскае вобласьці, дырэктарам абласное службы добраахвотнае працы моладзі, прэзыдэнтам Рэспубліканскае асацыяцыі міжнародных моладзевых абменаў і турызму, другім сакратаром Цэнтральнага камітэту грамадзкага аб’яднаньня «Беларускі патрыятычны саюз моладзі» (да 2001).

27 сакавіка 2001 году вызвалены ад пасады другога сакратара ЦК Беларускага патрыятычнага саюза моладзі (вакансію заняў Аляксандар Далжэўскі) у сувязі зь пераходам на сталую працу дэпутатам Палаты прадстаўнікоў Нацыянальнага сходу Рэспублікі Беларусь II скліканьня.

25 сакавіка 2003 году быў абраны першым сакратаром ЦК Беларускага рэспубліканскага саюза моладзі. 1 жніўня 2006 сышоў з паста кіраўніка БРСМ.

Дэпутат Палаты прадстаўнікоў Нацыянальнага сходу Рэспублікі Беларусь 2-га (2000—2004) па Лідзкай сельскай выбарчай акрузе № 57 і 3-га скліканьняў (2004—2008). Абодва разы — намесьнік старшыні Сталае камісіі па дзяржаўным будаўніцтве, мясцовым самакіраваньні й рэглямэнце. У 2008 абраны ў Палату Прадстаўнікоў 4-га скліканьня.

Узнагароды

Узнагароджаны падзякай прэзыдэнта Рэспублікі Беларусь, Ганаровай граматай Адміністрацыі прэзыдэнта Рэспублікі Беларусь, Ганаровай граматай Палаты прадстаўнікоў Нацыянальнага сходу Рэспублікі Беларусь.

Сям’я

Жанаты, мае сына, дачку.

Крыніцы

• Інфармацыя на сайце Палаты Прадстаўнікоў
• Памылка выкліку Шаблён:Спасылка: Парамэтры url / спасылка і загаловак / title павінны прысутнічаць Архіўная копія