Сьцяпан Сухарэнка
| Сьцяпан Сухарэнка | |
| Прэзыдэнт: | Аляксандар Лукашэнка |
|---|---|
| Прэм’ер-міністар: | Сяргей Сідорскі |
 Кіраўнік КДБ РБ | |
| 20 студзеня 2005 — 17 ліпеня 2007 | |
| Прэзыдэнт: | Аляксандар Лукашэнка |
| Папярэднік: | Леанід Ерын |
| Наступнік: | Юры Жадобін |
| Асабістыя зьвесткі | |
| Нарадзіўся: |
27 студзеня 1957 (65 гадоў).svg){kind=small} в. Здудзічы, Шацілавіцкі раён, Гомельская вобласьць |
| Адукацыя: | |
| Узнагароды: |
  |
Сьцяпа́н Мікала́евіч Сухарэ́нка (нарадзіўся 27 студзеня 1957) — беларускі вайсковы і дзяржаўны дзяяч, кіраўнік КДБ РБ (2005—2007).
Біяграфія[рэдагаваць | рэдагаваць крыніцу]
Нарадзіўся 27 студзеня 1957 году ў в. Здудзічы Шацілавіцкага раёну Гомельскай вобласьці.
Пасьля вучобы ў Шацілавіцкай ТВ-50 Гомельскай вобласьці паступіў у Беларускі тэхналягічны інстытут ім. С. М. Кірава, па сканчэньні якога ў 1980 годзе працаваў майстрам, начальнікам зьмены, намесьнікам начальніка цэху Менскага керамічнага заводу ВА «Менскбудматэрыялы».
У органах дзяржаўнай бясьпекі з 1984 году: курсант Вышэйшых курсаў КДБ СССР (скончыў у 1985 годзе), супрацоўнік, старэйшы супрацоўнік УКДБ БССР па Менскай вобласьці. У 1989 годзе прызначаны намесьнікам, а затым начальнікам Барысаўскага гараддзелу УКДБ БССР па Менскай вобласьці (з 1992 году — УКДБ Рэспублікі Беларусь па г. Менску і Менскай вобласьці).
У 1993—1994 гадах — старэйшы супрацоўнік, галоўны супрацоўнік Інспэкцыі КДБ Рэспублікі Беларусь.
У лістападзе 1994 году адкамандзіраваны ў апарат Рады Бясьпекі Рэспублікі Беларусь. У 1996 годзе скончыў Акадэмію кіраваньня пры прэзыдэнце Рэспублікі Беларусь (завочна).
5 лістапада 1997 г. указам прэзыдэнта Сьцяпан Сухарэнка прызначаны намесьнікам старшыні Камітэта дзяржаўнай бясьпекі Беларусі, курыруе пытаньні барацьбы з арганізаванай злачыннасьцю і карупцыяй. Да прызначэньня на гэтую пасаду ён узначальваў аддзел па барацьбе з карупцыяй у дзяржаўных органах дзяржаўнага сакратарыяту Рады бясьпекі.
25 жніўня 1998 г. указам прэзыдэнта палкоўнік Сьцяпан Сухарэнка прызначаны начальнікам кіраваньня Камітэта дзяржаўнай бясьпекі Рэспублікі Беларусь па Менску і Менскай вобласьці.
23 лютага 2000 г. па ўказе прэзыдэнта Рэспублікі Беларусь N 89 прысвоена чарговае воінскае званьне генэрал-маёра.
17 кастрычніка 2000 г. указам прэзыдэнта Рэспублікі Беларусь прызначаны першым намесьнікам старшыні Камітэта дзяржаўнай бясьпекі Рэспублікі Беларусь.
20 студзеня 2005 г. указам прэзыдэнта №23 прызначаны старшынём Камітэта дзяржаўнай бясьпекі Рэспублікі Беларусь (заняў вакантнае месца пасьля вызваленьня ад пасады Леаніда Ерына).
17 ліпеня 2007 году вызвалены ад пасады старшыні КДБ з фармулёўкай «у сувязі з пераходам на іншую працу».
У канцы ліпеня 2008 году Сталая камісія Палаты прадстаўнікоў па міжнародных справах і сувязях з СНД дала згоду на прызначэньне генэрала Сьцяпана Сухарэнкі Надзвычайным і Паўнамоцным Амбасадарам Беларусі ў Армэніі.
14 жніўня 2008 году прызначаны Надзвычайным і Паўнамоцным Амбасадарам Беларусі ў Армэніі[1].
Санкцыі ЭЗ, ЗША[рэдагаваць | рэдагаваць крыніцу]
У 2011 годзе, пасьля прэзыдэнцкіх выбараў 2010 году, якія былі прызнаны Эўрапейскім Зьвязам недэмакратычнымі, а таксама гвалтоўнага разгону Плошчы 2010, быў уключаны ў чорны сьпіс Эўразьвязу[2][3].
Таксама Сухарэнка знаходзіцца ў сьпісе спэцыяльна вызначаных грамадзянаў і заблякаваных асобаў ЗША[4][5][6].
Узнагароды[рэдагаваць | рэдагаваць крыніцу]
За бездакорную службу ўзнагароджаны 7 мэдалямі.
Сям’я[рэдагаваць | рэдагаваць крыніцу]
Жанаты, мае сына і дачку.
Крыніцы[рэдагаваць | рэдагаваць крыніцу]
- ^ Указ Президента Республики Беларусь от 14 августа 2008 г. №425 «О назначении С. Н. Сухоренко Чрезвычайным и Полномочным Послом Республики Беларусь в Республике Армения и присвоении ему дипломатического ранга Чрезвычайного и Полномочного Посла» (рас.)
- ^ Опубликован черный список невъездных в ЕС белорусов (дополнено)(рас.). KP.BY (2011-02-02). Праверана 2020-06-22 г.
- ^ COUNCIL IMPLEMENTING REGULATION (EU) No 84/2011 of 31 January 2011 amending Regulation (EC) No 765/2006 concerning restrictive measures against President Lukashenko and certain officials of Belarus
- ^ OFAC Sanctions List Search, Міністэрства фінансаў ЗША(en)
- ^ США продлили санкции против белорусских чиновников(недаступная спасылка)
- ^ Executive Order 13405 of June 16, 2006. Blocking Property of Certain Persons Undermining Democratic Processes or Institutions in Belarus
Вонкавыя спасылкі[рэдагаваць | рэдагаваць крыніцу]
- Старонка на праекце «Хто ёсьць хто ў РБ»(недаступная спасылка) (рас.)
| верасень 2004 (4) | 
.svg) | |
|---|---|---|
| сьнежань 2004 (6) | ||
| 3 кастрычніка 2006 (41) | Юры Азаронак · Васіль Дземянцей(be) · Віктар Галаванаў · Аляксандар Зімоўскі · Аляксандар Каляда · Уладзімер Канаплёў · Сяргей Касьцян · Леанід Козік · Тацяна Краўчанка · Мікалай Купрыянаў · Уладзімер Курловіч · Мікалай Лазавік · Аляксандар Лукашэнка · Віктар Лукашэнка · Леанід Лучына · Пётар Міклашэвіч · Мікалай Мяцеліца · Генадзь Нявыглас · Міхаіл Орда · Міхаіл Пішчулёнак · Алег Праляскоўскі · Натальля Пяткевіч · Аляксандар Радзькоў · Надзея Равуцкая · Анатоль Рубінаў · Аляксей Рыбакоў · Уладзімер Русакевіч · Яўген Сьмірноў · Сьцяпан Сухарэнка · Алег Сьліжэўскі · Мікалай Трубнікаў · Мікалай Усаў · Аляксандар Харытон · Мікалай Чаргінец · Леанід Ясіновіч | |
| 23 сакавіка 2012 | У сьпіс уваходзяць 243 асобы і 32 кампаніі | |
| 19 жніўня 2020 12 кастрычніка 2020 17 сьнежня 2020 21 чэрвеня 2021 24 чэрвеня 2021 | У сьпіс уваходзяць 166 асобаў і 15 кампаніяў | |
- Нарадзіліся 27 студзеня
- Нарадзіліся ў 1957 годзе
- Выпускнікі Беларускага дзяржаўнага тэхналягічнага ўнівэрсытэту
- Выпускнікі Акадэміі кіраваньня пры прэзыдэнце Рэспублікі Беларусь
- Узнагароджаныя мэдалём За бездакорную службу 2 ступені
- Узнагароджаныя мэдалём За бездакорную службу 3 ступені
- Нарадзіліся ў Шацілавіцкім раёне
- Асобы Шацілавічаў
- Супрацоўнікі КДБ
- Старшыні Камітэту дзяржаўнай бясьпекі Рэспублікі Беларусь
- Амбасадары Беларусі ў Армэніі
- Беларускія асобы ў Чорным сьпісе ЭЗ
- Беларускія асобы ў сьпісе СВГ