Нярынга

Нярынга
лет. Neringa
Герб Нярынгі
Першыя згадкі:	1429
Горад з:	1961
Краіна:	Летува
Павет:	Клайпедзкі
Плошча:	90 км²
Насельніцтва (2018)
колькасьць:	3224 чал.
шчыльнасьць:	35,82 чал./км²
Часавы пас:	UTC+2
летні час:	UTC+3
Паштовы індэкс:	LT-93012, LT-93017
Геаграфічныя каардынаты:	55°30′0″ пн. ш. 21°6′0″ у. д.
Нярынга на мапе Летувы Нярынга
Галерэя здымкаў у Вікісховішчы
www.neringa.lt

Няры́нга (па-летувіску: Neringa) — горад у заходняй Летуве. Горад разьмяшчаецца на Курскай пярэсьпе на беразе Балтыйскага мора. Зьяўляецца адміністрацыйным цэнтрам Нярынскага гарадзкога раёну. Нярынга складаецца з чатырох рыбацкіх вёсак (Юадкрантэ, Прэілі, Первалкі і Ніды), якія ў нашы часы сталі турыстычнымі аб’ектамі. Вёскі былі аб’яднаныя ў адзін горад у 1961 годзе. Нярынга расьцягнулася ўздоўж марскога берага на 50 км. Паромнымі пераправамі Нярынга злучаецца з Клайпедай. Горад належыць да этнаграфічнага рэгіёну Малая Летува.

Гісторыя

Першыя згадкі аб паселішчы Ніда (Нідэн) зьявіліся ў хроніках Тэўтонскага ордэна ў 1429 годзе. Разам з Клайпедай практычна ўсю сваю гісторыю гэта тэрыторыя знаходзілася ў складзе Прусіі, але ў 1920 годзе, пасьля летувіскай правакацыі ў Клайпедзе была анэксаваная Летувой.

У 1939 годзе Курская пярэспа, разам з Клайпедай была перададзена Нямеччыне, але пасьля Другой сусьветнай вайны трапіла ў склад Летувіскай ССР. У 1961 годзе чатыры вёскі на летувіскай частцы Курскай пярэспы былі аб’яднаныя ў горад Нярынга.

У 2000 годзе Курская пярэспа была ўключана ў Сьпіс сусьветнай спадчыны ЮНЭСКО як адзін з самых прыгожых куткоў Эўропы.