Перайсьці да зьместу

Янішкеле

Зьвесткі зь Вікіпэдыі — вольнай энцыкляпэдыі
Янішкеле
Населены пункт
Герб
Краіна Летува
Павет Панявескі
Раён Посвальскі
Першыя згадкі 1685
Дата заснаваньня 1685
Горад з 1736
Геаграфія
Плошча 2,36 км²
Вышыня НУМ 85 м
Часавы пас
Каардынаты 56°01′ пн. ш. 24°10′ у. д.HGЯO
Насельніцтва
Колькасьць 1383 чал. (2010)
Лічбавыя ідэнтыфікатары
Тэлефонны код 451
Паштовы індэкс LT-39305
Сайт joniskelis.lt
Янішкеле на мапе Летувы
Янішкеле
Янішкеле
Янішкеле

Янішкеле (па-летувіску: Joniškėlis) — горад у паўночнай Летуве, знаходзіцца ў Посвальскім раёне Панявескага павету за 17 км ад Посвалю. Колькасьць насельніцтва налічвае каля 1,4 тыс. чалавек. Горад адносіцца да этнаграфічнага рэгіёну Аўкштота.

У гістарычных крыніцах упершыню Янішкеле ўзгадваюцца з 1685 году. У 1736 годзе Янішкеле атрымалі гарадзкія правы. З XVII стагодзьдзя да Другой сусьветнай вайны горад належаў сям’і Карпаў. Яны стварылі тут буйны архіў, які, аднак, быў разрабаваны падчас Першай сусьветнай вайны. У 1894 годзе ў маёнтку Карпаў працаваў эканомам Габрыель Ландсбергіс-Жэмкалніс, летувіскі драматург і дзед Вітаўтаса Ландсбергіса.

Рэзыдэнцыя Карпаў (18 будынкаў), зьяўляецца найбуйнейшым і найлепей захаваным помнікам архітэктуры XVIII стагодзьдзя ў Летуве. Яна была пабудаваная ў 1763 годзе. Пасьля Другой сусьветнай вайны тут знаходзілася сярэдняя школа, цяпер гэта прыватная ўласнасьць. Пабудовы акружаныя паркам. Да парку прымыкае рака Мажупа, а да рэзыдэнцыі вядзе ліпавая алея.

28 лютага 2005 году Янішкеле атрымалі герб[1].

Вонкавыя спасылкі

[рэдагаваць | рэдагаваць код]

Янішкеле — сховішча мультымэдыйных матэрыялаў