Кашадары

Кашадары
Населены пункт
Герб
Краіна	Летува
Павет	Ковенскі
Першыя згадкі	1590
Горад з	1946
Геаграфія
Плошча	11 км²
Вышыня НУМ	73 м і 82 м
Часавы пас	UTC+2 UTC+3 (летні час)
Каардынаты	54°52′ пн. ш. 24°27′ у. д.
Насельніцтва
Колькасьць	7644 чал. (2018)
Лічбавыя ідэнтыфікатары
Паштовы індэкс	LT-56001
Сайт	kaisiadorys.lt
Кашадары на мапе Летувы Кашадары

Кашада́ры (па-летувіску: Kaišiadorys) — горад у Цэнтральнай Летуве, у Ковенскім павеце, зьяўляецца адміністрацыйным цэнтрам Кашадарскага раёну. Горад знаходзіцца паміж Вільняй і Коўнам. Праз Кашадары цякуць Нёман і Вілія. Колькасьць насельніцтва гораду налічвае каля 10 тыс. чалавек. Кашадары адносяцца да этнаграфічнага рэгіёну Аўкштота.

Недалёка ад гораду знаходзіцца Летувіскі інстытут вэтэрынарыі.

Гісторыя

Назва гораду паходзіць ад імя татарына Кайшадара, які жыў тут у XVI стагодзьдзі. Але летувісы прыдумалі легенду, што горад атрымаў назву ў XІХ стагодзьдзі, калі тут будавалі чыгунку. Мясцовыя непісьменныя жамойты ўвесь час падыходзілі да будовы і пыталі: «ką čia daro?», што азначае «што тут адбываецца?».

Упершыню паселішча ўзгадваецца ў 1590 годзе. У першай палове ХІХ стагодзьдзя маёнтак Кашадары належаў сям’і Раемэраў. У 1860-х гадах маёнтак перайшоў да лекара Раемэраў — Яцкевіча. У 1866 годзе тут жыло 29 жыхароў. Разьвіцьцё паселішча атрымала пасьля пабудовы чыгуначнай станцыі на лініі Вільня — Коўна. Потым тут прайшла лінія на Шаўлі. Падчас Першай сусьветнай вайны ў 1915 годзе горад быў заняты нямецкімі войскамі. З 1918 году ў незалежнай Летуве. З 1941 да 1944 году Кашадары былі акупаваныя нямецкімі войскамі.