Лінкаў

Лінкаў
Населены пункт
Сьцяг Герб
Краіна	Летува
Павет	Шавельскі
Першыя згадкі	1370
Горад з	1951
Геаграфія
Плошча	3,3 км²
Вышыня НУМ	98 м і 78 м
Часавы пас	UTC+2 UTC+3 (летні час)
Каардынаты	56°05′ пн. ш. 23°58′ у. д.
Насельніцтва
Колькасьць	1311 чал. (2018)
Лічбавыя ідэнтыфікатары
Тэлефонны код	421
Паштовы індэкс	LT-83435
Лінкаў на мапе Летувы Лінкаў

Лі́нкаў (па-летувіску: Linkuva) — горад у паўночнай Летуве, уваходзіць у склад Пакройскага раёну Шавельскага павету. Горад адносіцца да этнаграфічнага рэгіёну Аўкштота. Колькасьць насельніцтва налічвае каля 1,8 тыс. чалавек.

Гісторыя

Першыя гістарычныя згадкі пра Лінкаў адносяцца да 1370 году, калі яно ўзгадваецца ў Лівонскай хроніцы Германа Вартбэрга. У 1593 годзе тут быў пабудаваны драўляны касьцёл, а ў 1606 годзе на яго месцы пабудавалі цагляны касьцёл. У 1635 годзе ён быў перададзены ордэну Кармэлітаў біскупам Юры Скумін-Тышкевічам. Кармэліты ў 1668 годзе пабудавалі ў паселішчы кляштар. Наступная перабудова касьцёльна-кляштарнага комплексу адбылася ў 1754 годзе. У 1832 годзе расейскія ўлады закрылі кляштар.

Лінкаў атрымаў статус гораду ў 1951 годзе.