Шылакарчма

Шылакарчма
лет. Šilutė
Герб Шылакарчмы Сьцяг Шылакарчмы
Першыя згадкі:	1511
Горад з:	1941
Краіна:	Летува
Павет:	Клайпедзкі
Вышыня:	10 м н. у. м.
Насельніцтва:	15 431 чал. (2018)
Часавы пас:	UTC+2
летні час:	UTC+3
Паштовы індэкс:	LT-99001
Геаграфічныя каардынаты:	55°21′0″ пн. ш. 21°29′0″ у. д.
Шылакарчма на мапе Летувы Шылакарчма
Галерэя здымкаў у Вікісховішчы

Шылакарчма́ (па-летувіску: Šilutė) — горад у заходняй Летуве, недалёка ад мяжы з Расеяй і Курскай затокі. Колькасьць насельніцтва налічвае каля 21 тыс. чалавек. Горад зьяўляецца адміністрацыйным цэнтрам Шылакарчмянскага раёну Клайпедзкага павету. Шылакарчма адносіцца да этнаграфічнага рэгіёну Малая Летува.

Гісторыя

Шылакарчма была заснаваная ў 1511 годзе на дарозе паміж Клайпедай і Тыльзытам (цяпер Савецк) на тэрыторыі Ўсходняй Прусіі. Сьпярша гэта было месца, дзе адпачывалі вандроўцы на дарозе паміж гэтымі гарадамі (адсюль і пайшла назва гораду). У 1550 годзе тут быў пабудаваны першы касьцёл, а паселішча пачало інтэнсіўна разьвівацца. З-за блізкасьці буйных гарадоў Шылакарчма не атрымлівала статус гораду да 1941 году. На працягу 500 гадоў горад быў славуты сваім рыбным гандлем.

У 1923 годзе разам з Клайпедай Шылакарчма адышла Летувіскай Рэспубліцы, але ў 1939 годзе дабравольна перададзена ў склад Нямеччыны. У часы Другой сусьветнай вайны тут разьмяшчаўся буйны лягер для ваеннапалонных.