Google Talk
| Google Talk | |
 | |
| Распрацоўка | |
|---|---|
| Апошняя вэрсія |
3.19.1.13088 (14 траўня 2013 г.) |
| АС | |
| Тып |
Імгненныя паведамленьні VoIP |
| Ліцэнзія | Прапрыетарная |
Google Talk (GTalk) — сэрвіс абмена тэкставымі паведамленьнямі і галасавой сувязі (VoIP) ад Google. Таксама раней працавала аднайменная прылада для карыстаньня сэрвісам для Windows, першая бэта-вэрсія якой выйшла 24 жніўня 2005 году. Ад 2015 году прылада пад Windows не падтрымліваецца.
Для абмену інфармацыі прылада выкарыстоўвае адкрыты пратакол XMMP (які раней меў назву Jabber), што робіць магчымым абмен інфармацыяй з карыстальнікамі пратаколу XMMP. VoIP у GTalk рэалізаваны праз пратакол, зь якога пазьней стаў ўтварыўся Jingle. Пра мэханізм працы сэрвэраў Talk публічна нідзе не паведамляецца.
У якасьці асобнага прыстасаваньня Google Talk існуе толькі для Microsoft Windows (2000, XP, Server 2003, Vista і Windows 7). Для iPhone, BlackBerry і прыладаў з Android існуюць адмысловыя кліенты. З выхадам гаджэта Google Talk пад плятформу Adobe Flash, GTalk стаў даступным для ўсіх.[1] Мноства іншых XMMP-кліентаў таксама сумяшчальныя з Google Talk, таму пытаньняў з адсутнасьцю падтрымкі на пэўных плятформах не ўзьнікае.
Праца кліента да Google Talk пад Windows спыненая 23 лютага 2015 году[2]. Нягледзячы на гэта, застаецца магчымасьць камунікаваць з кантактамі праз Hangouts Chrome, а таксама праз праграмы іншых распрацоўшчыкаў (напрыклад, Pidgin ды Gajim).