Дынама Берасьце

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Дынама Берасьце
FC Dinamo Brest.png
Поўная назва Дынама-Брэст
Заснаваны 1960
Горад Берасьце, Беларусь
Стадыён АСК «Берасьцейскі»
Умяшчальнасьць: 10 169[1]
Старшыня праўленьня Аляксандар Каляда[2]
Галоўны трэнэр Сяргей Кавальчук[d]
Чэмпіянат Найвышэйшая ліга чэмпіянату Беларусі па футболе
 · 2019 1 месца
http://dynamo-brest.by

«Дынама» — беларускі футбольны клюб з гораду Берасьця, заснаваны ў 1960 годзе. З 1992 году ўдзельнічае ў найвышэйшай лізе чэмпіянату Беларусі. Чэмпіён Беларусі 2019 году. Трохразовы ўладальнік Кубка Беларусі (2007, 2017, 2018). Колеры клюбу: бела-блакітныя. Берасьцейцы разам зь менскім «Дынама», салігорскім «Шахцёрам» і гарадзенскі «Нёманам» зьяўляюцца адзінымі беларускімі клюбамі, якія ніколі не выляталі з найвышэйшай лігі й гулялі ў ёй ад самага першага сэзону.

Гісторыя[рэдагаваць | рэдагаваць крыніцу]

Берасьцейскі клюб быў заснаваны ў 1960 годзе, калі каманда «Спартак» была залічана ў першую зону клясы «Б» чэмпіянату СССР па футболе. Галоўным трэнэрам клюбу быў прызначаны мянчук Віталь Касенюк. Асноўны склад каманды быў укамплектаваны таксама прадстаўнікамі сталіцы. Першы матч чэмпіянату «Спартак» правёў у Бэндэры супраць мясцовага «Ніструл», які скончыўся перамогай беларускіх гульцоў зь лікам 5:1. У 1973 годзе клюб зьмяніў назву спачатку на «Буг», а з 1976 году быў зноўку перайменаваны ў «Дынама», што было зьвязана зь перадачай клюбу на балянс менскага спартовага таварыства «Дынама».

У Берасьце прыехаў Эдуард Малафееў, аднак больш чым на час правядзеньня падтрыхтоўкі да новага сэзону ён не застаўся. У тым жа сэзоне каманда дамаглася свайго галоўнага выніку за гісторыю выступаў за савецкім часам, заняўшы ў табліцы другі радок. Аднак у 1980-х гадох клюб быў сканцэнтраваны, галоўным чынам, на падрыхтоўцы гульцоў для менскага «Дынама». Сярод выбітных футбалістаў таго пэрыяду варта адзначыць абаронцу Сяргея Гоманава (1979—1981), Георгія Кандрацьева, нападніка Валера Вялічку (1984, 1989—1990), Юрыя Антановіча, Юрыя Малеева.

З 1991 году берасьцейскі клюб стала выступае ў найвышэйшай лізе чэмпіянату Беларусі. Самым значным дасягненьнем да сёньняшняга часу лічыцца трэцяе месца ў самым першым сэзоне айчыннага чэмпіянату. Недастатковае фінансаваньне ў наступныя гады не дало магчымасьць клюбу паказваць добрыя вынікі. З 2003 году клюб згодна з прэзыдэнцкім загадам, быў перададзены ва ўпраўленьне РУП «Берасьцеэнэрга». Амаль утрымаўшыся ад вылету ў сэзоне 2003 году, у клюбе пайшлі на зьмены, быў запрошаны малавядомы латвійскі спэцыяліст Віктар Несьцярэнка на пасаду галоўнага трэнэра, а асноўны вэктар разьвіцьця быў накіраваны на вяртаньне ў каманды берасьцейскіх выхаванцаў. Гэтак у маскоўскага «Спартака» быў арэндаваны Раман Васілюк. Аднак пачатак сэзону быў катастрафічным за першыя 7 тураў клюб зарабіў толькі 5 пунктаў, пасьля чаго Несьцярэнка быў звольнены, а на вольную пасаду быў запрошаны Ўладзімер Курнеў. Каманда загуляла лепей, аднак выніковае 8 месца не дазволіла Курневу працягнуць працу ў клюбе і новым галоўным трэнэрам стаў Міхаіл Мархель. З новым трэнэрам склад клюбу абнавіўся на 80%, пры гэтым у складзе берасьцейскіх выхаванцаў амаль не засталося, аднак гэта не дапамагло клюбу — ён зноўку скончыў чэмпіянат на 8 месцы. Сэзон 2006 году клюб зноўку пачаў з новым трэнэрам, на гэты раз свае сілы паспрабаваў Сяргей Бароўскі, зь якім было заключана пагадненьне паводле схемы 1+1. Асноўная стаўка была зроблена на моладзь, зь некаторымі вэтэранамі кантракты не былі падоўжаныя. Аднак сэзон выйшаў няўдалы, «Дынама» за ўвесь сэзон забіла толькі 17 мячоў, менш толькі ў «Белшыны», якая заняла апошні радок. Новы сэзон 2007 году пачаўся як і папярэднія — з адстаўкі галоўнага трэнэра. Новым трэнэрам стаў Уладзімер Геваркян, зь якім «Дынама» пачало вельмі пасьпяхова, у 1/4 фінала быў пераможаны салігорскі «Шахцёр», у паўфінальных баталіях берасьцейцы вырвалі перамогу зь лікам 2:1 ў Горадні, калі Дзьмітры Мазалеўскі адзначыўся галявым стрэлам на 92 хвіліне. Першы матч гэтых супернікаў скончыўся нічыёй 2:2, такім чынам «Дынама» выйшла ў фінал кубку, дзе яго чакаў барысаўскі БАТЭ. 27 траўня ў Менску ў драматычным матчы толькі ў сэрыі адзінаццацімэтрвых удараў берасьцейцы сталі ўладальнікамі Кубку Беларусі, незважаючы на тое, што свой першы стрэл у сэрыі берасьцейцы схібілі, аднак выдатна згуляў галкіпэр «дынамаўцаў» Юры Цыгалка. Чэмпіянат, аднак, склаўся няўдала, выніковае 12 месца ўсё ж такі дазволіла клюбу застацца ў эліце.

Пасьля таго як з 2012 году беларускае фізкультурна-спартовае таварыства «Дынама» вырашыла падняць кошт за выкарыстаньне назвы, было вырашына перайменаваць клюб у футбольны клюб «Берасьце»[3]. На гэты конт было праведзена галасаваньне сярод заўзятараў клюбу, якое аднак мела нараканьне на конт сумленнасьці падліку галасоў[4]. Аднак ужо ў канцы лістапада таго ж году Нацыянальны цэнтар інтэлектуальнай уласнасьці выдаў клюбу пасьведчаньне на таварны знак «Дынама»[5].

Гісторыя назваў[рэдагаваць | рэдагаваць крыніцу]

  • «Спартак» (1960—1972)
  • «Буг» (1973—1975)
  • «Дынама» (1976—2011)
  • «Берасьце» (2012)
  • «Дынама» (з 2013)

Дасягненьні[рэдагаваць | рэдагаваць крыніцу]

Склад[рэдагаваць | рэдагаваць крыніцу]

Актуальны на 22 ліпеня 2020 году
Пазыцыя Імя Год нараджэньня
1 Дзяржаўны сьцяг Беларусі Бр Сяргей Ігнатовіч 1992
2 Сьцяг Камэруну Аб Габі Кікі 1995
5 Дзяржаўны сьцяг Беларусі Аб Кірыл Пячэнін 1997
7 Дзяржаўны сьцяг Беларусі ПА Арцём Быкаў 1992
9 Дзяржаўны сьцяг Беларусі ПА Сяргей Крывец 1986
10 Сьцяг Украіны Нап Арцём Мілеўскі 1985
11 Сьцяг Сэнэгалу Нап Абдуляй Дыяльлё (ар. Рух) 1996
13 Дзяржаўны сьцяг Беларусі Аб Максім Вітус 1989
15 Дзяржаўны сьцяг Беларусі ПА Сяргей Кісьляк 1987
17 Дзяржаўны сьцяг Беларусі ПА Павал Сядзько 1998
19 Сьцяг Украіны ПА Аляксандар Наёк 1992
Пазыцыя Імя Год нараджэньня
21 Дзяржаўны сьцяг Беларусі Аб Алег Вераціла (капітан) 1988
22 Дзяржаўны сьцяг Беларусі Аб Аляксандар Паўлавец 1996
32 Сьцяг Лібэрыі ПА Дэйвід Твэ 1998
34 Сьцяг Украіны Аб Яўген Хачарыдзі 1987
35 Дзяржаўны сьцяг Беларусі Бр Павал Паўлючэнка 1998
51 Дзяржаўны сьцяг Беларусі Нап Дзяніс Лапцеў 1991
62 Дзяржаўны сьцяг Беларусі Нап Міхаіл Гардзяйчук 1989
77 Дзяржаўны сьцяг Беларусі Аб Раман Юзапчук 1997
88 Дзяржаўны сьцяг Беларусі Нап Павал Савіцкі 1994
99 Сьцяг Альбаніі ПА Эліс Бакай 1987

Статыстыка[рэдагаваць | рэдагаваць крыніцу]

Чэмпіянат[рэдагаваць | рэдагаваць крыніцу]

Сэзон Ліга Месца Г В Н П РМ Пкт
2012 Найвышэйшая 8 30 8 5 17 27–38 29
2013 Найвышэйшая 8 32 11 7 14 32–41 40
2014 Найвышэйшая 11 32 7 5 20 29–68 26
2015 Найвышэйшая 12 26 7 3 16 23–42 24
2016 Найвышэйшая 8 30 11 7 12 38–38 40
2017 Найвышэйшая 4 30 14 9 7 47–26 51
2018 Найвышэйшая 6 30 14 10 6 52–30 52
2019 Найвышэйшая 1 30 23 6 1 70–22 75

Кубак[рэдагаваць | рэдагаваць крыніцу]

Сэзон Раўнд Г В Н П РМ
2012—2013 1/4 3 2 0 1 12–3
2013—2014 1/8 2 1 0 1 4–3
2014—2015 1/2 6 3 2 1 7–4
2015—2016 1/8 4 2 0 2 6–7
2016—2017 Уладальнікі 7 3 3 1 9–5
2017—2018 Уладальнікі 7 7 0 0 19–6
2018—2019 1/8 2 0 2 0 2–2
2019—2020 1/2 7 4 1 2 8–6

Удзел у эўракубках[рэдагаваць | рэдагаваць крыніцу]

Сэзон Кубак Раўнд Клюб Дома У гасьцях
2017—2018 Ліга Эўропы 2 к/р Сьцяг Аўстрыі Райндорф Альтах 0:3 1:1
2018—2019 Ліга Эўропы 2 к/р Сьцяг Грэцыі Атромітас Атэны 4:3 1:1
3 к/р Сьцяг Кіпру Апалён Лімасол 1:0 0:4

Галоўныя трэнэры[рэдагаваць | рэдагаваць крыніцу]

Крыніцы[рэдагаваць | рэдагаваць крыніцу]

  1. ^ Стадион(рас.). Официальный сайт ФК "Динамо-Брест". Праверана 24 ліпеня 2020 г.
  2. ^ В брестском «Динамо» сменился председатель правления и председатель клуба(рас.)
  3. ^ В новом сезоне брестское «Динамо» будет называться ФК «Брест»(рас.) «Прессбол», 4 студзеня 2012
  4. ^ Калиновский, Д. (4 сьнежня 2012) Имени своего ради(рас.). goals.by. Архіўная копія ад 14 сьнежня 2012 г.
  5. ^ Наше имя одно — Динамо! Афіцыйны сайт ФК «Берасьце»
  6. ^ Сергей Ковальчук - Главный тренер(рас.). Официальный сайт ФК "Динамо-Брест". Праверана 24 ліпеня 2020 г.
  7. ^ Марцэл Лічка пакінуў пасаду трэнера берасцейскага «Дынама». Беларускае Радыё Рацыя (9 сьнежня 2019).
  8. ^ Брестское «Динамо» официально подтвердило отстранение Алексея Шпилевского(рас.)
  9. ^ Марцел Личка официально стал главным тренером брестского «Динамо»(рас.)
  10. ^ 30-летний Алексей Шпилевский возглавит брестское «Динамо»(рас.)
  11. ^ Брестское «Динамо» расторгло контракт с Радославом Латалом(рас.)
  12. ^ Радослав Латал официально возглавил брестское «Динамо»(рас.)
  13. ^ Владимир Журавель возглавил брестское «Динамо»(рас.)
  14. ^ Сергей Ковальчук назначен главным тренером брестского «Динамо»(рас.)

Вонкавыя спасылкі[рэдагаваць | рэдагаваць крыніцу]