Аляксандар Юрэвіч
| Аляксандар Юрэвіч | ||
| ||
| Пэрсанальная інфармацыя | ||
|---|---|---|
| Нарадзіўся | 8 жніўня 1979[1][2] (45 гадоў) | |
| Рост | 174 см | |
| Вага | 78 кг | |
| Пазыцыя | абаронца | |
| Клюбы | ||
| Гады | Клюб | Гульні (галы)¹ |
| 1995—1999 | Ліда | 55 (2) |
| 2000—2007 | Шахцёр Салігорск | 198 (10) |
| 2007 | Карпаты | 10 (0) |
| 2008—2013 | БАТЭ | 142 (1) |
| 2014—2016 | Шахцёр Салігорск | 84 (2) |
| Зборныя | ||
| 1997 | Беларусь (да 18)[d] | 3 (0) |
| 2000—2001 | Беларусь (да 21) | 16 (1) |
| 2006—2011 | Беларусь | 32 (0) |
| Трэнэрскія клюбы | ||
| 2023 | Дынама Берасьце | |
- Вікіпэдыя мае артыкулы пра іншых асобаў з прозьвішчам Юрэвіч.
Алякса́ндар Юрэ́віч (нар. 8 жніўня 1979 году, Ліда) — колішні беларускі футбаліст, абаронца. Уваходзіць у Клюб Сяргея Алейнікава для беларускіх футбалістаў, якія згулялі 500 і болей афіцыйных матчаў.
Кар’ера
[рэдагаваць | рэдагаваць крыніцу]Клюбная
[рэдагаваць | рэдагаваць крыніцу]Выхаванец лідзкага футболу, гуляў за мясцовы клюб. У 2000 годзе перайшоў у салігорскі «Шахцёр». У 2005 годзе выйграў чэмпіёнства з гарнякамі, быў капітанам салігорскага клюбу. У ліпені 2007 году перайшоў у львоўскія «Карпаты», але не замацаваўся там і ў лютым 2008 году стаў гульцом барысаўскага БАТЭ.
Доўгі час быў трывалым гульцом асноўнага складу барысаўскай каманды, выступаў на пазыцыі левага або правага абаронцы. Тройчы дапамог БАТЭ прайсьці ў групавы этап Лігі чэмпіёнаў, 17 сьнежня 2009 году забіў гол у браму «Эвэртану», які дапамог барысаўчанам здабыць першую ў гісторыі гасьцявую перамогу ў групавых раўндах эўракубкаў (1:0). У сэзоне 2012 году пачаў радзей зьяўляцца на полі, саступаючы месца больш маладым гульцам.
У пачатку 2014 году перайшоў з БАТЭ ў салігорскі «Шахцёр»[3]. У складзе «Шахцёра» заняў месца асноўнага левага абаронцы і зноў стаў капітанам каманды. У сьнежні 2014 году падоўжыў кантракт з салігорцамі[4]. У сэзоне 2015 году саступіў капітанства Арцёму Старгародзкаму, але заставаўся трывалым гульцом асноўнага складу. Звычайна гуляў левым абаронцам, але некаторы час выкарыстоваўся ў апорнай зоне. У лістападзе 2015 году зноў падоўжыў кантракт з «Шахцёрам»[5]. У сэзоне 2016 году быў асноўным апорным паўабаронцам каманды. У сьнежні 2016 году новы галоўны трэнэр салігорскага клюбу Алег Кубараў абвесьціў, што Юрэвіч пакідае «Шахцёр»[6].
Міжнародная
[рэдагаваць | рэдагаваць крыніцу]Гуляў за моладзевыя зборныя Беларусі. У 2006—2011 гадах — гулец нацыянальнай зборнай. Майстар спорту міжнароднай клясы.
Трэнэрская
[рэдагаваць | рэдагаваць крыніцу]Завяршыў кар’еру пасьля сэзону 2016 году і ўвайшоў у трэнэрскі штаб салігорскага «Шахцёру»[7]. Спачатку працаваў у дублюючым складзе каманды, дзе дапамагаў Сяргею Нікіфарэнку. У ліпені 2017 году, пасьля прызначэньня галоўным трэнэрам «Шахцёра» Марэка Зуба, быў пераведзены ў асноўную каманду ў якасьці ягонага асыстэнта[8]. У студзені 2018 году зноў перайшоў на працу ў дубль[9]. У сьнежні 2019 году ачоліў зборную Беларусі (да 17 гадоў)[10]. Спачатку працаваў зь юнакамі 2004 году нараджэньня, пазьней 2005 і 2006 гадоў нараджэньня. Разам з апошнімі ў сакавіку 2023 году браў удзел у элітным раўндзе чэмпіянату Эўропы.
У красавіку 2023 года стаў новым галоўным трэнэрам берасьцейскага «Дынама» пасьля адстаўкі Ігара Крывушэнкі[11]. У верасьні 2023 году паводле пагадненьня бакоў пакінуў клюб[12].
Узнагароды
[рэдагаваць | рэдагаваць крыніцу]- Чэмпіён Беларусі ў складзе БАТЭ: 2005, 2008, 2009, 2010, 2011, 2012, 2013
- Срэбраны прызэр чэмпіянату Беларусі ў складзе «Шахцёру»: 2016
- Бронзавы прызэр чэмпіянату Беларусі ў складзе «Шахцёру»: 2014, 2015
- Кубак Беларусі: 2004, 2010, 2014
- Супэркубак Беларусі: 2010, 2011
- У сьпісе 22 найлепшых футбалістаў чэмпіянату: 2004, 2005, 2006, 2008, 2009, 2010, 2011
Статыстыка
[рэдагаваць | рэдагаваць крыніцу]| Клюб | Сэзон | Чэмпіянат | ||
|---|---|---|---|---|
| Дывізіён | Матчы | Галы | ||
| Шахцёр Салігорск | 2015 | Найвышэйшая ліга | 26 | 1 |
| 2016 | Найвышэйшая ліга | 29 | 1 | |
Крыніцы
[рэдагаваць | рэдагаваць крыніцу]- ^ а б в Aleksandr Yurevich // Transfermarkt (мн.) — 2000.
- ^ а б в Alyaksandr Yurevich // FBref.com (мн.)
- ^ Александр Юревич покинул БАТЭ и перешел в «Шахтер» (рас.)
- ^ Котенко, Юревич, Матвейчик, Старгородский и Ковалев продлили контракты с «Шахтером» (рас.)
- ^ Александр Юревич продлил контракт с "Шахтером" (рас.)
- ^ Старгородский и Юревич покинут "Шахтер" (рас.)
- ^ Александр Юревич завершил карьеру (рас.)
- ^ Александр Юревич станет ассистентом Зуба (рас.)
- ^ В солигорском «Шахтере» большие изменения в тренерском штабе (рас.)
- ^ Александр Юревич возглавил юношескую сборную Беларуси U-17 (рас.)
- ^ Брестское "Динамо" объявило о подписании контрактов с тремя тренерами, в том числе с Александром Юревичем (рас.) Праверана 2023-04-20 г.
- ^ Юревич покинул пост главного тренера брестское "Динамо" (рас.)
Вонкавыя спасылкі
[рэдагаваць | рэдагаваць крыніцу]- Афіцыйны сайт БАТЭ. Аляксандар Юрэвіч (рас.)
- Статыстыка «ПБ-Инфо» (рас.)
- Нарадзіліся 8 жніўня
- Нарадзіліся ў 1979 годзе
- Нарадзіліся ў Лідзе
- Футбалісты клюбу «Ліда»
- Футбалісты клюбу «Шахцёр» Салігорск
- Футбалісты клюбу «Карпаты» Львоў
- Футбалісты клюбу БАТЭ Барысаў
- Футбалісты моладзевай зборнай Беларусі
- Футбалісты зборнай Беларусі
- Футбалісты клюбу «Дынама» Берасьце
- Беларускія футбалісты