Дынама-93 Менск

	Дынама-93
Заснаваны	1946
Горад	Менск, Беларусь
Чэмпіянат	Вышэйшая ліга
· 1997	5 месца

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Дынама Менск (неадназначнасьць).

«Дына́ма-93» — беларускі футбольны клюб зь Менску. Быў заснаваны ў 1946 годзе як «Дынама-д». Расфармаваны ў 1998 годзе.

Гісторыя

У першым незалежным чэмпіянаце краіны 1992 году, які праводзіўся ў адно кола, «Дынама-93» гуляла ў другой лізе чэмпіяната Беларусі (на той час другім па ранзе дывізіёне), дзе сталася пераможцам і атрымала права гуляць у вышэйшай лізе. «Дынама-93» набрала роўную колькасьць пунктаў з бабруйскім «Шыньнікам», а таму чэмпіёнства прыйшлося здабываць у дадатковай гульні, якая адбылася 25 чэрвеня 1992 г. на стадыёне «Трактар» у Менску, дзе сталічная каманда ўпэўнена перамагла зь лікам 3:0. Пры гэтым цікава, што ў асабістай сустрэчы рэгулярнага першынства «Дынама-93» свайму суперніку прайграла (1:2).

У сэзоне 1998 году «Дынама-93» здолела згуляць усяго 14 гульняў, дадаткова атрымаўшы адну тэхнічную паразу ад віцебскага «Лякаматыва-96» (0:3), не зьявіўшыся на матч празь фінансавыя цяжкасьці. Улетку 1998 г. каманда была вымушана зьняцца з чэмпіянату і неўзабаве была афіцыйна распушчана.

Паказьнікі выступленьня «Дынама-93» у вышэйшай лізе чэмпіянату Беларусі:

Праведзеных гульняў: 181, зь іх
- выйграных: 99
- нічыйных: 43
- прайграных: 39
Колькасьць мячоў
- забітых: 296
- прапушчаных: 157
Набраных пунктаў: 340

Дасягненьні

Чэмпіянат Беларусі
- Другое месца (1): 1993/1994.
- Трэцяе месца (3): 1992/1993, 1994/1995, 1995 (восень).

Кубак Беларусі
- Пераможца (1): 1994/1995.
- Фіналіст (1): 1996/1997.

Папярэднія назвы

«Дынама-д» (1946—1947, 1949, 1950, 1952, 1963—1976, 1978—1991)
«Дынама-2» (да лета 1992)
«Беларусь» (зь лета 1992 — да лета 1993)

Трэнэры

Іван Шчокін (1992—1993)
Віктар Сокал (1994—1996)

Вядомыя гульцы

Удзел у эўракубках

Сэзон	Кубак	Раўнд	Клюб	Дома	У гасьцях
1995—1996	Кубак уладальнікаў кубкаў	к/р	Мольдэ	1:1	1:2
1996—1997	Кубак УЭФА	1 к/р	Тылігул Тыраспаль	3:1	1:1
		2 к/р	Гэльсынгборг	0:3	1:1
1997	Кубак Інтэртота	Група 1	Гээрэнвээн	1:0
			Палёнія Варшава		4:1
			Дуйсбург	0:1
			Ольбарг		1:2