Максім Касараб
| Максім Касараб | ||
| Пэрсанальная інфармацыя | ||
|---|---|---|
| Нарадзіўся | 10 чэрвеня 2003[1] (22 гады) | |
| Рост | 185 см[3] | |
| Вага | 80 кг[1] | |
| Пазыцыя | абаронца | |
| Клюбная інфармацыя | ||
| Клюб | Дняпро Магілёў (у арэндзе з клюбу «Дынама Берасьце») | |
| Клюбы | ||
| Гады | Клюб | Гульні (галы)¹ |
| 2021—2023 | Менск | 44 (2) |
| 2024— | Дынама Берасьце | 38 (1) |
| 2026— | → Дняпро Магілёў | |
| Зборныя | ||
| 2021 | Беларусь (да 19)[d] | 3 (0) |
| 2023—2024 | Беларусь (да 21) | 12 (2) |
| 2024 | Беларусь | 1 (0) |
|
¹ Колькасьць гульняў і галоў за прафэсійны клюб лічыцца толькі | ||
Максі́м Дзьмітрыевіч Касара́б (нар. 10 чэрвеня 2003) — беларускі футбаліст, абаронца берасьцейскага «Дынама» і моладзевай зборнай Беларусі.
Кар’ера
[рэдагаваць | рэдагаваць код]Клюбная
[рэдагаваць | рэдагаваць код]Пачынаў займацца футболам у менскім «Дынама», а ў веку 10 гадоў трапіў у структуру «Менску». З 2019 году пачаў выступаць за клюбны дубль, а таксама браў удзел у Юніёрскай лізе УЭФА. Тады ж стаў зрэдку прыцягвацца да асноўнай каманды. Упершыню за галоўную каманду «Менску» згуляў 5 верасьня 2020 году ў матчы Кубка Беларусі супраць «Астраўца» (3:0), калі выйшаў на замену ў канцы сустрэчы.
Перад сэзонам 2021 году стаў трывала трэнавацца з асноўнай камандай клюбу. Дэбютаваў у Найвышэйшай лізе 13 сакавіка 2021 году ў матчы супраць салігорскага «Шахцёра» (0:1), выйшаўшы на замену ў канцы сустрэчы. Хутка замацаваўся ў стартавым складзе каманды. Сэзон 2022 году амаль цалкам прапусьціў праз траўмы, а ў 2023 годзе зноў пачаў выступаць у першай адзінаццатцы сталічнага клюбу. У сьнежні 2023 году па заканчэньні кантракта пакінуў «Менск»[4].
У студзені 2024 году склаў трохгадовае пагадненьне зь берасьцейскага «Дынама»[5]. У 2024 году быў асноўным абаронцам клюбу.
Міжнародная
[рэдагаваць | рэдагаваць код]У кастрычніку 2019 году гуляў за зборную Беларусі (да 17 гадоў) у кваліфікацыйным раўндзе чэмпіянату Эўропы. У кастрычніку 2021 году гуляў за зборную Беларусі (да 19 гадоў) у кваліфікацыйным раўндзе чэмпіянату Эўропы. 24 сакавіка 2023 году дэбютаваў у зборнай Беларусі (да 21 году), калі выйшаў у стартавым складзе ў адборачным матчы чэмпіянату Эўропы 2025 году супраць зборнай Андоры (0:0) і быў заменены ў другім тайме.