Чэмпіянат Беларусі па футболе 2021 году

Чэмпіянат Беларусі па футболе 2021 году — 31-ы розыгрыш чэмпіянату Беларусі, які праходзіў з 12 сакавіка да 5 сьнежня. Спаборніцтвы ладзіліся ў трох лігах.

Найвышэйшая ліга

У найвышэйшай лізе гулялі 16 камандаў. Пасьля мінулага сэзону «Белшына», «Смалявічы» вылецелі ў першую лігу, а іх месца занялі найлепшыя дружыны першай лігі 2020 году — «Спадарожнік» і «Гомель». «Гарадзея» пасьля папярэдняга сэзону спыніла сваё існаваньне, таму зь першай лігі была запрошаная «Смаргонь», якая заняла ў першай лізе 6 месца. Іншыя клюбы, якія фінішавалі вышэй за «Смаргонь», адмовіліся ад удзел у найвышэйшай лігі. Пасьля 15 тура «Спадарожнік» зьняўся з турніру, у выніку чаго усе наступныя матчы ягоныя супернікі аўтаматычна атрымалі па 3 пункты.

М	Каманда	Г	В	Н	П	Мячы	Пкт	Заўвагі
1	Шахцёр	30	24	3	3	62-18	75	Першы кваліфікацыйны раўнд Лігі чэмпіёнаў 2022—2023 гадоў
2	БАТЭ	30	19	8	3	61-27	65	Другі кваліфікацыйны раўнд Лігі канфэрэнцыяў 2022—2023 гадоў
3	Дынама Менск	30	19	5	6	55-20	62	Першы кваліфікацыйны раўнд Лігі канфэрэнцыяў 2022—2023 гадоў
4	Гомель	30	17	8	5	57-23	59
5	Рух	30	16	10	4	52-28	58
6	Дынама Берасьце	30	8	14	8	32-32	38
7	Віцебск	30	9	10	11	37-41	37
8	Тарпэда-БелАЗ	30	10	6	14	38-43	36
9	Слуцак	30	9	8	13	36-44	35
10	Іслач	30	9	7	14	38-47	34
11	Нёман	30	9	7	14	36-36	34
12	Менск	30	8	9	13	32-52	33
13	Энэргетык-БДУ	30	8	9	13	35-42	33
14	Славія	30	8	8	14	42-50	32	Плэй-оф за месца ў найвышэйшай лізе
15	Смаргонь	30	4	9	17	26-66	21	Паніжэньне ў першую лігу
16	Спадарожнік	30	2	1	27	12-82	7	Датэрмінова зьняліся з розыгрышу

Плэй-оф за месца ў найвышэйшай лізе

2 сьнежня 5 сьнежня	Славія	1:0 0:0	Крумкачы

Першая ліга

У розыгрышы першай лігі рэкордна скараціўся сьпіс удзельнікаў, які налічваў усяго 12 камандаў. Яны згулялі паміж сабой у тры колы, агулам 33 матчы. У параўнаньні зь мінулым сэзонам «Спадарожнік», «Гомель», а таксама «Смаргонь» выйшлі ў найвышэйшую лігу. Апошняя зь іх атрымала запрашэньне на ўдзел у найвышэйшай лігі праз спыненьня існаваньня «Гарадзеі». У адваротным кірунку рушыла толькі «Белшына», а «Смалявічы» адмовіліся ад удзелу ад турніру зь фінансавых чыньнікаў. Спынілі свае выступы «Ашмяны-БДУФК», «Граніт» і «Хімік». З другой лігі падняліся найлепшыя каманды другой лігі сэзону 2020 году — «Дняпро» і петрыкаўскі «Шахцёр». Дзеля папаўненьня складу ўдзельнікаў былі запрошаныя з другой лігі «Баранавічы».

М	Каманда	Г	В	Н	П	Мячы	Пкт	Заўвагі
1	Арсэнал	33	20	8	5	59-22	68	Выйшлі ў найвышэйшую лігу
2	Белшына	33	19	6	8	69-42	63	Выйшлі ў найвышэйшую лігу
3	Крумкачы	33	17	9	7	58-31	60	Плэй-оф за месца ў найвышэйшай лізе
4	Хваля	33	16	8	9	49-39	56
5	Дняпро	33	15	10	8	58-38	55
6	Лякаматыў	33	15	9	9	56-39	54
7	Шахцёр Петрыкаў	33	13	7	13	50-56	46
8	Нафтан	33	11	11	11	44-46	44
9	Ворша	33	9	7	17	41-60	34
10	Баранавічы	33	7	7	19	38-72	28
11	Ліда	33	4	9	20	33-75	21
12	Слонім-2017	33	3	7	23	27-62	16

Другая ліга

Другая ліга значна зьмяніла свой фармат, фармальна аб’яднаўшыся з абласнымі чэмпіянатамі. Колькасьць удзельнікаў павялічылася да 77 камандаў, якія былі падзеленыя на чэмпіянаты Гарадзенскай, Гомельскай, Магілёўскай абласьцей. Розыгрышы Берасьцейскай і Віцебскай абласьцей ладзіліся ў падгрупах «Захад» і «Ўсход», а ў чэмпіянаце Менскай вобласьці, якая была падзеленая па падгрупы «Поўдзень» і «Поўнач», узялі ўдзел прадстаўнікі Менску.

Матчы за 1—7 месцы

1—2	Макслайн	1:2 (д. ч.)	Астравец
3—4	Партызан	1:0	Асіпавічы
5—6	БДУ	3:1	Стэнлес
7—8	Дняпро-Юні	1:2	Маларыта

Вонкавыя спасылкі

Афіцыйны сайт Беларускай фэдэрацыі футболу (рас.)