Аляксей Лягчылін
| Аляксей Лягчылін | ||
| Пэрсанальная інфармацыя | ||
|---|---|---|
| Нарадзіўся | 11 красавіка 1992[1][2] (34 гады) | |
| Рост | 191 см[3] | |
| Вага | 86 кг[3] | |
| Пазыцыя | паўабаронца | |
| Клюбная інфармацыя | ||
| Клюб | Ліда | |
| Нумар | 3 | |
| Клюбы | ||
| Гады | Клюб | Гульні (галы)¹ |
| 2009—2015 | Нёман Горадня | 101 (7) |
| 2016 | Менск | 26 (5) |
| 2017—2018 | Дынама Берасьце | 29 (3) |
| 2018—2025 | Нёман Горадня | 151 (8) |
| 2026— | Ліда | |
| Зборныя | ||
| 2013 | Беларусь (да 21) | 7 (1) |
| 2017 | Беларусь | 1 (0) |
Аляксе́й Лягчы́лін (нар. 11 красавіка 1992 году) — беларускі футбаліст, апорны паўабаронца «Ліды». У 2017 годзе правёў 1 матч за нацыянальную зборную Беларусі.
Кар’ера
[рэдагаваць | рэдагаваць код]Клюбная
[рэдагаваць | рэдагаваць код]Выхаванец гарадзенскага клюбу «Нёман», з 2009 году выступаў за галоўную каманду. У сэзоне 2012 году не зьяўляўся на полі з прычыны траўмы. У сэзоне 2013 году толькі ў чэрвені стаў трапляць на лаўку запасных. 30 верасьня 2013 году пасьля доўгага перапынку зноўку выйшаў на поле за асноўную каманду «Нёману». Хутка замацаваўся ў асноўным складзе на пазыцыі апорнага паўабаронцы. У сэзоне 2014 году ўжо быў трывалым гульцом асновы, гуляючы ў апорнай зоне. 7 траўня 2014 году адзначыўся дублем у браму салігорскага «Шахцёру», той матч скончыўся зь лікам 3:0. Усяго за сэзон 2014 году забіў 4 мячы. У студзені 2016 году перайшоў у клюб «Менск»[4]. У студзені 2017 году падпісаў кантракт зь берасьцейскім «Дынама»[5]. У першай палове сэзону 2017 году трывала гуляў у стартавым складзе на пазыцыі апорнага паўабаронцы, пасьля стаў радзей зьяўляцца на полі. У чэрвені 2018 году паводле пагадненьня бакоў пакінуў берасьцейскі клюб[6].
У ліпені 2018 году вярнуўся у гарадзенскі «Нёман»[7]. Замацаваўся ў стартавым складзе гарадзенскай каманды. У сэзоне 2019 году часьцей выкарыстоўся ў якасьці цэнтральнага абаронцы, пазьней пачаў гуляць у абароне рэгулярна[8]. У сьнежні 2019 году падоўжыў кантракт з гарадзенцамі на адзін сэзон[9]. У студзені 2024 года зноў падоўжыў пагадненьне зь «Нёманам»[10]. Не зважаючы на тое, што гулец у сэзоне 2024 году ня меў шмат гульнёвага часу, у студзені 2025 году ён працягнуў супраць з клюбам[11]. Па заканчэньні сэзону пасьля доўгіх гадоў у гарадзенскім клюбе сышоў з каманды і прыяднаўся да першалігавай «Ліды»[12].
Міжнародная
[рэдагаваць | рэдагаваць код]У 2013 годзе выступаў за моладзевую зборную Беларусі на Кубку Садружнасьці, які праходзіў у Санкт-Пецярбургу. Тамака правёў усе 6 матчаў і забіў 1 гол у браму моладзевай зборнай Таджыкістану. 1 чэрвеня 2017 году дэбютаваў у складзе нацыянальнай зборнай Беларусі ў таварыскім матчы супраць зборнай Швайцарыі.
Дасягненьні
[рэдагаваць | рэдагаваць код]- Срэбны прызэр чэмпіянату Беларусі: 2023, 2024
- Уладальнік Кубка Беларусі: 2017, 2024, 2025
- Уладальнік Супэркубка Беларусі: 2018
Статыстыка
[рэдагаваць | рэдагаваць код]| Клюб | Сэзон | Чэмпіянат | ||
|---|---|---|---|---|
| Дывізіён | Матчы | Галы | ||
| Нёман | 2015 | Найвышэйшая ліга | 26 | 2 |
| Менск | 2016 | Найвышэйшая ліга | 26 | 5 |
| Дынама Берасьце | 2017 | Найвышэйшая ліга | 23 | 3 |
| 2018 | Найвышэйшая ліга | 6 | 0 | |
| Нёман | 14 | 3 | ||
Крыніцы
[рэдагаваць | рэдагаваць код]- ↑ Aleksey Legchilin // Transfermarkt (мн.) — 2000.
- ↑ Alyaksey Lyahchylin // FBref (анг.)
- 1 2 3 https://www.fcneman.by/by/komanda/main/8.html
- ↑ Алексей Легчилин сегодня подпишет контракт с «Минском» (рас.)
- ↑ Алексей Легчилин подписал 2-летний контракт с брестским «Динамо» (рас.)
- ↑ Алексей Легчилин покинул брестское "Динамо" (рас.)
- ↑ Алексей Легчилин вернулся в «Неман» (рас.)
- ↑ Садовничий и компания. Белорусские футболисты, кардинально менявшие позицию на поле (рас.)
- ↑ Алексей Легчилин продолжит играть за "Неман" (рас.)
- ↑ Алексей Легчилин проведет 13-й сезон в "Немане" (рас.)
- ↑ Алексей Легчилин продлил контракт с "Неманом" (рас.). Football.by (2025-01-15). Праверана 2025-03-05 г.
- ↑ Алексей Легчилин перешел в "Лиду" (рас.). Football.by (2026-02-23). Праверана 2026-03-01 г.
Вонкавыя спасылкі
[рэдагаваць | рэдагаваць код]- Статыстыка «ПБ-Инфо» (рас.)