Сяргей Крывец

Зьвесткі зь Вікіпэдыі — вольнай энцыкляпэдыі
Сяргей Крывец
Сяргей Крывец
Пэрсанальная інфармацыя
Нарадзіўся 8 чэрвеня 1986 (37 гадоў)
Горадня, Беларусь
Рост 177 см
Вага 77 кг
Пазыцыя паўабаронца
Клюбная інфармацыя
Клюб Вяра Леха
Клюбы
Гады Клюб Гульні (галы)¹
2003—2006
2006—2009
2009—2012
2012—2013
2013—2014
2014—2016
2016—2017
2017—2018
2018—2021
2021—2022
2022— 		Лякаматыў Менск
БАТЭ
Лех
Цьзянсу Сайнці
БАТЭ
Мэц
Вісла Плоцк
Арка Гдыня
Дынама Берасьце
Лех 2
Вяра Леха 		52 (15)
92 (28)
59 (8)
20 (1)
35 (18)
36 (2)
23 (2)
10 (2)
32 (6)
47 (8)
25 (13)
Зборныя
2004
2006—2009
2008—2016 		Беларусь (да 19)
Беларусь (да 21)
Беларусь 		11 (3)
25 (5)
38 (5)

¹ Колькасьць гульняў і галоў за прафэсійны клюб лічыцца толькі
для нацыянальнай лігі, адкарэктавана на
22 чэрвеня 2023.

Сярге́й Крыве́ц (нарадзіўся 8 чэрвеня 1986 году, Горадня, БССР) — беларускі футбаліст, паўабаронца берасьцейскага «Дынама». За нацыянальную зборную Беларусі згуляў 38 матчаў і забіў 5 галоў. Аўтар першага голу беларускіх клюбаў у групавым этапе Лігі чэмпіёнаў, забітага падчас гульні зь «Ювэнтусам» (агульны лік — 2:2) 30 верасьня 2008 году. Найлепшы футбаліст Беларусі 2014 году.

Кар’ера[рэдагаваць | рэдагаваць крыніцу]

Клюбная[рэдагаваць | рэдагаваць крыніцу]

Кар’ера Сяргея пачалася ў Горадні, дзе ён займаўся ў ДзЮСШ «Белкард», пад кіраўніцтвам Уладзімера Сямерыкава. У 2003 годзе трапіў у склад менскага клюбу «Лякаматыў». Паводле вынікаў чампіянату ў першай лізе 2004 году «Лякаматыў» атрымаў права выступаць у вышэйшай лізе, а Сяргей быў адным з найлепшых бамбардзіраў клюбу.

У 2006 годзе Крывец перайшоў у БАТЭ, у складзе якого наступныя 4 гады запар станавіўся чэмпіёнам Беларусі. У 2009 паводле вынікаў апытаньня, якое праводзілася газэтай «Прессбол» Сяргей быў прызнаны найлепшым футбалістам чэмпіянату.

У сьнежні 2009 году Крывец перайшоў у польскі «Лех» з Познані[1]. «Лех» у 2010 годзе стаў чэмпіёнам Польшчы. Сяргей правёў 13 матчаў і забіў 3 галы. У ліпені 2012 году быў набыты кітайскім клюбам «Цьзянсу Сайнці»[2], дзе спачатку трывала гуляў у аснове, але з траўня 2013 году перастаў зьяўляцца на пляцоўцы. 21 чэрвеня 2013 году скасаваў кантракт з кітайскім клюбам «Цьзянсу Сайнці»[3].

6 ліпеня 2013 году вярнуўся ў БАТЭ, прычым падпісаў кантракт да 30 чэрвеня 2016 году[4][5][6][7]. Пачаў ня вельмі ўдала, гэтак 23 ліпеня 2013 году ў адказным матчы другога кваліфікацыйнага раўнда Лігі чэмпіёнаў супраць карагандзінскага «Шахцёру» не забіў пэнальці, у выніку чаго БАТЭ саступіў 0:1 і вылецеў з розыгрышу эўрапейскага першынства. Але пазьней выправіўся ў чэмпіянаце Беларусі: тройчы аформіў дубль у браму салігорскага «Шахцёру», дзякуючы чаму БАТЭ здолеў перагнаць гэты клюб і атрымаць чарговае чэмпіёнства. У 2014 годзе стаў сапраўдным лідэрам клюбу, дзякуючы чаму БАТЭ зноўку здолеў выйсьці ў групавы раўнд Лігі чэмпіёнаў. Сваёй выніковай гульнёй зацікавіў францускі клюб «Мэц», куды перайшоў напрыканцы жніўня[8][9][10]. Сума трансфэру не была разгалошана. На момант сыходу з БАТЭ Сяргей зьяўляўся найлепшым бамбардзірам (10 пунктаў) і асыстэнтам (11 пунктаў) чэмпіянату Беларусі 2014 году. У ліпені 2016 году перайшоў у плоцкую «Віслу»[11]. У ліпені 2017 году падпісаў кантракт з клюбам «Арка» з Гдыні[12]. У чэрвені 2018 году падпісаў кантракт на 2,5 году зь берасьцейскім «Дынама»[13].

Міжнародная[рэдагаваць | рэдагаваць крыніцу]

У нацыянальнай зборнай Беларусі дэбютаваў 2 лютага 2008 году ў таварыскім матчы супраць зборнай Ісьляндыі. У далейшым трывала выклікаўся ў зборную, але пасьля пераезду ў Кітай улетку 2012 году перастаў трапляць у асноўную каманду. Па вяртаньні ў БАТЭ дзякуючы добрай гульні ў чэмпіянаце зноўку атрымаў выклік у зборную ў кастрычніку 2013 году.

Узнагароды[рэдагаваць | рэдагаваць крыніцу]

БАТЭ:

«Лех»:

«Цьзянсу Сайнці»:

Статыстыка[рэдагаваць | рэдагаваць крыніцу]

Клюб Сэзон Чэмпіянат
Дывізіён Матчы Галы
БАТЭ 2013 Найвышэйшая ліга 15 8
2014 Найвышэйшая ліга 20 10
Дынама Берасьце 2018 Найвышэйшая ліга 11 1
2019 Найвышэйшая ліга 2 1
2020 Найвышэйшая ліга 19 4

Крыніцы[рэдагаваць | рэдагаваць крыніцу]

  1. ^ Найлепшы гулец чэмпіянату Беларусі перайшоў у польскі «Лех»(недаступная спасылка) «Наша Ніва», 22 сьнежня 2009
  2. ^ Сергей Кривец перешел из «Леха» в «Цзянсу Сайнти»(рас.)
  3. ^ Кривец расторг контракт с китайским «Цзянсу Сэйнти» и стал свободным агентом(недаступная спасылка)(рас.)
  4. ^ Футбол. Сергей Кривец перешел в БАТЭ(рас.)
  5. ^ Кривец подписал 3-летний контракт с БАТЭ(рас.)
  6. ^ Сергей Кривец — футболист БАТЭ
  7. ^ Крывец вярнуўся ў БАТЭ «Наша Ніва», 6 ліпеня 2013
  8. ^ Сяргей Крывец сышоў з БАТЭ ў французскі «Мец». Наша Ніва
  9. ^ Сяргей Крывец сышоў з БАТЭ ў французскі «Мец». Эўрарадыё
  10. ^ «Метц» официально представил Кривца. Tribuna.com
  11. ^ Сергей Кривец подписал однолетний контракт с «Вислой» из Плоцка(рас.)
  12. ^ Сергей Кривец стал игроком польской «Арки»(рас.)
  13. ^ Сергей Кривец подписал контракт с брестским «Динамо»(рас.)

Вонкавыя спасылкі[рэдагаваць | рэдагаваць крыніцу]

Атрымана з «https://be-tarask.wikipedia.org/w/index.php?title=Сяргей_Крывец&oldid=2415739»