Тарпэда-БелАЗ Жодзін
| Тарпэда-БелАЗ Жодзін | |
 | |
| Поўная назва | па-беларуску: Тарпеда-БелАЗ (Жодзіна) |
|---|---|
| Заснаваны | 1962 |
| Горад | Жодзін, Беларусь |
| Стадыён | «Тарпэда» Умяшчальнасьць: 6524 |
| Дырэктар | Станіслаў Вазьняк |
| Галоўны трэнэр | |
| Чэмпіянат | Найвышэйшая ліга |
| · 2025 | 6 месца |
| torpedo-belaz.by (рас.) | |
«Тарпэ́да»-БелАЗ — беларускі футбольны клюб з Жодзіна. Заснаваны ў 1962 годзе. Двухразовы ўладальнік Кубка Беларусі 2016 і 2023 гадоў. З 2002 году выступае ў найвышэйшай лізе чэмпіянату Беларусі.
Гісторыя
[рэдагаваць | рэдагаваць код]Першая футбольная каманда з Жодзіна ўпершыню выступіла ў чэмпіянаце БССР у 1962 годзе. Тагачаснай назвай клюбу была «Ракета». Аднак, першы гульнявы досьвед быў няўдалым, бо каманда атрымала 15 паразаў з 16 гульняў і скончыла чэмпіянат на перадапошнім радку выніковай табліцы, толькі з-за таго, што клюб «Салют» з Баранавічаў датэрмінова зьняўся з чэмпіянату.
Некалькі наступных сэзонаў клюб праводзіў ужо на абласным узроўні. Толькі празь пяць гадоў іншы клюб з Жодзіна, «Аўтазаводец», паспрабаваў свае сілы ў чэмпіянаце БССР, аднак на гэты раз пачынаць камандзе прыйшлося з другога дывізіёну. Клюб заняў шостае месца ў сваёй падгрупе. Наступны сэзон быў больш удалым, каманда заняла 4 месца сярод 11 удзельнікаў. У 1969 годзе клюб зьмяніў назоў на «Тарпэда» й заняў першае месца ў сваёй зоне, пасьля чаго вынікова скончыў дадатковыя гульні за выхад у першы дывізіён, аказаўшыся мацней за ваўкавыскую «Працу», а таксама менскія «Трактар» і «Арбіту».
1970 год стаў для клюбу чэмпіёнскім, каманда адразу зь першага заходу здолела атрымаць перамогу ў чэмпіянаце БССР, пры гэтым сем хатніх гульняў скончыўшы перамогамі й толькі аднойчы згуляўшы ўнічыю на сваім полі.
У 1992 годзе каманда мела назву БелАЗ. Да 2011 году клюб меў назву «Тарпэда», а па ўваходжаньні ў лік заснавальнікаў клюбу БелАЗу, яна была зьмененая на «Тарпэда»-БелАЗ[2]. ААТ БелАЗ атрымала кантрольны пакет акцыяў клюбу (65%), што надало магчымасьць значна падкарэктаваць клюбны фінансавы стан[3]. У чэмпіянаце 2012 году клюб заняў 11 месца ў найвышэйшай лізе і трапіў у плэй-оф за месца ў найвышэйшай лізе, дзе яго супернікам быў клюб «Гарадзея», але па выніках дзьвюх гульняў (0:1, 4:0) жодзінскі клюб застаўся ў найвышэйшай лізе.
У верасьні 2019 году галоўным трэнэрам жодзінскай каманды стаў Юры Пунтус, які ў 2020 годзе здолеў прывесьці клюб да ягоных першых у гісторыі бронзавых мэдалёў чэмпіянату Беларусі. У пачатку 2021 году фан-рух клюбу адмовіўся падтрымліваць клюб, пакуль у краіне працягваюцца палітычныя судовыя справы, зьбіцьцё і забойства людей за ўласныя меркаваньні[4].
У кваліфікацыі Лігі канфэрэнцыяў УЭФА 2020—2021 гадоў клюб сустракаўся з дацкім «Капэнгагенам». Празь міжнародныя санкцыі і паветранай блякады «Тарпэда-БелАЗ» вымушаны быў правесьці хатнюю гульню па-за межамі Беларусі. Першапачаткова разглядаўся варыянт з тульскім стадыёнам «Арсэнал», аднак жодзінцам адмовілі, праз гэта хатняя гульня прайшла на Цэнтральным стадыёне ў Казані, дзе каманда саступіла зь лікам 0:5. Сэзон у чэмпіянаце Беларусі атрымаўся няўдалым, каманда хутка апынулася ў ніжняй палове табліцы. У ліпені 2021 году Пунтус пакінуў пасаду галоўнага трэнэра, якую заняў ягоны памочнік Сяргей Зяневіч. Трохі палепшыўшы вынікі ў другой палове сэзону, жодзінская каманда фінішавала на восьмым месцы.
Сэзон 2022 году жодзінская каманда пачала пад кіраўніцтвам новага трэнэра Дзьмітра Молаша. Пачатак чэмпіянату атрымаўся няўдалым — каманда трывала паразы ў першых трох матчах усьцяж, але неўзабаве выправіла становішча і ўзвысілася да сярэдзіны табліцы. Добрая гульня ў другой палове сэзону дазваляла змагацца за больш высокія месцы, аднак няўпэўнены фініш пакінуў жодзінцаў на восьмым радку.
У 2023 годзе «Тарпэда-БелАЗ» добра пачаў чэмпіянат, хутка апынуўшыся сярод лідэраў у табліцы. 28 траўня 2023 году клюб у другі раз здабыў Кубак Беларусі, перагуляўшы ў фінале барысаўскі БАТЭ зь лікам 2:0. Дзякуючы гэтаму жодзінцы атрымалі месца ў Лізе канфэрэнцыяў УЭФА, дзе аднак адразу саступілі кіпрскаму АЕКу і выбылі з далейшага розыгрышу. Няўдача ў эўракубках перакінулася на айчыннае першынство, і жодзінцы выдалі сэрыю зь нічыіх. Каманда працягвала трымаць трэці радок у табліцы, але шанец на залаты і нават срэбны мэдалі амаль зьнік. У апошнім туры, аднак, «Тарпэда-БелАЗ» мог страціць і трэці радок, але захаваў яго, не зважаючы на паразу ў апошнім матчы менскаму «Дынама». Такім чынам, у другі раз у гісторыі клюб здабыў мэдалі айчыннага чэмпіянату.
Дасягненьні
[рэдагаваць | рэдагаваць код]- Чэмпіянат Беларусі:
- Трэцяе месца (3): 2020, 2023, 2024
- Кубак Беларусі:
- Супэркубак Беларусі:
- Пераможца (1): 2024
- Фіналіст (1): 2011, 2017
- Пераможца першай лігі чэмпіянату Беларусі: 2001
- Чэмпіён БССР (4): 1970, 1971, 1980, 1981
- Уладальнік Кубка БССР (8): 1969, 1971, 1972, 1977, 1978, 1981, 1982, 1983
- Срэбраны прызэр чэмпіянату БССР (2): 1972, 1985
- Бронзавы прызэр чэмпіянату БССР (2): 1975, 1982
Склад
[рэдагаваць | рэдагаваць код]- Актуальны на 21 сакавіка 2026 году
|
|
.svg){kind=small}
Статыстыка
[рэдагаваць | рэдагаваць код]Чэмпіянат і Кубак Беларусі
[рэдагаваць | рэдагаваць код]| Сэзон | Ліга | Месца | Г | В | Н | П | РМ | Пкт | Кубак |
|---|---|---|---|---|---|---|---|---|---|
| 2012 | Найвышэйшая | 11 | 30 | 5 | 9 | 16 | 17-39 | 24 | 1/2 |
| 2013 | Найвышэйшая | 5 | 32 | 12 | 6 | 14 | 33-38 | 42 | 1/8 |
| 2014 | Найвышэйшая | 4 | 32 | 13 | 11 | 8 | 38-30 | 50 | 1/16 |
| 2015 | Найвышэйшая | 7 | 26 | 10 | 6 | 10 | 31-29 | 36 | Ул  |
| 2016 | Найвышэйшая | 5 | 30 | 13 | 9 | 8 | 47-33 | 48 | 1/4 |
| 2017 | Найвышэйшая | 5 | 30 | 14 | 9 | 7 | 43-27 | 51 | 1/8 |
| 2018 | Найвышэйшая | 5 | 30 | 16 | 7 | 7 | 36-18 | 55 | 1/8 |
| 2019 | Найвышэйшая | 6 | 30 | 13 | 6 | 11 | 41-36 | 45 | 1/4 |
| 2020 | Найвышэйшая |  | 30 | 16 | 8 | 6 | 55-37 | 56 | 1/2 |
| 2021 | Найвышэйшая | 8 | 30 | 10 | 6 | 14 | 38-43 | 36 | 1/4 |
| 2022 | Найвышэйшая | 8 | 30 | 11 | 10 | 9 | 35-32 | 43 | Ул |
| 2023 | Найвышэйшая | | 28 | 12 | 13 | 3 | 33-18 | 49 | 1/2 |
| 2024 | Найвышэйшая | | 30 | 18 | 8 | 4 | 45-21 | 62 | Ф  |
| 2025 | Найвышэйшая | 6 | 30 | 13 | 10 | 7 | 43-30 | 49 |
Удзел у эўракубках
[рэдагаваць | рэдагаваць код]| Кубак | Г | В | Н | П | М |
|---|---|---|---|---|---|
| Ліга Эўропы | 10 | 4 | 3 | 3 | 11—10 |
| Ліга канфэрэнцыяў | 10 | 2 | 3 | 5 | 11—21 |
| Усяго | 20 | 6 | 6 | 8 | 22—31 |
| Сэзон | Кубак | Раўнд | Клюб | Дома | У гасьцях | |
|---|---|---|---|---|---|---|
| 2010—2011 | Ліга Эўропы | 1 к/р |  |
Фюлькір Рэйк’явік | 3:0 | 3:1 |
| 2 к/р |  |
ОФК Бялград | 0:1 | 2:2 | ||
| 2015—2016 | Ліга Эўропы | 1 к/р |  |
Кукес | 0:0 | 0:2 |
| 2016—2017 | Ліга Эўропы | 2 к/р |  |
Дэбрэцэн | 1:0 | 2:1 |
| 3 к/р |  |
Рапід Вена | 0:0 | 0:3 | ||
| 2020—2021 | Ліга канфэрэнцыяў | 2 к/р |  |
Капэнгаген | 0:5 | 1:4 |
| 2023—2024 | Ліга канфэрэнцыяў | 2 к/р |  |
АЕК | 2:3 | 1:1 |
| 2024—2025 | Ліга канфэрэнцыяў | 1 к/р |  |
Мілсамі | 2:4 | 0:0 |
| 2025—2026 | Ліга канфэрэнцыяў | 1 к/р |  |
Работнічкі | 3:0 | 1:0 |
| 2 к/р |  |
Макабі Хайфа | 1:1 | 0:3 |
Галоўныя трэнэры
[рэдагаваць | рэдагаваць код]- Дзьмітры Лянцэвіч (са сьнежня 2025)
- Дзьмітры Молаш (сьнежань 2021 — сьнежань 2025)[5]
- Сяргей Зяневіч (ліпень — сьежань 2021)[6]
- Юры Пунтус (верасень 2019 — ліпень 2021)
- Сяргей Зяневіч (в. а.) (верасень 2019)[6]
- Вадзім Скрыпчанка (з студзеня да верасьня 2019)[7]
- Алег Кубараў (ліпень 2017 — сьнежань 2018)[8]
- Ігар Крывушэнка (лістапад 2012 — ліпень 2017)[9]
- Вадзім Бразоўскі (травень — лістапад 2012)
- Сяргей Гурэнка (да траўня 2012)
Крыніцы
[рэдагаваць | рэдагаваць код]- ↑ https://football.by/news/211962
- ↑ Жодинское «Торпедо» сменило название (рас.) football.by, 16 лютага 2011
- ↑ Аргументы и факты. «Торпедо-БалАЗ». goals.by
- ↑ Фанаты белорусских футбольных клубов массово объявляют о бойкоте матчей (рас.) TUT.BY Праверана 2021-02-28 г. Архіўная копія ад 28 лютага 2021 г.
- ↑ Дмитрий Молош стал главным тренером жодинского "Торпедо-БелАЗ" (рас.) football.by
- 1 2 Sergey Zenevich - Профиль тренера. Transfermarkt. Праверана 18 сьнежня 2025 г.
- ↑ Скрипченко официально возглавил «Торпедо-БелАЗ» (рас.)
- ↑ Кубарев представлен в качестве главного тренера «Торпедо-БелАЗ» (рас.)
- ↑ Игорь Криушенко возглавил «Торпедо»-БелАЗ (рас.)
Вонкавыя спасылкі
[рэдагаваць | рэдагаваць код]- Афіцыйны сайт (рас.)
| |||||