Дзьмітры Дудар

Зьвесткі зь Вікіпэдыі — вольнай энцыкляпэдыі
Дзьмітры Дудар
Пэрсанальная інфармацыя
Нарадзіўся 8 лістапада 1991(1991-11-08)[1] (32 гады)
Рост 197 см
Вага 84 кг[2]
Пазыцыя брамнік
Клюбы
Гады Клюб Гульні (галы)¹
2011—2012 Нёман-Белкард[d] 45 (0)
2013 Хімік 21 (0)
2014—2015 Дынама Берасьце 22 (0)
2016—2017 Слуцак 29 (0)
2016 Мікашэвічы 14 (0)
2018—2019 Гомель 23 (0)
2019—2021 Нёман Горадня 42 (0)
2022—2023 Тарпэда-БелАЗ 26 (0)
2023 Тарпэда-БелАЗ 0 (0)
Зборныя
2010 Беларусь (да 21) 2 (0)

Дзьмітры Дудар (нарадзіўся 8 лістапада 1991 году) — беларускі футбаліст, брамнік жодзінскага клюбу «Тарпэда-БелАЗ».

Кар’ера[рэдагаваць | рэдагаваць крыніцу]

Клюбная[рэдагаваць | рэдагаваць крыніцу]

Выхаванец гарадзенскай ДЮСШ Белкард і менскага РДВАР. З 2008 году пачаў гуляць за дубль менскага «Дынама». У 2010 годзе атрымаў траўму, праз якую не гуляў на працягу паловы году. Пасьля аднаўленьня ад траўмы зь сярэдзіны 2011 году выступаў за гарадзенскі «Белкард», у сэзоне 2012 году быў асноўным брамнікам каманды ў Другой лізе. У сэзоне 2013 году быў гульцом шацілавіцкага «Хіміка» ў Першай лізе. У сакавіку 2014 году перайшоў у берасьцейскае «Дынама»[3], дзе быў другім брамнікам пасьля Канстанціна Рудзянка. Сэзон 2015 году пачаў у якасьці дублёра Валера Фамічова, але пасьля ягонага зыходу з каманды ў чэрвені стаў асноўным брамнікам.

У студзені 2016 году перайшоў у мікашэвіцкі «Граніт»[4]. У ліпені 2016 году ў сувязі зь фінансавымі праблемамі «Граніта» пакінуў клюб і далучыўся да «Слуцку»[5], дзе ў сувязі з траўмай Артура Лясько стаў асноўным брамнікам. У сэзоне 2017 году чаргаваўся ў браме слуцкай каманды з Барысам Панкратавым. У сьнежні 2017 году, пакінуўшы «Слуцак», падпісаў аднагадовы кантракт з «Гомлем»[6]. У складзе «Гомля» стаў асноўным брамнікам, выцесьніўшы Алега Кавалёва. У сьнежні 2018 году падоўжыў пагадненьне з гомельскім клюбам на сэзон 2019 году[7]. Аднак, у сэзоне 2019 году выступаў пераважна за дубль, згуляўшы за асноўную каманду толькі ў адным матчы. У ліпені 2019 году пакінуў гомельскі клюб[8].

Неўзабаве пасьля сыходу з гомельскай каманды стаў гульцом гарадзенскага «Нёмана»[9], дзе замацаваўся ў якасьці асноўнага брамніка. У студзені 2021 году на год падоўжыў кантракт зь «Нёманам»[10]. У сэзоне 2021 году зьяўляўся на полі нерэгулярна, чаргаваўся ў складзе зь Сяргеем Курганскім і Артурам Маліеўскім. У студзені 2022 году перайшоў у жодзінскае «Тарпэда-БелАЗ»[11].

Міжнародная[рэдагаваць | рэдагаваць крыніцу]

У траўні 2010 году выступаў за малодшую моладзевую зборную Беларусі (да 20 гадоў) на міжнародным турніры ў Партугаліі. У ліпені 2017 году выступаў за другую зборную Беларусі на Кубку Караля ў Тайляндзе.

Дасягненьні[рэдагаваць | рэдагаваць крыніцу]

Статыстыка[рэдагаваць | рэдагаваць крыніцу]

Клюб Сэзон Чэмпіянат
Дывізіён Матчы Галы
Дынама Берасьце 2015 Найвышэйшая ліга 18 –33
Граніт 2016 Найвышэйшая ліга 14 –14
Слуцак 14 –11
2017 Найвышэйшая ліга 15 –17
Гомель 2018 Найвышэйшая ліга 22 –29

Крыніцы[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]