Вікторыя Пльзень

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Вікторыя Пльзень
Znak Viktoria Plzen.png
Поўная назва Football Club Viktoria Plzeň
Заснаваны 1911
Горад Пльзень, Чэхія
Стадыён Доосан Арэна
Умяшчальнасьць: 11 722
Галоўны трэнэр Павал Вэрба
Чэмпіянат Першая ліга
 · 2018—2019 2 месца
Афіцыйны сайт

«Вікторыя» (па-чэску: Viktoria) — чэскі футбольны клюб з гораду Пльзені. Заснаваны ў 1911 годзе. Пяціразовы чэмпіён Чэхіі (2011, 2013, 2015, 2016, 2018), уладальнік Кубка Чэхіі (2010), двухразовы ўладальнік Супэркубка Чэхіі (2011, 2015).

Гісторыя[рэдагаваць | рэдагаваць крыніцу]

Клюб быў заснаваны ў 1911 годзе пад назвай СК «Вікторыя». У 1922 годзе «Вікторыя» стала чэмпіёнам графства. У 1929 годзе клюб аддаў стадыён ураду і адмовіўся ад зямлі на карысьць гарадзкога разьвіцьця, таму ўзяў у арэнду зямлю на вуліцы Лугава. Праз год, каманда стала называцца «прафэсійны клюб Вікторыя Пльзень» і ў той жа час выйшла ў другую лігу нацыянальнага першынства. Ужо праз год «Вікторыя» заняла 2 месца, што азначала павышэньне ў статусе і пераход у першую лігу краіны. У найвышэйшай лізе каманда пратрымалася да 1938 году, але не заваявала якіх-небудзь трафэяў.

Пасьля рэйду амэрыканскіх самалётаў ў красавіку 1945 году і пажару ў чэрвені таго ж году, стадыён «Вікторыя Мэдаў-стрыт» быў разбураны, але з дапамогай жыхароў гораду арэну здолелі аднавіць і яна ўсё яшчэ фунцыянуе і па гэты дзень. У 1949 годзе назва стадыёну была зьменена на «Falcon Klub Skoda Plzen». У 1952 годзе «Вікторыя» вярнулася ў найвышэйшую лігу краіны. У 1955 годзе ў «Вікторыі» зьявілася новая арэна — «Štruncovy Sady Stadion» з умяшчальнасьцю ў 25 тысяч гледачоў, на якім «Вікторыя» гуляе па сёньня. Шырокая рэканструкцыя стадыёну адбылася толькі ў 2003 годзе. Умяшчальнасьць была падвышаная да 32 тысячаў, а таксама палепшана камфортнасьць. Падчас апошняй рэканструкцыі ў 2011 годзе зьмяшчальнасьць стадыёну была паменшаная да 12 тысяч гледачоў.

У 2011 годзе «Вікторыя» ўпершыню ў сваёй гісторыі стала чэмпіёнам Чэхіі. Пасьпяхова правёўшы адборачны этап Лігі чэмпіёнаў клюб трапіў у адную групу разам з «Барсэлёнай», «Мілянам» і барысаўскім БАТЭ. Заняўшы 3 месца ў гэтай групе «Вікторыя» выйшла ў 1/16 фіналу Лігі Эўропы, аднак саступіла там нямецкаму «Шальке-04».

Склад[рэдагаваць | рэдагаваць крыніцу]

Актуальны на 15 ліпеня 2018 году
Пазыцыя Імя Год нараджэньня
1 Сьцяг Славаччыны Бр Матуш Козачык 1983
2 Сьцяг Чэхіі Аб Лукаш Гэйда 1990
4 Сьцяг Чэхіі Аб Роман Губнік 1984
6 Сьцяг Славаччыны ПА Роман Прохазка 1989
7 Сьцяг Чэхіі ПА Томаш Горжава 1988
8 Сьцяг Чэхіі Аб Давід Лімбэрскі 1983
9 Сьцяг Чэхіі ПА Мартын Зэман 1989
10 Сьцяг Чэхіі ПА Ян Копіц 1990
11 Сьцяг Чэхіі ПА Мілан Пэтржэла 1983
14 Сьцяг Чэхіі Аб Радзім Ржэзьнік 1989
15 Сьцяг Чэхіі Нап Міхал Крмэнчык 1993
16 Сьцяг Чэхіі Бр Алеш Грушка 1985
17 Сьцяг Славаччыны ПА Патрык Грошаўскі 1992
Пазыцыя Імя Год нараджэньня
18 Сьцяг Чэхіі Нап Томаш Хоры 1995
19 Сьцяг Чэхіі ПА Ян Коваржык 1988
20 Сьцяг Чэхіі ПА Павал Буха 1998
21 Сьцяг Чэхіі Аб Томаш Гаек 1991
24 Сьцяг Чэхіі Аб Мілан Гавэл 1994
25 Сьцяг Чэхіі ПА Алеш Чэрмак 1994
26 Сьцяг Чэхіі ПА Даніел Коларж 1985
28 Сьцяг Славаччыны Аб Марыян Чышаўскі 1979
29 Сьцяг Чэхіі Бр Домінік Швачэк 1997
37 Сьцяг Чэхіі Нап Якуб Ржэзьнічэк 1988
44 Сьцяг Чэхіі Аб Лудэк Пэрніца 1990
90 Сьцяг Нігерыі ПА Убонг Экпаі 1995

Вонкавыя спасылкі[рэдагаваць | рэдагаваць крыніцу]

Commons-logo.svg Вікторыя Пльзеньсховішча мультымэдыйных матэрыялаў