Аляксандар Дзямешка
| Аляксандар Дзямешка | ||
| Пэрсанальная інфармацыя | ||
|---|---|---|
| Нарадзіўся | 7 лістапада 1986[1] (38 гадоў) | |
| Рост | 170 см[2] | |
| Вага | 67 кг[2] | |
| Пазыцыя | паўабаронца | |
| Клюбы | ||
| Гады | Клюб | Гульні (галы)¹ |
| 2005—2010 | Дынама Берасьце | 30 (1) |
| 2010—2011 | Мікашэвічы | 57 (7) |
| 2012—2014 | Гарадзея | 68 (8) |
| 2015—2017 | Дынама Берасьце | 49 (6) |
| 2018 | Рух Берасьце | 22 (3) |
| 2021 | Берасьцежылбуд[d] | 10 (9) |
| Трэнэрскія клюбы | ||
| 2024— | Дынама Берасьце | |
Алякса́ндар Дзяме́шка (нарадзіўся 7 лістапада 1986 году) — колішні беларускі футбаліст, нападнік.
Клюбная кар’ера
[рэдагаваць | рэдагаваць крыніцу]«Дынама»
[рэдагаваць | рэдагаваць крыніцу]Выхаванец берасьцейскай СДЮШАР-5, з 2003 году пачаў праходзіць у дубль мясцовага «Дынама». Ужо ў 2005 годзе дэбютаваў у асноўнай камандзе. Найбольш пасьпяховым сэзонам у «Дынама» быў сэзон 2007 году, калі Дзямешка 17 разоў зьявіўся на полі ў чэмпіянаце і вызначыўся голам, а таксама разам з камандай здабыў Кубак Беларусі. Пазьней выступаў пераважна толькі за дубль, ня даўшы рады ў замацаваньні ў асноўным складзе дынамаўцаў.
«Граніт» і «Гарадзея»
[рэдагаваць | рэдагаваць крыніцу]Сэзон 2010 году распачаў у складзе «Граніта», які паводле вынікаў чэмпіянату 2009 году страціў месца ў Найвышэйшай лізе. Абараняў колеры мікашэвіцкага клюбу цягам двух сэзонаў, дзе здолеў трывала замацавацца ў асноўным складзе.
У лютым 2012 году перайшоў у «Гарадзею»[3]. Двойчы разам з «цукровымі» займаў другое месца ў Першай лізе, аднак клюб гэтак і ня здолеў прабіцца ў элітны дывізіён, саступаючы ў стыкавых матчах. У сэзоне 2014 году трывала зьяўляўся ў стартавым складзе, але клюб заняў толькі 6-е месца ў Першай лізе.
Вяртаньне ў Берасьце
[рэдагаваць | рэдагаваць крыніцу]З студзеня 2015 году знаходзіўся на праглядзе ў берасьцейскім «Дынама»[4]. У выніку распачаў сэзон 2015 году ў складзе роднага клюбу. У «Дынама» замацаваўся ў асноўным складзе ды пачаў выступаць на пазыцыі цэнтральнага нападніка.
У студзені 2016 году накіраваўся на прагляд у польскі клюб «Погань» зь Седльцаў, але не падышоў камандзе[5]. У выніку вярнуўся ў «Дынама», зь якім у сакавіку падпісаў новы кантракт[6]. Быў капітанам каманды, у першай палове сэзону 2016 году быў асноўным нападнікам і забіў 6 галоў у чэмпіянаце, але ўлетку страціў месца ў першай адзінаццатцы і пераважна выходзіў на замену. У першай палове 2017 году заставаўся гульцом «Дынама», аднак нават у заяўку на матчы трапляў зрэдку, згуляў толькі ў адным матчы. У ліпені 2017 году завяршыў гульнявую кар’еру і перайшоў на трэнэрскую працу ў моладзевай акадэміі «Дынама»[7].
У пачатку 2018 году далучыўся да фарм-клюбу дынамаўцаў — берасьцейскага «Руха». У склад гэтай каманды быў заяўлены на сэзон 2018 году ў якасьці гульца. Дапамог камандзе атрымаць перамогу ў Другой лізе. Адначасова быў старшым трэнэрам каманды, і пасьля сэзону 2018 году сканцэнтраваўся на трэнэрскай дзейнасьці. У 2021 годзе ў якасьці аматара выступаў за «Берасьцежылбуд» у Другой лізе.
Трэнэрская кар’ера
[рэдагаваць | рэдагаваць крыніцу]У 2018—2021 гадах быў старшым трэнэрам «Руха», разам з камандай прайшоў шлях да Найвышэйшай лігі. У студзені 2022 году ачоліў дубль «Руха»[8], аднак у хуткім часе клюб зьняўся з спаборніцтваў.
У сакавіку 2023 году стаў працаваць трэнэрам у дублі берасьцейскага «Дынама»[9]. Восеньню 2023 году разам за галоўным трэнэрам дубля Андрэем Чалмадзеевым перайшоў у асноўную каманду дынамаўцаў, дзе застаўся і ў наступным годзе па прызначэньні новым галоўным трэнэрам Аляксандра Бразевіча[10].
У лістападзе 2023 году атрымаў трэнэрскую ліцэнзію катэгорыі A[11].
Статыстыка
[рэдагаваць | рэдагаваць крыніцу]| Клюб | Сэзон | Чэмпіянат | ||
|---|---|---|---|---|
| Дывізіён | Матчы | Галы | ||
| Дынама Берасьце | 2015 | Найвышэйшая ліга | 25 | 0 |
| 2016 | Найвышэйшая ліга | 23 | 6 | |
| 2017 | Найвышэйшая ліга | 1 | 0 | |
| Рух | 2018 | Другая ліга | 22 | 3 |
Крыніцы
[рэдагаваць | рэдагаваць крыніцу]- ^ а б в Aleksandr Demeshko // Transfermarkt (мн.) — 2000.
- ^ а б в г https://www.teams.by/-/player-1018/
- ^ Демешко и Козлович стали игроками «Городеи» (рас.)
- ^ Юрченко, Цеван и Демешко на просмотре в брестском "Динамо" (рас.)
- ^ Демешко не подошел «Погони» (рас.)
- ^ Огар, Чиж, Демешко и еще девять игроков подписали контракты с брестским "Динамо" (рас.)
- ^ Демешко завершил карьеру игрока и переходит на тренерскую работу (рас.)
- ^ Демешко возглавил дублеров "Руха" (рас.)
- ^ В тренерском штабе «Динамо-Брест» сменился главный тренер (рас.) Афіцыйны сайт брэсцкага «Дынама»
- ^ Брестское "Динамо" определилось с тренерским штабом (рас.)
- ^ Дипломы УЕФА категории "А" вручены 24 специалистам (рас.)
Вонкавыя спасылкі
[рэдагаваць | рэдагаваць крыніцу]- Профіль на сайце берасьцейскага «Дынама»(недаступная спасылка) (рас.)
- Статыстыка «ПБ-Инфо» (рас.)