Арсэнал Койданаў

	Арсэнал Койданаў
Заснаваны	2019
Горад	Койданаў, Беларусь
Стадыён	Гарадзкі; Умяшчальнасьць: 1100
Галоўны трэнэр	Ігар Варанкоў;
Чэмпіянат	Найвышэйшая ліга
· 2025	11 месца
	Галерэя здымкаў у Вікісховішчы;

«Арсэна́л» — беларускі футбольны клюб з Койданава. Клюб хутка прайшоў шлях ад найніжэйшых дывізіёнай да Найвышэйшай лігі, у якой дэбютаваў у сэзоне 2022 году. Па выніках першага году ў элітным дывізіёне клюб страціў сваё месца, прагуляўшы ў пераходных матчах рагачоўскаму «Макслайну». З 2024 году клюб зноў спаборнічае ў Найвышэйшай лізе.

Гісторыя

Заснаваны ў 2019 годзе беларускім бізнэсоўцам Аляксеем Меляшэвічам разам з Алексам Русгальмам, прэзыдэнтам швэдзкай «Эскільстуны»^[2]. Аб стварэньні новага клюбу стала вядома ў студзені 2019 году^[3].

Каманда, складзеная ў асноўным зь нядаўніх дублёраў клюбаў найвышэйшай лігі, а таксама зь некалькіх дасьведчаных вэтэранаў і мясцовых гульцоў, адразу заявілася ў Другую лігу. Дружына пасьпяхова прайшла дыстанцыю, выйграла барацьбу з «Ашмянамі-БДУФК» за першы радок і стала чэмпіёнам Другой лігі.

У 2020 годзе каманда працягвала камплектавацца маладымі футбалістамі, а таксама некалькімі дасьведчанымі выканаўцамі. Празь неадпаведнасьць стадыёну ў Койданаве патрабаваньням хатнія матчы «Арсэнал» ладзіў на стадыёне РЦАР-БДУ ў Менску. Каманда добра пачала выступы ў Першай лізе, доўгі час вёў барацьбу за высокія месцы і магчымае прасоўваньне ў Найвышэйшую лігу, але пазьней стаў саступаць канкурэнтам і ў выніку стаў чацьвертым. У верасьні пасаду галоўнага трэнэра пакінуў Сяргей Ясковіч, замест яго кіраваць камандай стаў абаронца Павал Кірыльчык. У сэзоне 2021 году камандай працягваў кіраваць Павал Кірыльчык. Хатнія матчы «Арсэнал» стаў праводзіць на стадыёне «Гарадзея». Каманда хутка захапіла лідэрства ў табліцы і, не зважаючы на шэраг няўдалых адрэзкаў, захавала першы радок да канца турніру і выйшла ў найвышэйшую лігу.

У сэзоне 2022 году клюб захаваў асноўных гульцоў. У найвышэйшай лізе клюб стаў адным з аўтсайдэраў і доўгі час рухаваў у зоне вылету, аднак пасьпяховы фініш дазволіў скончыць чэмпіянат на 14 месцы з 16. У пераходных матчах за месца ў найвышэйшай лізе на наступны сэзон «Арсэнал» саступіў рагачоўскаму «Макслайну» (3:2, 1:3) і выбыў у першую лігу.

У пачатку 2023 году новым трэнэрам каманды быў прызначаны Сяргей Паўлюковіч, якога ў ліпені замяніў Аляксандар Бразевіч. «Арсэнал» выдатна пачаў сэзон у Першай лізе, здабыўшы перамогі ў першых дзесяці турах, і ў далейшым захаваў першы радок да канца турніру. За тры туры да фінішу забясьпечыўшы вяртаньне ў Найвышэйшую лігу. У канцы сьнежня зьявіліся зьвесткі, што клюб можа ня даць рады ў фінансавым складніку, каб узяць удзел у розыгрышы Найвышэйшай лігі^[4]. У наступныя месяцы стала вядома, што па дапамогу клюб зьвярнуўся да маскавіцкага «Лякаматыва», які склаў дамову аб супрацы з койданаўскім клюбам^[5]. Новым галоўным трэнэрам быў прызначаны расеец Вячаслаў Вашкевіч^[6].

Склад

Актуальны на 21 сакавіка 2026 году

№	Пазыцыя	Імя	Год нараджэньня
1	Бр	Іван Санько	1999
5	Аб	Дзяніс Палякоў	1991
6	ПА	Вадзім Ткачэнка	2003
7	Нап	Іван Таўкачоў	2004
8	ПА	Даніель Вольскі (ар. Фартуна)	2007
9	Нап	Ільля Васін (ар. Факел)	2006
10	ПА	Сяргей Сазончык	2000
11	ПА	Юры Лавец (капітан)	1996
13	Аб	Іван Арашкевіч	2005
14	Аб	Андрэй Залескі	1991
16	Бр	Арцём Вашчанка	2008
17	Нап	Марк Мокін (ар. Балтыка)	2006

№	Пазыцыя	Імя	Год нараджэньня
19	ПА	Павал Катляроў (ар. Славія)	2004
25	ПА	Іван Вараб’ёў	2001
30	Бр	Арцём Сарока	1992
46	Аб	Уладзіслаў Васільеў	2004
55	ПА	Мікіта Капленка	1995
77	ПА	Мікалай Сотнікаў	2005
78	Аб	Эдуард Акунец	2008
88	Нап	Дзьмітры Луцік	2002
90	Нап	Дзьмітры Анцілеўскі	1997
99	Аб	Ягор Бажко (ар. МЛ)	2006
—	Нап	Валеры Гарбачык	1995

Статыстыка

Сэзон	Ліга	Месца	Г	В	Н	П	РМ	Пкт	Кубак
2019	Другая	1 ▲	28	25	1	2	119–14	76	1/16
2020	Першая	4	26	13	7	6	41–28	46	1/4
2021	Першая	1 ▲	33	20	8	5	59–22	68	1/8
2022	Найвышэйшая	14 ▼	30	5	8	17	18–42	23	1/8
2023	Першая	1 ▲	32	26	3	3	86–30	81	1/8
2024	Найвышэйшая	10	30	10	8	12	29–36	38	1/8
2025	Найвышэйшая	11	30	7	12	11	27–35	33	1/4

Крыніцы

[_3ee521b51c045f4f-1] ttps://football.by/news/212323

[2] «Арсенал» из Дзержинска — очень амбициозный проект. Клуб заинтересовал даже младшего Глеба (рас.)

[3] В Беларуси появится новый футбольный клуб – «Арсенал» из Дзержинска. С командой уже тренируются Вячеслав Глеб и Осипенко

[4] «Андрей Василевич: „Арсенал“ и еще один клуб могут не справиться с критериями лицензирования» (рас.) Football.by

[5] «А как там „Арсенал“? Из „Локомотива“ к „канонирам“ приехал не только тренер, но и игроки» (рас.) Football.by

[6] «Не быть „лифтерами“. Дзержинский „Арсенал“ с новым тренером готовится войти в одну и ту же реку второй раз». (рас.) Прессбол.

[1]

[2]

[3]

[4]

[5]

[6]