Яраслаў Арашкевіч

Зьвесткі зь Вікіпэдыі — вольнай энцыкляпэдыі
Яраслаў Арашкевіч
Пэрсанальная інфармацыя
Нарадзіўся 8 верасьня 2000(2000-09-08)[1] (23 гады)
Рост 180 см
Вага 76 кг[2]
Пазыцыя паўабаронца, нападнік
Клюбная інфармацыя
Клюб Дынама Берасьце
Нумар 29
Клюбы
Гады Клюб Гульні (галы)¹
2018—2022 Рух Берасьце 42 (11)
2021—2022 Дынама Берасьце 32 (4)
2022—2023 БАТЭ 25 (1)
2023 Вележ Мостар 0 (0)
2024—4 Дынама Берасьце 1 (0)
Зборныя
2021—2022 Беларусь (да 21) 11 (1)

¹ Колькасьць гульняў і галоў за прафэсійны клюб лічыцца толькі
для нацыянальнай лігі, адкарэктавана на
15 сакавіка 2024.

Ярасла́ў Па́ўлавіч Арашке́віч (нар. 8 верасьня 2000 году) — беларускі футбаліст, абаронца берасьцейскага «Дынама».

Кар’ера[рэдагаваць | рэдагаваць крыніцу]

Клюбная[рэдагаваць | рэдагаваць крыніцу]

Выхаванец берасьцейскага «Дынама», з 2016 году пачаў выступаць за клюбны дублюючы склад, на наступны год замацаваўся ў рэзэрвовай камандзе. У ліпені 2018 году перайшоў у берасьцейскі клюб «Рух», дзе стаў звычайна выходзіць на замену, а таксама дапамог камандзе выйсьці ў Найвышэйшую лігу. У 2020 годзе стаў гуляць пераважна за дубль «Руха». 6 чэрвеня 2020 году дэбютаваў у Найвышэйшай лізе ў матчы супраць «Іслачы» (1:1), выйшаўшы на замену ў другім тайме. У далейшым працягваў зьяўляцца ў асноўнай камандзе, часам у пачатковым складзе.

У студзені 2021 годц стаў трэнавацца зь берасьцейскім «Дынама» і ў лютым быў арандаваны гэты клюбам[3]. Трывала зьяўляўся на гульнявой пляцоўцы ў складзе берасьцейскай каманды, чаргаваў выхады ў стартавым складзе і на замену. У сьнежні 2021 году павярнуўся з арэнды ў «Рух»[4]. У пачатку 2021 году рыхтаваўся да новага сэзону разам з «Рухам», а пасьля таго як клюб зьняўся з Найвышэйшай лігі ў сакавіку 2022 году зноўку быў аддадзены ў арэнду ў «Дынама»[5], дзе стаў трывалым гульцом асноўнай дружыны.

У чэрвені 2022 году быў адкліканы з арэнды[6] і хутка ў якасьці свабоднага агента падпісаў кантракт з барысаўскім БАТЭ[7], дзе стаў выкарыстоўвацца ў якасьці абаронцы. У ліпені 2023 году перайшоў у басьнійскі клюб «Вележ» з Мостару[8][9]. У сьнежні 2023 году пакінуў «Вележ», гэтак і не згуляўшы аніводнай гульні ў ягоным складзе[10]. У студзені 2024 году вярнуўся ў берасьцейскае «Дынама»[11].

Міжнародная[рэдагаваць | рэдагаваць крыніцу]

2 верасьня 2021 года дэбютаваў у моладзевай зборнай Беларусі, калі выйшаў у стартавым складзе у адборачным матчы чэмпіянату Эўропы супраць моладзевай зборнай Ісьляндыі (1:2) і быў заменены ў другім тайме.

Крыніцы[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]