Камена

	Камена
Вобласьць:	Менская
Раён:	Лагойскі
Сельсавет:	Каменскі
Тэлефонны код:	+375 1774
Геаграфічныя каардынаты:	54°34′48″ пн. ш. 27°27′59″ у. д. / 54.58° пн. ш. 27.46639° у. д.Каардынаты: 54°34′48″ пн. ш. 27°27′59″ у. д. / 54.58° пн. ш. 27.46639° у. д.
	Камена на мапе Беларусі Камена
	Галерэя здымкаў у Wikimedia Commons

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Камена (неадназначнасьць).

Ка́мена^[1] — вёска ў Беларусі, на правым беразе ракі Вяльля. Цэнтар сельсавету Лагойскага раёну Менскай вобласьці. Насельніцтва 553 чал. (2003).

Камень Харэцкі — даўняе мястэчка гістарычнай Меншчыны.

Гісторыя

Упершыню маёнтак Камень Харэцкі згадваецца ў сярэдзіне XV ст. У 1-й палове XVI ст. яго набыў ваявода смаленскі Васіль Тышкевіч. Згодна з адміністрацыйна-тэрытарыяльнай рэформай (1565—1566) мясьціна ўвайшла ў склад Менскага павету Менскага ваяводзтва. У 1567 паселішча згадваецца ў попісе войска Вялікага Княства Літоўскага. У 1570 Васіль Тышкевіч пакінуў маёнтак свайму сыну Яўстаху.

У выніку другога падзелу Рэчы Паспалітай (1793) Камень Харэцкі апынуўся ў складзе Расейскай імпэрыі, у Барысаўскім павеце Менскай губэрні. У 1841 у мястэчку збудавалі драўляную царкву Покрыва Прасьв. Багародзіцы, якой належала 90 дзесяцінаў зямлі. На могілках існавала царква Ўсьпеньня Прасьв. Багародзіцы, у якой шанаваўся мясцовы абраз Божай Маці. Паводле інвэнтару 1846 у маёнтку было 14 двароў, вадзяны млын, карчма, хлебазапасны магазын. Станам на 1886 — 14 двароў, царква, капліца, смалакурны завод.

У 1919 Камена ўвайшла ў БССР, дзе 20 жніўня 1924 зрабілася цэнтрам сельсавету Зэмбінскага раёну (з 25 сьнежня 1962 у Лагойскім раёне). Статус паселішча панізілі да вёскі. Станам на 1926 тут было 54 двары, на 1941 — 80, на 1969 — 118, на 1 студзеня 2003 — 182.

Насельніцтва

XIX стагодзьдзе: 1833 — 99 чал.; 1846 — 88 чал.; 1870 — 78 муж.; 1886 — 182 чал.
XX стагодзьдзе: 1926 — 291 чал.; 1941 — 298 чал.; 1969 — 392 чал.
XXI стагодзьдзе: 1 студзеня 2003 — 553 чал.^[2]

Інфраструктура

У вёсцы працуюць сярэдняя школа, дашкольная ўстанова, амбуляторыя, дом культуры, бібліятэка, пошта.

Турыстычная інфармацыя

Выдатныя мясьціны

Валун «Варацішын камень»

Страчаная спадчына

Царква Покрыва Прасьв. Багародзіцы (XIX ст.)
Царква Ўсьпеньня Прасьв. Багародзіцы

Крыніцы

^ Госкартгеоцентр
^ Памяць: Гіст.-дакум. хроніка Лагойскага р-на. У 2 кн. Кн. 2-я. — Мн.: БелЭн, 2004.

Літаратура

Памяць: Гіст.-дакум. хроніка Лагойскага р-на. У 2 кн. Кн. 2 / Рэд. кал. Г. П. Пашкоў (гал. рэд.) і інш.; Маст. Э.Э. Жакевіч. — Мн.: БелЭн, 2004. — 485, [1] с.: іл. ISBN 985-11-0282-2.
Kamień (4) // Słownik geograficzny Królestwa Polskiego i innych krajów słowiańskich. Tom III: Haag — Kępy. — Warszawa, 1882. S. 734.

Вонкавыя спасылкі

Камена — сховішча мультымэдыйных матэрыялаў

[1] Госкартгеоцентр

[2] Памяць: Гіст.-дакум. хроніка Лагойскага р-на. У 2 кн. Кн. 2-я. — Мн.: БелЭн, 2004.

[1]

[2]