1 студзеня

1 сту́дзеня — 1-ы дзень году паводле Грыгарыянскага календару. Да канца году застаецца 364 дні (365 у высакосным годзе).

Падзеі

• 1573 — падчас Лівонскай вайны маскоўскія войскі ўзялі крэпасьць Вейсянштэйн (цяпер Пайдэ), падчас штурму загінуў Малюта Скуратаў
• 1788 — выхад першага нумара ангельскае газэты The Times
• 1806 — Баварыя і Вюртэмбэрг сталі самастойнымі каралеўствамі
• 1818 — выйшла першае выданьне рамана Мэры Шэлі «Франкенштэйн, або сучасны Прамэтэй»
• 1831 — уладамі Расейскай імпэрыі было спыненае дзеяньне Статута ВКЛ 1588 году ў Віцебскай і Магілёўскай губэрнях
• 1880 — пачатак будаўніцтва Панамскага канала
• 1903 — Эдуард VII, кароль Злучанага каралеўства, стаў кайзэрам Індыі
• 1919 — у Смаленску была абвешчаная Савецкая Сацыялістычная Рэспубліка Беларусь
• 1919 — у Вільні была заснаваная беларуская гімназія
• 1929 — у Менску была адкрытая Акадэмія Навук БССР
• 1933 — у Вільні выйшаў першы нумар газэты «Родны край» (выдавалася да 1936) — органа Таварыства Беларускай Асьветы
• 1956 — пачало сваё вяшчаньне Беларускае тэлебачаньне
• 1959 — перамога Кубінскай рэвалюцыі, уваход паўстанцаў у Гавану, стварэньне рэвалюцыйнага ўраду
• 1983 — «Кэршкаўская атамная электрастанцыя» запушчаная ў камэрцыйнае выкарыстаньне
• 1990 — створаны Слонімскі беларускі драматычны тэатар
• 1993 — Чэхаславаччына падзялілася на дзьве дзяржавы — Чэхію і Славаччыну
• 1995 — заснаваньне Сусьветнае гандлёвае арганізацыі
• 1999 — запушчаная ў абарот агульнаэўрапейская валюта эўра
• 2000 — набылі моц Працоўны кодэкс Рэспублікі Беларусь і Кодэкс гандлёвага мораплаўства Рэспублікі Беларусь.
• 2001 — набыў моц Крымінальна-выканаўчы кодэкс Рэспублікі Беларусь
• 2003 — набыў моц Кодэкс унутранага воднага транспарту Рэспублікі Беларусь
• 2007 — Баўгарыя й Румынія далучыліся да Эўрапейскага Зьвязу
• 2008 — у Беларусі прапіску замянілі рэгістрацыяй пражываньня
• 2009 — Славаччына ўвяла эўра ў якасьці грашовай адзінкі
• 2009 — набылі моц Бюджэтны кодэкс Рэспублікі Беларусь, Кодэкс Рэспублікі Беларусь аб зямлі і Кодэкс Рэспублікі Беларусь аб нетрах
• 2014 — Латвія ўвяла ў абарачэньне эўра і стала васемнаццатай краінай эўразоны

Нараджэньні

• 1449 — Лярэнца Мэдычы, кіраўнік Флярэнтыйскай рэспублікі
• 1467 — Жыгімонт Стары, вялікі князь літоўскі і кароль польскі
• 1484 — Ульрых Цьвінглі, дзяяч рэфармацыі ў Швайцарыі
• 1823 — Шандар Пэтэфі, вугорскі народны паэт, публіцыст, рэвалюцыйны дзяяч
• 1861 — Яўхім Карскі, беларускі філёляг-славіст, заснавальнік беларускага мовазнаўства і літаратуразнаўства, этнограф, палеограф, фальклярыст
• 1863 — П’ер дэ Кубэртэн, францускі спартовы й грамадзкі дзяяч, ініцыятар арганізацыі сучасных Алімпійскіх гульняў
• 1899 — Васіль Корж, адзін з арганізатараў і кіраўнікоў партызанскага руху на Беларусі ў Другой Сусьветнай вайне, генэрал-маёр, Герой Савецкага Саюзу
• 1907 — Леанід Брэжнеў, кіраўнік савецкай дзяржавы ў 1964—1982 гадох
• 1909 — Сьцяпан Андруховіч, беларускі жывапісец
• 1909 — Сьцяпан Бандэра, украінскі палітычны дзяяч, ідэоляг украінскага нацыянальнага руху
• 1919 — Джэром Сэлінджэр, амэрыканскі пісьменьнік
• 1919 — Марэк Эдэльман, польскі палітычны і грамадзкі дзяяч жыдоўскага паходжаньня, кіраўнік паўстаньня ў Варшаўскім гета
• 1920 — Барыс Рагуля, дзяяч беларускага нацыянальнага руху ў 1940-я, адзін з кіраўнікоў Зьвязу Беларускай Моладзі, пасьля вайны на эміграцыі (Бэльгія, Канада), з 1971 году намесьнік прэзыдэнта Рады БНР
• 1937 — Станіслаў Багданкевіч, беларускі банкір, доктар эканамічных навук, прафэсар
• 1938 — Данута Бічэль-Загнетава, беларуская паэтка
• 1945 — Вольга Іпатава, беларуская пісьменьніца
• 1952 — Юры Захаранка, беларускі палітык, зьніклы ў 1999 годзе
• 1955 — Сяргей Гімаеў, савецкі хакеіст, трэнэр
• 1960 — Антоні Дзям’янка, генэральны вікарый Менска-Магілёўскае архідыяцэзіі
• 1961 — Ігар Гермянчук, беларускі журналіст, выдавец, грамадзкі дзяяч
• 1965 — Малгажата Гандзьлік, эспэрантыстка, сябра эўрапейскага парлямэнту з 2004 году
• 1967 — Саід Чмагх, ірацкі тэлеапэратар інфармацыйнае агенцыі «Reuters»
• 1976 — Вольга Пярн, беларуская і эстонская мультыплікатарка

Сьмерці

• 1894 — Гайнрых Гэрц, нямецкі фізык

Сьвяты

• Новы год паводле грыгарыянскага календара
• Куба — Дзень вызваленьня
• Славаччына — Дзень абвяшчэньня незалежнасьці
• Судан — Дзень незалежнасьці