Менск-Арэна

	Менск-Арэна
Краіна	Беларусь
Горад	Менск
Адрас	пр. Пераможцаў, 111
Год пабудовы	2009
Дата адкрыцьця	30 студзеня 2010
Зьмяшчальнасьць	15 000
Хатняя каманда	ХК «Дынама» (КХЛ); Цмокі-Менск (Адзіная ліга ВТБ)
Памеры поля	30×61 м
Каардынаты	53°56′11.4″ пн. ш. 27°28′58.44″ у. д. / 53.9365° пн. ш. 27.4829° у. д.Каардынаты: 53°56′11.4″ пн. ш. 27°28′58.44″ у. д. / 53.9365° пн. ш. 27.4829° у. д.
	Менск-Арэна на мапе Беларусі ± Менск-Арэна
	Афіцыйны сайт
	Галерэя здымкаў у Вікісховішчы

«Менск-Арэна» (поўная назва — «Шматпрофільны культурна-спартовы комплекс „Менск-Арэна“») — спартова-забаўляльны комплекс у горадзе Менску, Беларусь. Складаецца з трох аб’ектаў: шматфункцыянальнай спартова-відовішчнай арэны ёмістасьцю 15 086 гледачоў, канькабежнага стадыёну й вэлядрому.

Гісторыя

«Менск-Арэна» пачала праектавацца па выдадзеным у канцы 2005 году ўказе прэзыдэнта Рэспублікі Беларусь аб будаўніцтве шматпрофільнага спартовага комплексу^[1]. Будаўніцтва пачалося ўвесну 2006 году^[2]. Генэральным праектоўцам комплексу выступаў «Белпраект», а генэральным падрадчыкам — «Менскпрамбуд». Першым, 30 сьнежня 2008 году, быў уведзены ў эксплюатацыю вэлядром. На ім у ліпені 2009 году прайшоў чэмпіянат Эўропы па трэкавых вэлягонках. 2 сьнежня 2009 году адбылася першая трэніроўка на лёдзе канькабежнага стадыёну. Першы хакейны матч на «Менск-Арэне» адбыўся 26 сьнежня 2009 году, калі адбылося пробнае запаўненьне трыбун гледачамі, калі сустракаліся юнацкія каманды СДЮШАР «Менск» і хакейнай школы «Юнацтва». Першую шайбу ў гісторыі «Менск-Арэны» закінуў форвард СДЮШАР «Менск» Павал Пячура. Першы афіцыйны матч адбыўся 14 студзеня 2010 году ў рамках рэгулярнага чэмпіянату КХЛ менскае «Дынама» прымала магнітагорскі «Мэталюрг».

Урачыстае адкрыцьцё арэны адбылося 30 студзеня 2010 году ў рамках Матчу зорак Кантынэнтальнай хакейнай лігі^[3]. На момант адкрыцьця была самай вялікай арэнай сярод усіх камандаў КХЛ і чацьвертай паводле ёмістасьці сярод хакейных арэнаў Эўропы, пасьля аналягічных збудаваньняў у Кёльне, Празе і Бэрне. Акрамя таго на арэне рэгулярна праходзяць музычныя канцэрты, першым выканаўцам, які выступіў на пляцоўцы стаў гурт Rammstein.

У траўні 2014 годзе на «Менск-Арэне» праводзіліся матчы чэмпіянату сьвету па хакеі з шайбай (уключна з матчам-адкрыцьцём чэмпіянату й фінальнай гульнёй).

Найбуйнейшыя спартовыя мерапрыемствы

15—19 ліпеня 2009 году — Чэмпіянат Эўропы па трэкавых вэлягонках
30 студзеня 2010 году — Матч зорак КХЛ
27—29 траўня 2011 году — Чэмпіянат Эўропы па мастацкай гімнастыцы 2011 году
27 лютага — 4 сакавіка 2012 году — Чэмпіянат сьвету па фігурным катаньні сярод юніёраў 2012 году
20—24 лютага 2013 году — Чэмпіянат сьвету па трэкавых вэлягонках 2013 году
9—25 траўня 2014 году — Чэмпіянат сьвету па хакеі з шайбай 2014 году

Крыніцы

^ О строительстве в г. Минске многопрофильного культурно-спортивного комплекса «Минск-Арена» Указ Президента Республики Беларусь от 26 декабря 2005 г. № 622. Нацыянальны прававы партал
^ Президент открыл новую «стройку века». TUT.BY
^ Адкрыццё комплексу «Мінск-Арэна». БелТА

Вонкавыя спасылкі

Менск-Арэна — сховішча мультымэдыйных матэрыялаў

[1] О строительстве в г. Минске многопрофильного культурно-спортивного комплекса «Минск-Арена» Указ Президента Республики Беларусь от 26 декабря 2005 г. № 622. Нацыянальны прававы партал

[2] Президент открыл новую «стройку века». TUT.BY

[3] Адкрыццё комплексу «Мінск-Арэна». БелТА

[1]

[2]

[3]