Праспэкт Пераможцаў (Менск)

	Праспэкт Пераможцаў
	Менск
Агульная інфармацыя
Раёны гораду	Цэнтральны; Фрунзэнскі;
Былыя назвы	Паркавая магістраль; Праспэкт Машэрава;
Даўжыня	~9000
На мапе
	Google · Яндекс
	Вуліца Праспэкт Пераможцаў у Вікісховішчы

Праспэкт Пераможцаў — праспэкт у Менску. Да 1980 — Паркавая магістраль, да 2005 — праспэкт Машэрава. Перайменаваны ў гонар пераможцаў у Другой сусьветнай вайне 1939—45.

У 12—13 стагодзьдзях на гэтым месцы было старажытнае паселішча. Забудова праспэкту пачалася ў 1960-я. Састаўная частка другога гарадзкога кальца. Працягласьць — каля 9 км ад скрыжаваньня вуліцаў Багдановіча й Няміга да Менскай кальцавой аўтадарогі.

Уздоўж праспэкту ўзьведзены жылы раён (1983) з групы 9—16-павярховых дамоў, шматлікія грамадзкія будынкі. Забудова спалучаецца зь зялёнымі масівамі й вадаёмамі.

Гаспадарка

На 2021 год на праспэкце Пераможцаў месьцілася галаўная сядзіба «Прамагралізінгу» (д. 51, корп. 2).