Hair Peace Salon

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку

Pamyłka.svg

Гэты артыкул патрабуе ўдакладненьня артаграфіі.
Вы можаце дапамагчы Вікіпэдыі, адрэдагаваўшы яго (дапамога).

Hair Peace Salon
200пкс
Hair Peace Salon выступае на ТВ шоу СТБ «Звёзный ринг» (20 чэрвеня 2010 году), зьлева направа: Уладзімір Агаян, Алег Вяль, Максім “Gandibober” Дзэвічэнскі, Канстанцін Карман
Інфармацыя
Гады 2002 — цяпер
Адкуль Менск
Мова ангельская
Жанр Інды-рок, брыт-поп[1]
Выдавец West Records
Зьвязаныя праекты Jitters, Bristeil
Афіцыйная старонка hairpeacesalon.com
Удзельнікі Алег Вяль
Канстанцін Карман
Максім Дзэвічэнскі
Уладзімер Агаян
Былыя ўдзельнікі Вадзім Ісаеў
Артур Лучкоў
Аляксей Кузьняцоў

Hair Peace Salon — беларускі музычны гурт, заснаваны ў 1998 годзе. Цяперашні склад: Алег Вяль — вакал, гітара, Канстанцін Карман — вакал, сынтэзатар, Максім Дзэвічэнскі — бас-гітарыст, Уладзімер Агаян — барабаны.

Удзельнікі[рэдагаваць | рэдагаваць крыніцу]

  • Алег Вяль — вакал, гітара
  • Канстантын Карман — вакал, сынтэзатар
  • Максім Дзэвічэнскі — бас-гітара
  • Уладзімер Агаян — барабаны

Біяграфія[рэдагаваць | рэдагаваць крыніцу]

2002 год[рэдагаваць | рэдагаваць крыніцу]

Упершыню назва «Hair Peace Salon» афіцыйна прагучала са сцэны менскага клюбу «База» 22 лютага 2002 году на канцэрце-трыб’юце Курту Кабэйну і гурту Nirvana. Таму той дзень можна лічыць і днём нараджэньня гурту «Hair Peace Salon». На той момант склад гурту ствараўся з трох хлопцаў: Максіма, Алега і Сашы Вашчыла. Сама назва гурту знайшлася дастаткова нечакана: на падлозе ў сябра гурту, беларускага паэта-празаіка-тэрарыста Аляксандра Яка. Гэта была пакамечаная паперка, на якой была запісана адна зь яго англамоўных вершапрозаў пад назвай «Hair Peace Salon». У гурце «Hair Peace Salon» адбываюцца пэртурбацыі з рытм-сэкцыяй. За барабанамі замацоўваецца кандыдатура Артура Лучкова. «Hair Peace Salon» выпускае сынглы «Next Level» і «Hover». Гурт удзельнічае ў канцэртах і выступае на фэстывалі «Сьвежы вецер», які праходзіў у БНТУ ў верасьні.

2003 год[рэдагаваць | рэдагаваць крыніцу]

У гурт «Hair Peace Salon» прыходзіць сола-гітарыст Вадзім Дубіна. Такім чынам, гурт «Hair Peace Salon» прыдбала свой клясычны склад з чатырох чалавек: гітара, сола, бас, барабаны. У сакавіку «Hair Peace Salon» прымаюць удзел у «Фэстывалі авангарднай музыкі і моды» ў Менску.

2004 год[рэдагаваць | рэдагаваць крыніцу]

У ліпені «Hair Peace Salon» удзельнічаюць у міжнародным фэстывалі «Puieridetta Musica» (Музыка бязь межаў), які прайшоў у горадзе Нарва (Эстонія).

2005 год[рэдагаваць | рэдагаваць крыніцу]

Па сямейных абставінах, з «Hair Peace Salon» сыходзіць сола-гітарыст Вадзім Дубіна. Праз чатыры месяцы пасьля доўгіх пошукаў і экспэрымэнтаў на яго месца прыходзіць гітарыст Вадзім Ісаеў з гораду Жодзіна, знаёмства зь якім адбываецца праз «Музычную газэту». У ліпені гурт удзельнічае ў фэстывалі «Басовішча-2005» (вольная сцэна), у сьнежні — у «Рок-коле-2005» (Полацак). Кампазыцыя «Hover» трапляе на ангельскі зборнік «Spotlight On» (Matchbox Recordings). У кастрычніку Алег спыняе супрацоўніцтва з гуртом «Jitters».

2006 год[рэдагаваць | рэдагаваць крыніцу]

Прымаюць удзел у фэстывалях «Rock bez igly» (Тыхі), «Wioslo Jacwinga», (Сувалкі), «Fiesta Borealis» (Алецка). Музыкі зьявіліся на зборным канцэрце ў падтрымку выпуску сэрыі складанак «Песьні свабоды», на які сабраліся ўдзельнікі Neuro Dubel, Крама, N.R.M., Indiga і шэрагу іншых знакамітых беларускіх рок-калектываў, які адбыўся на плошчы Бангалор 25 жніўня 2006 году.[2]

2007 год[рэдагаваць | рэдагаваць крыніцу]

Да «Hair Peace Salon» далучаецца Косьця ў якасьці клявішніка. Пасьля прыезду ў Менск у яго ў багажы ўжо маюцца клавішы Roland JP8000. І ў хуткім часе Косьця пачынае інтэнсіўна рэпетаваць у складзе «Hair Peace Salon». Люты — намінацыя «Прарыў году» ў межах конкурсу «Рок-каранацыя-2007». Ліпень — пераможцы конкурсу «ІдзіНаРок». Галоўны прыз — запіс на студыі «Osmos». Ліпень-сьнежань — удзел у праекце «Музыкальны плэй-оф» («Global Battle of the Bands 2007»), дзе гурт становіцца паўфіналістам. Верасень — open air на Дзень гораду, арганізаваны кампаніяй «BOOM»; фэстываль «Амбасовішча», які праводзіць амбасада ЗША. Лістапад — выхад дыску «Split Before, Together Now» (West Records), на якім знаходзіцца матэрыял, запісаны «Hair Peace Salon» для EP «Gipsy», і «Jitters» для ЕР «Pick Me Up». Сьнежань — пераможцы конкурсу «Залатая акустыка — 2007».

2008 год[рэдагаваць | рэдагаваць крыніцу]

Рэжысэр Анатоль Вечар здымае гурту відэакліп на песьню «Hover». На студыі «Osmos» запісваецца сынгл «Stand the Rain». Гурт займае другое месца ў конкурсе «Музыкальны спарынг». Нягледзячы на ўсе посьпехі, у сакавіку з гуртом разьвітваецца гітарыст Вадзім Ісаеў, што адбываецца якраз у працэсе запісу міні-пласьцінкі «In Tune». У сувязі з гэтым ужо ўчатырох удзельнікі гурту працягваюць работу над дыскам. Яны завяршаюць яго запіс і працягваюць актыўна канцэртаваць. 1 лістапада адбываецца прэзэнтацыя дыска «In Tune».

2009 год[рэдагаваць | рэдагаваць крыніцу]

У студзені гурт займае другое месца ў беларуска-швэдзкім музыкальным конкурсе «Bandscan:Belarus». У лютым гурт здымае відэакліп на песьню «In Tune» і пачынае запіс другой паўнафарматнай пласьцінкі Gentleman.

Дыскаграфія[рэдагаваць | рэдагаваць крыніцу]

  • Next Level (2004)
  • Hover (2005)
  • Split Before Together Now (2007)
  • Stand the Rain (2008)
  • In Tune EP (2008)

Відэаграфія[рэдагаваць | рэдагаваць крыніцу]

  • «Hover» (2008)

Вонкавыя спасылкі[рэдагаваць | рэдагаваць крыніцу]

Крыніцы[рэдагаваць | рэдагаваць крыніцу]

  1. ^ Кася Сарокіна; Алена Скарабагатава. (2007-11-16) У Менску зноў будзе брыт-поп(бел.) Tuzin.fm. mpby.ru. Праверана 2019-03-17 г. Архіўная копія ад 2019-03-17 г.
  2. ^ СЛЭП (2006-08-31) 25 жніўня, пл. Бангалор, “Песні Свабоды” | Записи в рубрике 25 жніўня, пл. Бангалор, “Песні Свабоды” | Дзёньнік : LiveInternet - Российский Сервис Онлайн-Дневников(бел.) Праверана 2018-11-18 г.
Атрымана з «https://be-tarask.wikipedia.org/w/index.php?title=Hair_Peace_Salon&oldid=2088393»