Рок-гурт
Рок-гурт — музычны калектыў, які працуе ў жанры рок-музыкі.
У беларускую мову тэрмін прыйшоў з Ангельшчыны (па-ангельску: rock group, rock band) . У гады існаваньня СССР ужываўся афіцыйны тэрмін вакальна-інструмэнтальны ансамбль (ВІА). Першыя рок-гурты зьявіліся ў ЗША й Вялікабрытаніі ў другой палове 1950-х гадоў, адначасова з папулярызацыю рок-н-ролу.
Разьвіцьцё фармату
[рэдагаваць | рэдагаваць крыніцу]Уздым і распаўсюджаньне рок-гуртоў, як музычнай зьявы, адпавядае ўзрастаньню творчага таленту шэрагу ўласных сьпевакоў. Да сярэдзіны 1960-х гадоў музычныя калектывы альбо выконвалі чужыя песьні, альбо карысталіся звычайным акампануючым ансамблем пры лідэр-сьпеваку. Тэндэнцыя да самастойнага напісаньня тэкстаў, музыкі й вырабленьня аранжыровак стварыла запатрабаваньне ў арганізацыі калектываў новага тыпу, кожны ўдзельнік якога рабіў свой унёсак у агульную музыку гурту. У Вялікабрытаніі на хвалі скіфлу й масавага захапленьня рок-н-ролам сярод моладзі ў 1950-х гадоў зьявіліся сотні аматарскіх скіфл-гуртоў, шмат удзельнікаў зь якіх потым сталі вядомымі музыкамі. Сярод першых рок-гуртоў можна назваць «The Crickets», «The Coasters», «The Shadows».
Структура
[рэдагаваць | рэдагаваць крыніцу]У пашыраным варыянце склад рок-гурту складаецца з выканаўцаў граючых на тыповых для рок-музыкі інструмэнтах: (гітара, бас-гітара, бубны, клявішы). Клясычны склад выглядае такім чынам:
Часта ў трыё, якое складаецца толькі з гітарыста, бас-гітарыста й бубнача, функцыі вакаліста выконвае адзін з музыкаў («Cream», «The Police», «Stray Cats», «Nirvana»).