Аляксандар Хадкевіч (ваявода наваградзкі)
.jpg) Аляксандар Хадкевіч, здымак з даўняга партрэту | |
 Герб «Касьцеша» | |
| Асабістыя зьвесткі | |
|---|---|
| Нарадзіўся | 1457 |
| Памёр | 28 траўня 1549 |
| Пахаваны | |
| Род | Хадкевічы |
| Бацькі | Іван Хадкевіч[d] Агнешка Бельская[d] |
| Дзеці | Геранім Хадкевіч, Юры Хадкевіч[d], Аляксандра з Хадкевічаў[d][1], Рыгор Хадкевіч[2] і Соф’я з Хадкевічаў[d] |
Алякса́ндар Хадке́віч (1457, Наваградак або Баранавічы — 28 траўня 1549) — дзяржаўны дзяяч Вялікага Княства Літоўскага, мэцэнат. Ваявода наваградзкі (з 1544), канюшы надворны літоўскі (з 1502), маршалак вялікі літоўскі (1506—1509, 1511—1547[3]). Пачынальнік узвышэньня роду Хадкевічаў.
Трымаў Пуньскае (1506), Берасьцейскае (1529) ды Кнышынскае (1530) староствы.
Біяграфія
З магнацкага роду Хадкевічаў гербу «Касьцеша», сын Івана і Яўнуты (Агнешкі) Соф’і Бельскай.
Праз сваю маці быў другім кузэнам братоў Ягелонаў: вялікага князя Аляксандра, караля польскага Ян Альбрэхта, і вялікага князя Жыгімонта II. Меў дзьвюх сясьцёр: Аграфену і Якумілу.
Меў вялізныя зямельныя ўладаньні ў паўночна-ўсходняй частцы Вялікага Княства Літоўскага з цэнтрам у Гарадку. У 1498 са смаленскім япіскапам Язэпам Солтанам заснаваў праваслаўны манастыр у Гарадку, але ў 1502 годзе манахі зьехалі ў Сухі Груд.
На гэтым месцы А. Хадкевіч збудаваў у 1510-11 гадох Супрасьлеўскі манастыр. Канстантынопальскі патрыярх Ерамія II Транас выдаў адмысловы эдыкт з дазволам на ягонае заснаваньне. Першай у сутарэньнях манастыра была пахаваная маці А. Хадкевіча.
11 траўня 1513 году ажаніўся з князёўнай Васілісай Галоўчынскай гербу «Лебедзь». У шлюбе зь якой меў трох сыноў, што запачаткавалі тры галіны роду Хадкевічаў: Гераніма, Рыгора (абодва каля 1505 году, Вільня) і Юрыя (1515, Трокі); таксама маў дачок Соф’ю (1517, Вільня) і Ганну Эўфрасіньню.
Па сьмерці пахаваны разам з жонкай у Супрасьлеўскім манастыры.
Глядзіце таксама
Крыніцы
- ^ Гісторыя Сапегаў : жыццяпісы, маёнткі, фундацыі (белар.) — Мінск: Віктар Хурсік, 2017. — С. 85. — 586 с. — ISBN 978-985-7025-75-6
- ^ Pas L. v. Genealogics (анг.) — 2003.
- ^ Анатоль Грыцкевіч. Хадкевічы // ВКЛ. Энцыкл. — Мн.: 2005 Т. 2. С. 709.
Літаратура
- Вялікае княства Літоўскае: Энцыклапедыя. У 3 т. / рэд. Г. П. Пашкоў і інш. — Мн.: Беларуская Энцыклапедыя, 2005. — Т. 2: Кадэцкі корпус — Яцкевіч. — 788 с. — ISBN 985-11-0378-0
- Polski Słownik Biograficzny. T. 3. S. 354.
Вонкавыя спасылкі
- Jamie Allen The Pedigree of Aleksander Chodkiewicz (анг.). Jamie Allen's Family Tree & Ancient Genealogical Allegations. — Генэалягічнае дрэва А. Хацкевіча. Праверана 6 чэрвеня 2010 г.
