Юры Храптовіч

Юры Храптовіч
	Юры Храптовіч. Невядомы мастак, XVIII ст.
	; Герб «Адравонж»
Асабістыя зьвесткі
Нарадзіўся	1586; Вішнеў, Ашмянскі павет, Віленскае ваяводзтва, Вялікае Княства Літоўскае;
Памёр	ліпень 1650
Пахаваны	Касьцёл Адведзінаў Найсьвяцейшай Панны Марыі (Вішнеў);
Род	Храптовічы
Бацькі	Адам Храптовіч; Ганна Камаеўская[d]
Дзеці	Зузана Храптовіч[d], Юры Храптовіч[d], Адам Храптовіч[d] і Альжбета Храптовіч[d]
Дзейнасьць	вайсковец

Ю́ры Храпто́віч (1586, в. Вішнева Ашмянскага павету — 1650) — дзяржаўны дзяяч Вялікага Княства Літоўскага. Кашталян смаленскі (1639—1643) і жамойцкі (1643—1645), ваявода парнаўскі (1645—1646) і наваградзкі (з 1646).

Валодаў маёнткамі Ліпск у Гарадзенскім павеце, Вішневам, Валанавам, Гайцюнішкамі, Даўбуцішкамі, Гедэйшышкамі ў Ашмянскім павеце, Глыбокім, Мацкішкамі і Гарнастаішкамі ў Лідзкім павеце, меў камяніцы ў Вільні і Горадні.

Біяграфія

Прадстаўнік шляхецкага роду Храптовічаў гербу «Адравонж», сын Адама і Ганны з Камаеўскіх.

Браў удзел у вайне са Швэцыяй (1600—1611). У 1609 годзе ўдзельнічаў у здабыцьці Парнавы. На чале ўласнай коннай харугвы браў удзел у вайне Рэчы Паспалітай з Маскоўскай дзяржавай (1609—1618)^[4].

Па вяртаньні з войнаў займаўся гаспадаркай. Набываў прылеглыя да Вішнева маёнткі. У 1617 купіў фальварак Бярэзіна, у 1624 — вёску Ганчары. Збудаваў касьцёл у Вішневе, фундаваў касьцёл і кляштар дамініканаў у Лукішках каля Вільні.

У шлюбе з Сузаннай Нохарт (1611) меў сыноў Багдана, Адама, Юрыя, Яна і тры дачкі.

Крыніцы

^ Urzędnicy Wielkiego Księstwa Litewskiego. Spisy, t. III, Księstwo Żmudzkie XV‒XVIII wiek (пол.) / пад рэд. A. Rachuba — Warszawa: Wydawnictwo DiG, 2015. — С. 165. — 370 с. — ISBN 978-83-7181-312-2
^ ^а ^б Urzędnicy Wielkiego Księstwa Litewskiego. Spisy, t. VI, Ziemia nowogródzka i województwo nowogródzkie XV–XVIII wiek (пол.) / пад рэд. A. Rachuba — Warszawa: Instytut Historii Polskiej Akademii Nauk, 2024. — С. 214. — 524 с. — ISBN 978-83-66911-67-3
^ Гісторыя Сапегаў : жыццяпісы, маёнткі, фундацыі (белар.) — Мінск: Віктар Хурсік, 2017. — С. 95. — 586 с. — ISBN 978-985-7025-75-6
^ Анатоль Грыцкевіч. Храптовічы // ВКЛ. Энцыкл. — Мн.: 2005 Т. 2. С. 719.

Літаратура

Вялікае княства Літоўскае: Энцыклапедыя. У 3 т. / рэд. Г. П. Пашкоў і інш. — Мн.: Беларуская Энцыклапедыя, 2005. — Т. 2: Кадэцкі корпус — Яцкевіч. — 788 с. — ISBN 985-11-0378-0
Grzegorz Ryżewski. Ród Chreptowiczów herbu Odrowąż. — Kraków: Avalon, 2006. ISBN 978-83-60448-22-9.

[_8c2422c25296fdeb-1] Urzędnicy Wielkiego Księstwa Litewskiego. Spisy, t. III, Księstwo Żmudzkie XV‒XVIII wiek (пол.) / пад рэд. A. Rachuba — Warszawa: Wydawnictwo DiG, 2015. — С. 165. — 370 с. — ISBN 978-83-7181-312-2

[_e2d26ea485f32ce3-2] а ^б Urzędnicy Wielkiego Księstwa Litewskiego. Spisy, t. VI, Ziemia nowogródzka i województwo nowogródzkie XV–XVIII wiek (пол.) / пад рэд. A. Rachuba — Warszawa: Instytut Historii Polskiej Akademii Nauk, 2024. — С. 214. — 524 с. — ISBN 978-83-66911-67-3

[_afb967ef5b311206-3] Гісторыя Сапегаў : жыццяпісы, маёнткі, фундацыі (белар.) — Мінск: Віктар Хурсік, 2017. — С. 95. — 586 с. — ISBN 978-985-7025-75-6

[4] Анатоль Грыцкевіч. Храптовічы // ВКЛ. Энцыкл. — Мн.: 2005 Т. 2. С. 719.

[1]

[2]

[3]

[4]