Мікалай Сапега (сын Багдана)

Мікалай Сапега

Мікалай Сапега. З Коданскай галерэі, 1709
Герб «Ліс»
Асабістыя зьвесткі
Нарадзіўся	1558(1558)
Памёр	1638(1638)
Пахаваны	Петухавас[d]
Род	Сапегі
Бацькі	Багдан Сапега Марына з Капустаў
Жонка	Рэгіна з Дарагастайскіх Соф'я з Дэмбоўскіх
Дзеці	ад 1-га шлюбу: Павал, Тамаш, Казімер Мікалай, Альжбета

Крыштап Францішак Сапега (1558—1638) — дзяржаўны дзяяч Вялікага Княства Літоўскага. Ваявода менскі (1611—1618) і наваградзкі (з 1618).

Валодаў Боцькамі на Падляшшы.

Біяграфія

З коданскай лініі магнацкага роду Сапегаў гербу «Ліс», сын Багдана, ваяводы менскага, і Марыны з Капустаў. Меў братоў Паўла Стэфана і Андрэя.

З 1582 году навучаўся ў Балёнскім унівэрсытэце, потым у Рыме (1586) і Арлеане (1587).

Па вяртаньні на Радзіму ў 1588 годзе атрымаў урад падкаморага гарадзенскага. Абіраўся паслом на соймы. У 1596 езьдзіў з дыпляматычнай місіяй у Швэцыю. У 1608—1609 гадоў лячыўся ў Карлавых Варах. Па вяртаньні ў 1611 годзе атрымаў урад ваяводы менскага, у 1618 годзе — ваяводы наваградзкага.

Двойчы браў шлюб. Да 1598 году ажаніўся з Рэгінай Дарагастайскай (пам. па 1622), зь якой меў трох сыноў і дачку:

• Павал (пам. 1612), староста жыжмарскі;
• Тамаш (каля 1598—1646), ваявода вэндэнскі і наваградзкі;
• Казімер Мікалай (пам. па 1639), дваранін каралеўскі;
• Альжбета, жонка двараніна каралеўскага Паўла Войны.

У 1625 годзе ажаніўся з Соф’яй Дэмбоўскай, шлюб зь якой быў бязьдзетным.

Літаратура

• Вялікае княства Літоўскае: Энцыклапедыя. У 3 т. / рэд. Г. П. Пашкоў і інш. — Мн.: Беларуская Энцыклапедыя, 2005. — Т. 2: Кадэцкі корпус — Яцкевіч. — 788 с. — ISBN 985-11-0378-0

Вонкавыя спасылкі

Мікалай Сапега (сын Багдана) — сховішча мультымэдыйных матэрыялаў