Крыштап Завіша

Хрыстафор Завіша

Лебедзь
Герб «Лебедзь»
Кашталян віленскі
1669 — 1670
Папярэднік	Міхал Казімер Пац
Наступнік	Мікалай Стэфан Пац
Маршалак вялікі літоўскі
1654 — 1669
Папярэднік	Аляксандар Людвік Радзівіл
Наступнік	Аляксандар Гіляры Палубінскі
Маршалак надворны літоўскі
1649 — 1654
Папярэднік	Антоні Ян Тышкевіч
Наступнік	Тэадор Аляксандар Ляцкі
Пісар вялікі літоўскі
1637 — 1649
Папярэднік	Казімер Леў Сапега
Наступнік	Піліп Казімер Абуховіч
Лоўчы вялікі літоўскі
1629 — 1637
Папярэднік	Ян Караль Нарушэвіч
Наступнік	Пётар Караль Ісайкоўскі
Асабістыя зьвесткі
Нарадзіўся	к. 1600
Памёр	23 студзеня 1670(1670-01-23)
Род	Завішы
Бацькі	Андрэй Завіша
Жонка	Кацярына Тышкевіч
Дзеці	Андрэй Казімер, Ян Юры і Ганна Канстанцыя

Хрыстафо́р (Кры́штаф) Заві́ша (к. 1600 — 23 студзеня 1670) — дзяржаўны дзяяч Вялікага Княства Літоўскага.

Жыцьцяпіс

Вялікі лоўчы літоўскі (1629—1637), вялікі пісар літоўскі (1637—1649). Староста менскі (1631—1645) і браслаўскі (з 1645).

Пасол на сойм 1632 року ад Менскага павету, пасол на каранацыйны сойм 1633 року. Пасол на надзвычайныя соймы 1635, 1637, 1642 і 1647 рокаў.

У 1639 — маршалак Трыбуналу ВКЛ, у 1642 — маршалак сойму Рэчы Паспалітай. Пасол на сойм 1646 року, каранацыйны сойм 1649 року, соймы 1649—1650 і 1650 рокаў.

Маршалак надворны (1649—1654) і вялікі літоўскі (1654—1669).

У 1655 року стаў удзельнікам Тышовецкай канфэдэрацыі супраць Швэцыі.

У 1659 і 1661 роках абіраўся дэпутатам ад сэнату ў Трыбунал Вялікага Княства Літоўскага. Кашталян віленскі (1669—1670).

Сям’я

Паходзіць з шляхецкага роду Завішаў гербу «Лебедзь». Сын падскарбія літоўскага Андрэя і Сафіі з Валовічаў, унучкі кашталяна наваградзкага Рыгора Валовіча. Меў сёстраў Барбару (памерла дзіцем) і Сафію (манашку), а таксама брата Мікалая (езуіт, памёр маладым у Рыме).

Быў жанаты з Кацярынай з Тышкевічаў, дачкой менскага ваяводы Пятра. Мелі дзяцей:

• Андрэя Казімера — пісара вялікага літоўскага. Перадаў яму Менскае староства
• Яна Юрыя — ротмістра каралеўскага. Перадаў яму Браслаўскае староства
• Ганну Канстанцыю — жонку Фэлікса Яна Паца, падкаморага вялікага літоўскага.

Творы

• Хрыстафор Завіша. Найяснейшаму каралевічу Уладзіславу…; Караламахія (урывак з паэмы): пераклад з лацінскай мовы, камэнты Ж. В. Некрашэвіч-Кароткай. // Роднае слова : часопіс. — 2006. — № 8. — С. 18—20.
• Хрыстафор Завіша. Караламахія (урывак з паэмы): пераклад з лацінскай мовы, камэнты й Жанны Некрашэвіч-Кароткай. // Наша вера : часопіс. — 2007. — № 2 (40).

Літаратура

• Вялікае княства Літоўскае: Энцыклапедыя. У 3 т. / рэд. Г. П. Пашкоў і інш. — Мн.: Беларуская Энцыклапедыя, 2005. — Т. 1: Абаленскі — Кадэнцыя. — 684 с. — ISBN 985-11-0314-4
• Жанна Некрашэвіч-Кароткая. З дзідай у руце, з богам у сэрцы: героі-рыцары зямлі беларускай у помніках новалацінскай паэзіі. // Наша вера : часопіс. — 2007. — № 2 (40).