Станіслаў Казімер Радзівіл
.jpg) Станіслаў Казімер Радзівіл | |
 Герб Трубы | |
| Асабістыя зьвесткі | |
|---|---|
| Нарадзіўся | 1648[1][2][3][…] |
| Памёр | 8 сьнежня 1690[3][4] |
| Род | Радзівілы |
| Бацькі | Міхал Караль Радзівіл Ізабэла Кацярына з Сапегаў |
| Жонка | Марыя Кацярына дэ Бецюн |
Станіслаў Казімер Радзівіл (1648 — 8 сьнежня 1690) — дзяржаўны дзяяч Вялікага Княства Літоўскага. Стольнік (1670—1680) і маршалак вялікі літоўскі (з 1680).
Валодаў Ішкальдзю, Лысіцай, Лахвай, Чучэвічамі і часткай Нягневічаў у Наваградзкім павеце, а таксама часткай Налібакаў у Менскім павеце ды іншым. Ардынат на Клецку (1683)[5].
Біяграфія
[рэдагаваць | рэдагаваць код]._Марыя_Кацярына_Радзівіл_(дэ_Бецюн)_(1700).jpg)
Зь нясьвіскай лініі роду Радзівілаў, сын Міхала Караля, падчашага вялікага літоўскага, і Ізабэлы Кацярыны з Сапегаў.
Навучаўся ў Нясьвіжы, Ліёне, вандраваў у Францыю, Ангельшчыну, Галяндыю, Італію.
Быў генэралам гвардыі Яго Каралеўскай Мосьці, дэлегатам на соймах 1664—1665, 1670, 1678—1679 гадоў. У 1670 годзе атрымаў урад стольніка вялікага літоўскага, у 1680 годзе — маршалка вялікага літоўскага.
Заснаваў кляштар дамініканаў у Клецку.
21 траўня 1690 году ажаніўся з францускай маркізай Марыяй Кацярынай (1677—1721), дачкой францускага амбасадара маркіза Франсуа Гастона дэ Бецюна (1638—1692) і Людвікі Марыі дэ Лагранж д’Арк’ен (каля 1638—1728), пляменьніцы каралевы і вялікай княгіні Марыі Казімеры Сабескай. Шлюб быў бязьдзетным.
З прычыны браку нашчадкаў па ягонай сьмерці Клецкая ардынацыя перайшла да ардыната на Нясьвіжы Дамініка Мікалая Радзівіла[6].
Галерэя
[рэдагаваць | рэдагаваць код]- Іканаграфія Станіслава Казімера Радзівіла
Невядомы мастак, 1730 г.
З альбома «Выявы роду Радзівілаў». Г. Ляйбовіч, 1758 г.
М. Старкман, 1857 г.
.jpg)
.jpg)
.jpg)
У картцы да артыкула прыводзіцца партрэт, напісаны каля 1733 году невядомым мастаком, зь Нясьвіскай партрэтнай галерэі, які цяпер захоўваецца ў Нацыянальным мастацкім музэі Беларусі.
Крыніцы
[рэдагаваць | рэдагаваць код]- ↑ Pas L. v. Prince Stanislovas Kazimieras Radvila // Genealogics (анг.) — 2003.
- ↑ Stanisław Kazimierz Radziwiłł // NUKAT — 2002.
- 1 2 Stanisław Kazimierz Radziwiłł h. Trąby // Польскі біяграфічны інтэрнэт-слоўнік (пол.)
- ↑ Urzędnicy Dawnej Rzeczypospolitej XII—XVIII wieku, Spisy, t. XI, Urzędnicy centralni i dostojnicy Wielkiego Księstwa Litewskiego XIV—XVIII wieku: Spisy / пад рэд. А. Гансяроўскі — Курнік: 1994. — С. 74. — ISBN 83-85213-17-1
- ↑ ВКЛ. Энцыкл. — Мн.: 2005 Т. 2. С. 497.
- ↑ ВКЛ. Энцыкл. — Мн.: 2005 Т. 2. С. 498.
Літаратура
[рэдагаваць | рэдагаваць код]- Вялікае княства Літоўскае: Энцыклапедыя. У 3 т. / рэд. Г. П. Пашкоў і інш. — Мн.: Беларуская Энцыклапедыя, 2005. — Т. 2: Кадэцкі корпус — Яцкевіч. — 788 с. — ISBN 985-11-0378-0
