Антоніё Рудыгер

**Антоніё Рудыгер**
	Антоніё Рудыгер
Пэрсанальная інфармацыя
Нарадзіўся	3 сакавіка 1993 (33 гады); Бэрлін, Нямеччына;
Рост	190 см
Вага	85 кг
Пазыцыя	цэнтральны абаронца, абаронца
Клюбная інфармацыя
Клюб	Рэал Мадрыд
Нумар	22
Клюбы
Зборныя
	¹ Колькасьць гульняў і галоў за прафэсійны клюб лічыцца толькі; для нацыянальнай лігі, адкарэктавана на; 24 жніўня 2025. ; ² Колькасьць гульняў і галоў за нацыянальную зборную; ў афіцыйных матчах, адкарэктавана на; 7 верасьня 2025.;

Анто́ніё Ру́дыгер (па-нямецку: Antonio Rüdiger; нар. 3 сакавіка 1993 году) — нямецкі футбаліст афрыканскага паходжаньня, цэнтральны абаронца гішпанскага клюбу «Рэал» і нацыянальнай зборнай Нямеччыны.

Кар’ера

Клюбная

Выхоўваўся у акадэміях футбольных клюбаў цэлендорфаўскай «Гэрты» і дортмундзкай «Барусіі». У 2010 годзе Рудыгер патрапіў у акадэмію «Штутгарту», адкуль далучыўся да другой каманды клюбу на наступны год, якая брала ўдзел у трэцім дывізіёне нямецкага першынства. Дэбют гульца адбыўся 23 ліпеня 2011 году калі «Штутгарт II» выправіўся на матч супраць білефэльдаўскай «Армініі». Штутгарцы атрымалі перамогу зь лікам 2:1. 29 студзеня 2012 году Рудыгер дэбютаваў ужо ў галоўнай камандзе клюбу ў хатнім матчы супраць мёнхэнглядбаскай «Барусіі». 4 кастрычніка 2012 году ён правёў свой першы матч за швабаў у эўрапейскіх кубках, зьявіўшыся на пляцоўцы ў розыгрышы групавога этапу Лігі Эўропы супраць «Мольдэ».

Пасьля таго, з каманды сышоў галоўны цэнтральны абаронца Франсіска Радрыгес ў студзені 2013 году, Рудыгер часьцей стаў прыцягвацца да матчаў, зьяўляючыся ў заяўцы клюбу. 19 красавіка 2013 году ён працягнуў кантракт з «Штутгартам» да чэрвеня 2017 году і пачаў выходзіць на поле, калі Сэрдар Таскі ці Георг Нідэрмаер атрымлівалі пашкоджаньне альбо дыскваліфікацыю. З сыходам Таскі Рудыгер увайшоў у пару асноўных цэнтральных абаронцаў.

17 жніўня 2015 году абаронца перайшоў за 4 мільёны эўра на правах арэнды ў «Рому». Італьянцы атрымалі магчымасьць выкупіць гульца па сканчэньні сэзону за 9 мільёнаў эўра^[3]. Немец дэбютаваў ў Сэрыі А 12 верасьня 2015 году ў матчы супраць «Фразынонэ» (2:0), а праз чатыры дні зьявіўся ў складзе на матч Лігі чэмпіёнаў супраць «Барсэлёны» (1:1). Трывала замацаваўшыся ў шэрагах рымлянаў, Рудыгер быў набыты клюбам па сканчэньні сэзону, але правёў у складзе «ваўкоў» толькі адзін дадатковы сэзон. 9 ліпеня 2017 году Рыдегер далучыўся да ангельскага «Чэлсі», які выдаткаваў на трансфэр 29 мільёнаў фунтаў стэрлінгаў^[4]. Дэбютаваўшы ў матчы Супэркубка Ангельшчыны 2017 году, спартовец выйшаў у матчы першага тура супраць «Бэрнлі» на Стэмфард Брыдж. Гулец адразу замацаваўся ў асноўным складзе ангельцаў.

2 чэрвеня 2022 году як вольны агент абаронца далучыўся да мадрыдзкага «Рэалу», склаўшы дамовы тэрмінам на чатыры гады^[5]. 10 жніўня ён правёў свой першы матч у Супэркубку УЭФА, дзе гішпанцы перагулялі франкфурцкі «Айнтрахт» зь лікам 2:0. 11 верасьня Рудыгер згуляў у матчы супраць «Мальёркі», дзе адзначыўся голам.

Міжнародная

Праз паходжаньне сваёй маці абаронца меў мажлівасьць абараняць колеры зборнай Сьера-Леонэ, але абраў зборную Нямеччыны. Пасьля выступаў за розныя юнацкія і моладзевыя зборныя Нямеччыны за нацыянальную зборную Рудыгер дэбютаваў 13 траўня 2014, калі зьявіўся на поле ў нічыйным матчы супраць зборнай Польшчы^[6].

Дасягненьні

«Чэлсі»:

Уладальнік Кубка Ангельшчыны: 2018
Пераможца Лігі чэмпіёнаў: 2021
Пераможца Лігі Эўропы: 2019
Уладальнік Супэркубка Эўропы: 2021
Пераможца клюбнага чэмпіянату сьвету: 2021

«Рэал»:

Чэмпіён Гішпаніі: 2024
Уладальнік Кубка Гішпаніі: 2023
Уладальнік Супэркубка Гішпаніі: 2024
Пераможца Лігі чэмпіёнаў: 2024
Уладальнік Супэркубка Эўропы: 2022, 2024
Пераможца клюбнага чэмпіянату сьвету: 2022

Нямеччына:

Уладальнік Кубка канфэдэрацыяў: 2017

Крыніцы

↑ Antonio Rüdiger // Transfermarkt (мн.) — 2000.
↑ Antonio Rüdiger // As (гішп.) — Madrid: PRISA, 1967. — ISSN 1888-6671
↑ «Roma complete Rüdiger signing». A.S. Roma.
↑ «Antonio Rudiger: Chelsea sign Roma defender for a reported initial fee of £29m». BBC Sport.
↑ «Official Announcement: Rüdiger». Real Madrid CF.
↑ «Germany 0–0 Poland». Goal.

Вонкавыя спасылкі

Профіль (анг.) на Transfermarkt
Профіль (анг.) на Soccerway
Профіль (анг.) на Worldfootball

[_31aa9b29146441b0-1] Antonio Rüdiger // Transfermarkt (мн.) — 2000.

[_4173658be17ef21d-2] Antonio Rüdiger // As (гішп.) — Madrid: PRISA, 1967. — ISSN 1888-6671

[3] «Roma complete Rüdiger signing». A.S. Roma.

[4] «Antonio Rudiger: Chelsea sign Roma defender for a reported initial fee of £29m». BBC Sport.

[5] «Official Announcement: Rüdiger». Real Madrid CF.

[6] «Germany 0–0 Poland». Goal.

[1]

[2]

[3]

[4]

[5]

[6]

Пэрсанальная інфармацыя
Антоніё Рудыгер

Нарадзіўся	3 сакавіка 1993(1993-03-03)^[1]^[2] (33 гады) Бэрлін, Нямеччына
Рост	190 см
Вага	85 кг
Пазыцыя	цэнтральны абаронца, абаронца
Клюбная інфармацыя
Клюб	Рэал Мадрыд
Нумар	22
Клюбы
Гады	Клюб	Гульні (галы)¹
2011—2012	Штутгарт II	22 (3)
2012—2016	Штутгарт	66 (2)
2015—2016	→ Рома	30 (2)
2016—2017	Рома	26 (0)
2017—2022	Чэлсі	133 (9)
2022—	Рэал Мадрыд	96 (2)
Зборныя
2012	Нямеччына (да 20)^[d]	2 (0)
2012—2013	Нямеччына (да 21)^[d]	10 (1)
2014—4	Нямеччына	81 (3)
¹ Колькасьць гульняў і галоў за прафэсійны клюб лічыцца толькі для нацыянальнай лігі, адкарэктавана на 24 жніўня 2025. ² Колькасьць гульняў і галоў за нацыянальную зборную ў афіцыйных матчах, адкарэктавана на 7 верасьня 2025.