Барусія Мёнхэнглядбах

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Барусія Мёнхэнглядбах
Borussia Mönchengladbach logo.svg
Поўная назва Borussia VfL 1900 Mönchengladbach e.V.
Заснаваны 1900
Горад Мёнхэнглядбах, Нямеччына
Стадыён Барусія-Парк
Умяшчальнасьць: 54 057
Прэзыдэнт Рольф Кёнігс
Галоўны трэнэр Адзі Гютэр
Чэмпіянат Бундэсьліга
 · 2020—2021 8 месца
Хатнія колеры
Выязныя колеры
https://www.borussia.de/

«Бару́сія» (па-нямецку: Borussia) — нямецкі футбольны клюб з гораду Мёнхэнглядбаху. Заснаваны ў 1900 годзе. 5-разовы чэмпіён Нямеччыны і трохразовы ўладальнік Кубка Нямеччыны. Двухразовы ўладальнік Кубка УЭФА (1975, 1979). «Барусія» зьяўляецца адным з самых тытуляваных і найбольш актыўна падтрымоўваючых заўзятарамі клюбаў Нямеччыны. Клюб налічвае больш за 37 тысячаў чальцоў і зьяўляецца шостым па велічыні зарэгістраваным спартовым аб’яднаньнем у Нямеччыны. Колеры клюбу — зялёны, чорны й белы, а афіцыйны сымбаль — жарабя Юнтэр (ням. Jünter).

Поўная назва клюбу — «Borussia Verein für Leibesübungen 1900 eV». Слова «Барусія» ёсьць лацінізаваны варыянт слова «Прусія», папулярная назва для нямецкіх спартовых клюбаў. «Verein für Leibesübungen» азначае даслоўна «спартовае таварыства для цялесных практыкаваньняў» і акрамя футболу ў клюбе маюцца таксама сэкцыі па гандболе й настольным тэнісе.

Гісторыя[рэдагаваць | рэдагаваць крыніцу]

Раньнія гады[рэдагаваць | рэдагаваць крыніцу]

У канцы 1899 году група маладых футбалістаў-аматараў з аднаго з раёнаў гораду вырашыла арганізаваць новы футбольны клюб. І ўжо 1 жніўня 1900 году быў афіцыйна зарэгістраваны клюб «Барусія Мёнхэнглядбах», які першапачаткова атрымаў назву «Футбольны клюб Барусія 1900 Мёнхэнглядбах» (ням. «Fußballklub Borussia 1900 Mönchengladbach»). У 1903 годзе клюб быў прыняты ў Райнска-вэстфальскі гульнёвы зьвяз (ням. Rheinisch-Westfälischen Spielverband)[1]. У 1914 годзе было набыта спартовае збудаваньне «De Kull»[2], на месцы якога пасьля перамогі Барусіі Мёнхэнглядбах у фінале кубка Нямеччыны ў 1960 годзе колькасьць месцаў на стадыёне была павялічаная ад 10 000 да 34 500 і была нададзеная новая назва — «Стадыён на Бэкельбэргу» (ням. «Bökelbergstadion»)[3]. Але толькі пасьля Другой сусьветнай вайны пачаўся адчувальны ўздым «Барусіі» — у 1949 годзе атрымаўся выхад у самую высокую клясу ў той час — Найвышэйшую заходнюю лігу (ням. Oberliga West).

Выхад у Бундэсьлігу[рэдагаваць | рэдагаваць крыніцу]

24 жніўня 1960 году «Барусія» стала ўладальнікам свайго першага нацыянальнага тытулу — Кубка Нямеччыны, перамогшы ў фінале зь лікам 3:2 футбольны клюб «Карльсруэ»[4]. У наступным годзе клюб атрымаў сваю вядомую назву «Borussia VfL 1900 Mönchengladbach eV»[5]. 26 чэрвеня 1965 году клюб выйшаў у прафэсійную найвышэйшую футбольную лігу Нямеччыны — Бундэсьлігу, заснаваную двума гадамі раней. «Барусія» перамагла ў рэлегацыйных матчах, пасьля таго як скончыла сэзон у Заходняй рэгіянальнай лізе (ням. Regionalliga West) першай. Другую пуцёўку ў Бундэсьлізе ў тым жа годзе таксама ўпершыню разыграла «Баварыя» зь Мюнхэну.

Залатыя гады[рэдагаваць | рэдагаваць крыніцу]

«Глядбах» пачаў свой шлях у Бундэсьлізе ў сэзоне 1965—1966 гадоў, разам з будучым рэкордным чэмпіёнам «Баварыяй». Абодва клюбы правялі 1970-я гады ў жорсткай барацьбе за перавагу ў лізе. «Баварыя» адкрыла рахунак, стаўшы чэмпіёнам у сэзоне 1968—1969 гадоў, аднак «Барусія Мёнхэнглядбах» нанесла зваротны ўдар у наступным сэзоне, а потым перамагла й у наступным чэмпіянаце, упершыню ў гісторыі Бундэсьлігі абараніўшы тытул чэмпіёна.

Склад[рэдагаваць | рэдагаваць крыніцу]

Актуальны на 11 верасьня 2021 году
Пазыцыя Імя Год нараджэньня
1 Сьцяг Швайцарыі Бр Ян Зомэр 1988
4 Сьцяг Францыі Аб Мамаду Дукурэ 1998
6 Сьцяг Нямеччыны ПА Крыстоф Крамэр 1991
7 Сьцяг Нямеччыны Нап Патрык Гэрман 1991
8 Сьцяг Швайцарыі ПА Дэніс Закарыя 1996
10 Сьцяг Францыі Нап Маркюс Цюрам 1997
11 Сьцяг Аўстрыі ПА Ганэс Вольф 1999
13 Сьцяг Нямеччыны Нап Лярс Штындль (капітан) 1988
14 Сьцяг Францыі Нап Алясан Плеа 1993
15 Сьцяг Нямеччыны Аб Люіс Баер 2000
17 Сьцяг Францыі ПА Куадыё Канэ 2001
18 Сьцяг Аўстрыі Аб Штэфан Ляйнэр 1992
20 Сьцяг Нямеччыны Аб Люка Нэц 2003
21 Сьцяг Нямеччыны Бр Тобіяс Зыпэль 1988
Пазыцыя Імя Год нараджэньня
22 Сьцяг Славаччыны ПА Ласла Бэнэш 1997
23 Сьцяг Нямеччыны Нап Ёнас Гофман 1992
24 Сьцяг Нямеччыны Аб Тоні Янчке 1990
25 Сьцяг Альжыру Аб Рамі Бэнсэбаіні 1995
26 Сьцяг Нямеччыны ПА Торбэн Мюзэль 1999
28 Сьцяг Нямеччыны Аб Матыяс Гінтэр 1994
29 Сьцяг ЗША Аб Джо Скалі 2002
30 Сьцяг Швайцарыі Аб Ніка Эльвэдзі 1996
32 Сьцяг Нямеччыны ПА Флёрыян Нойгаўс 1997
34 Сьцяг Ірляндыі Нап Конар Нос 2001
36 Сьцяг Швайцарыі Нап Брээль Эмбалё 1997
37 Сьцяг Ангельшчыны ПА Кінан Бэнэтс 1999
41 Сьцяг Нямеччыны Бр Ян Альшоўскі 2001
46 Сьцяг Нямеччыны Бр Ёнас Керскен 2000

Рэзэрвовая каманда[рэдагаваць | рэдагаваць крыніцу]

Крыніцы[рэдагаваць | рэдагаваць крыніцу]

  1. ^ Aretz 2015. С. 12–16.
  2. ^ Aretz 2015. С. 30–35.
  3. ^ asv Был такой стадион. Где раньше играла Боруссия Менхенгладбах(рас.). Scorum. Праверана 23 студзеня 2021 г.
  4. ^ DFB-Pokal 1959/1960(ням.). Fussballdaten. Праверана 23 студзеня 2021 г.
  5. ^ История команды "Боруссия М"(рас.). Euro-Football.ru. Праверана 23 студзеня 2021 г.

Літаратура[рэдагаваць | рэдагаваць крыніцу]

  • Aretz, Markus; Giebeler, Stephan; Kreuls, Elmar Borussia Mönchengladbach: Die Chronik. — Göttingen: Die Werkstatt GmbH, 2015. — 175 с. — ISBN 9783730702123

Вонкавыя спасылкі[рэдагаваць | рэдагаваць крыніцу]

Commons-logo.svg Барусія Мёнхэнглядбахсховішча мультымэдыйных матэрыялаў