Юліян Драксьлер
| Юліян Драксьлер | ||
| ||
| Пэрсанальная інфармацыя | ||
|---|---|---|
| Нарадзіўся | 20 верасьня 1993[1][2][3] (31 год) | |
| Рост | 185 см | |
| Вага | 75 кг | |
| Пазыцыя | флянгавы паўабаронца, паўабаронца | |
| Клюбная інфармацыя | ||
| Клюб | Аль-Аглі[d] | |
| Нумар | 7 | |
| Клюбы | ||
| Гады | Клюб | Гульні (галы)¹ |
| 2011—2015 | Шальке-04 | 119 (18) |
| 2015—2016 | Вольфсбург | 34 (5) |
| 2017—2023 | Пары Сэн-Жэрмэн | 131 (17) |
| 2022—2023 | → Бэнфіка | 10 (1) |
| 2023— | Аль-Аглі[d] | 29 (18) |
| Зборныя | ||
| 2011 | Нямеччына (да 21)[d] | 1 (1) |
|
¹ Колькасьць гульняў і галоў за прафэсійны клюб лічыцца толькі | ||
Юліян Драксьлер (па-нямецку: Julian Draxler; нар. 20 верасьня 1993 году, Глядбэк, Нямеччына) — нямецкі футбаліст, які выступае за катарскі клюб «Аль-Аглі» і нацыянальную зборную Нямеччыны на пазыцыі паўабаронцы. Чэмпіён сьвету 2014 году.
Кар’ера
[рэдагаваць | рэдагаваць крыніцу]Клюбная
[рэдагаваць | рэдагаваць крыніцу]Драксьлер дэбютаваў у Бундэсьлізе 15 студзеня 2011 году ў матчы супраць «Гамбургу» (0:1). Тады ён стаў чацьвертым у сьпісе самых маладых гульцоў за ўвесь час існаваньня Бундэсьлігі. Праз тыдзень Юліян выйшаў у стартавым складзе ў матчы супраць «Гановэру» (1:0). Ён стаў другім пасьля Нуры Шахіна самым маладым гульцом за ўвесь час існаваньня Бундэсьлігі, выходзячы на поле ў стартавым складзе. 1 красавіка 2011 году Драксьлер забіў свой першы гол у Бундэсьлізе ў браму клюбу «Санкт-Паўлі»[4].
19 чэрвеня 2011 году Драксьлер падоўжыў кантракт з «Шальке-04» да 2016 году[5]. 23 ліпеня 2011 году Юліян разам са сваім клюбам стаў уладальнікам Супэркубка Нямеччыны. Драксьлер адыграў увесь першы тайм і ў перапынку яго замяніў гішпанец Хасэ Мануэль Хурада. «Шальке-04» у тым матчы абыграў дортмундзкую «Барусію» па пэнальці зь лікам 4:3. У ліпені 2011 году гулец быў узнагароджаны DFL залатым мэдалём Фрыца Вальтэра ва ўзроставай катэгорыі да 18 гадоў[6]. У сэзоне 2011—2012 гадоў Драксьлер згуляў важную ролю ў забесьпячэньні клюбам трэцім радком і кваліфікаваньнем у Лігу чэмпіёнаў, зьяўляючыся ў 30 з 34 матчаў, гуляючы ў асноўным на левым флянзе паўабароны, у той час як Льюіс Голтбі выконваў ролю гульца цэнтральнай восі.
На наступны сэзон Юліян працягнуў даказваць, што зьяўляецца важным гульцом каманды, забіўшы ў матчах супраць «Гройтэр Фюрту», «Вэрдэру», мёнхэнглядбаскай «Барусіі» й у пераможным зь ліам 5:4 матчы супраць «Гановэру-96». Драксьлер працягваў гуляць важную ролю пасьля сыходу Голтбі й падпісаньня Мішэла Бастаса, файна гуляючы на сваёй улюбёнай пазыцыі атакаючага паўабаронцы. 10 траўня 2013 году Юліян падоўжыў кантракт на два гады, павялічыўшы сваё знаходжаньне ў клюбе да лета 2018 году, скончыўшы, такім чынам, прасоўваньне плётак ад сыходзе ў дортмундзкую «Барусію».
Міжнародная
[рэдагаваць | рэдагаваць крыніцу]7 траўня 2012 году Драксьлер быў названы адным з 27 гульцоў пашыранага складу зборнай Нямеччыны на чэмпіянат Эўропы 2012 году[7]. Гэта ягонае першае прыцягненьне да асноўнай зборнай краіны. 26 траўня 2012 году ў матчы супраць швайцарцаў Драксьлер дэбютаваў за галоўную зборную Нямеччыны, на 62 хвіліне замяніўшы Лукаша Падольскага.
Дасягненьні
[рэдагаваць | рэдагаваць крыніцу]«Шальке-04»:
- Уладальнік Кубка Нямеччыны: 2011
- Уладальнік Супэркубка Нямеччыны: 2011
«Пары Сэн-Жэрмэн»:
- Чэмпіён Францыі: 2018, 2019, 2020, 2022
- Уладальнік Кубка Францыі: 2017, 2018, 2020, 2021
- Уладальнік Кубка францускае лігі: 2017, 2018, 2020
- Уладальнік Супэркубка Францыі: 2017, 2020
«Бэнфіка»:
- Чэмпіён Партугаліі: 2023
Нямеччына:
- Чэмпіён сьвету: 2014
Крыніцы
[рэдагаваць | рэдагаваць крыніцу]- ^ а б в Julian Draxler // Transfermarkt (мн.) — 2000.
- ^ а б в JULIAN DRAXLER // Argentine Soccer Database (гішп.)
- ^ а б в Julian Draxler // As (гішп.) — Madrid: PRISA, 1967. — ISSN 1888-6671
- ^ Schalke’s Julian Draxler proud to score first Bundesliga goal against St Pauli. goal.com
- ^ «Шальке» продлил контракт с Дракслером(недаступная спасылка). schalke04.ru
- ^ Gold für Julian Draxler – S04-Youngster erhält Fritz-Walter-Medaille. schalke04.de
- ^ Löw zaubert Draxler aus dem Hut. kicker.de
Вонкавыя спасылкі
[рэдагаваць | рэдагаваць крыніцу]- Афіцыйны сайт
- Профіль на сайце fussballdaten.de
- Профіль на сайце transfermarkt.de
- Нарадзіліся 20 верасьня
- Нарадзіліся ў 1993 годзе
- Нарадзіліся ў Паўночным Райне-Вэстфаліі
- Футбалісты клюбу «Аль-Аглі» Доха
- Футбалісты клюбу «Шальке-04» Гельзэнкірхэн
- Футбалісты клюбу «Вольфсбург»
- Футбалісты клюбу «Пары Сэн-Жэрмэн» Парыж
- Футбалісты клюбу «Бэнфіка» Лісабон
- Нямецкія футбалісты
- Чэмпіёны сьвету па футболе