Самі Хэдыра

Самі Хэдыра
Пэрсанальная інфармацыя
Нарадзіўся	4 красавіка 1987 (31 год) Штутгарт, Нямеччына
Рост	189 см
Вага	81 кг
Пазыцыя	паўабаронца
Клюбная інфармацыя
Клюб	Ювэнтус Турын
Нумар	6
Моладзевыя клюбы
1995—2004	Штутгарт
Клюбы
Гады	Клюб	Гульні (галы)¹
2004—2006 2006—2010 2010—2015 2015—	Штутгарт-2 Штутгарт Рэал Мадрыд Ювэнтус Турын	21 (1) 98 (14) 102 (6) 77 (19)
Зборныя
2009—	Нямеччына	75 (7)
¹ Колькасьць гульняў і галоў за прафэсійны клюб лічыцца толькі для нацыянальнай лігі, адкарэктавана на 5 траўня 2018. ² Колькасьць гульняў і галоў за нацыянальную зборную ў афіцыйных матчах, адкарэктавана на 8 чэрвеня 2018.

Самі Хэдыра (па-нямецку: Sami Khedira; нарадзіўся 4 красавіка 1987 году, Штутгарт, ФРН) — нямецкі футбаліст туніскага паходжаньня, паўабаронца клюбу «Ювэнтус» і нацыянальнай зборнай Нямеччыны. Чэмпіён сьвету 2014 году.

Кар’ера

«Штутгарт»

Дэбютаваў у Бундэсьлізе 1 кастрычніка 2006 году ў матчы супраць «Гэрты». 29 студзеня 2007 году падпісаў кантракт са «Штутгартам» да чэрвеня 2009 году. 9 ліпеня 2008 году падоўжыў кантракт да лета 2011 году. У клюбе пасьпяхова гуляў на пазыцыі апорнага паўабаронцы, некаторы час быў віцэ-капітанам каманды.

«Рэал Мадрыд»

Летам 2010 году перайшоў у мадрыдзкі «Рэал». Сума трансфэру склала 12 млн эўра. 21 красавіка 2012 году забіў гол у браму «Барсэлёны», у тым матчы «Рэал» перамог зь лікам 2:1, яшчэ адзін гол правёў лідэр «Рэалу» Крыштыяну Раналду.

Міжнародная кар’ера

У зборнай Нямеччыне дэбютаваў 5 верасьня 2009 году ў таварыскім матчы супраць зборнай ПАР. З-за шматлікіх траўмаў асноўных гульцоў зборнай Самі трапіў у заяўку на чэмпіянат сьвету 2010 году. На самім мундыялі ён правёў усе 7 матчаў сваёй зборнай, удастоіўшыся пры гэтым, разам з Бастыянам Швайнштайгерам, зь якім гуляў у паўабароне, пахвалы за выдатную гульню ў цэнтры поля. У матчы за 3-е месца адзначыўся пераможным голам у браму зборнай Уругваю.

Дасягненьні

Клюбныя

Штутугарт

• Чэмпіён Нямеччыны: 2007

Рэал

• Чэмпіён Гішпаніі: 2012
• Уладальнік Кубка Гішпаніі (2): 2011, 2014
• Уладальнік Супэркубка Гішпаніі: 2012

Міжнародныя

Нямеччына:

• Чэмпіён сьвету: 2014
• Бронзавы прызэр чэмпіянату сьвету: 2010

Вонкавыя спасылкі

Самі Хэдыра — сховішча мультымэдыйных матэрыялаў

• Профіль на Transfermarkt.de
• Профіль на Fussballdaten.de