Мэсут Эзіль

**Мэсут Эзіль**
	Мэсут Эзіль
Пэрсанальная інфармацыя
Нарадзіўся	15 кастрычніка 1988 (36 гадоў); Гэльзэнкірхэн, Заходняя Нямеччына;
Рост	180 см
Вага	76 кг
Пазыцыя	атакуючы паўабаронца, паўабаронца
Клюбы
Зборныя

Мэсу́т Эзі́ль (па-нямецку: Mesut Özil; нарадзіўся 15 кастрычніка 1988 году, Гельзэнкірхэн, Нямеччына) — колішні нямецкі футбаліст турэцкага паходжаньня, паўабаронца. Гулец нацыянальнай зборнай Нямеччыны. Чэмпіён сьвету 2014 году.

Кар’ера

«Шальке 04»

Мэсут пачаў сваю прафэсійную кар’еру ў клюбе «Шальке-04», падпісаўшы свой першы кантракт у 2005 годзе. Упершыню ў складзе «Шальке» ён выйшаў у матчах Кубка лігі супраць «Баера» й «Баварыі», у якіх замяніў асноўнага плэймэйкера каманды Лінкальна^[4].

«Вэрдэр»

31 студзеня 2008 году падпісаў кантракт з клюбам «Вэрдэр».

«Рэал Мадрыд»

17 жніўня 2010 году было абвешчана аб пераходзе Эзіля ў гішпанскі клюб «Рэал Мадрыд»^[5]. 29 жніўня 2010 году Эзіль дэбютаваў за «Рэал» у выязным матчы супраць «Мальёркі», выйшаўшы на замену на 59-й хвіліне замест Сэрхіё Каналеса, матч скончыўся зь лікам 0:0. Свой першы гол за «Рэал» Мэсут забіў 3 кастрычніка 2010 году ў матчы супраць «Дэпартыва», які скончыўся зь лікам 6:1.

«Арсэнал»

2 верасьня 2013 году Эзіль пагадзіўся далучыцца да ангельскага клюбу «Арсэнал»^[6]. Сума трансфэру й тэрмін дзеяньня кантракту з «кананірамі» не былі агучаны, але, як мяркуецца, угода абышлася лёнданцам у 42,5 млн фунтаў стэрлінгаў, а кантракт разьлічаны на пяць гадоў^[7]. Такім чынам, гэты транфэр ёсьць самым дарагім трансфэрам нямецкага футбаліста за гісторыю^[8].

Эзіль дэбютаваў у складзе «Арсэналу» ў гасьцявым матчы супраць «Сандэрлэнду» 14 верасьня 2013 году. Ён асыставаў Аліўе Жыру, калі той забіў гол на 11-й хвіліне матчу, «Арсэнал» у той дзень сьвяткаваў перамогу зь лікам 3:1^[9]. Праз тры дні пасьля гэтага Мэсут апрануў кашулю «кананіраў» у матчы Лігі чэмпіёнаў супраць «Марсэлю». Пасьля трох тыдняў пасьля свайго дэбюту ў «Арсэнале», паўабаронца ўпершыню выйшаў у хатнім матчы клюбу супраць «Сток Сіці» (3:1). Эзіль прымаў удзел ва ўсіх трох галах. Свой першы мяч у складзе новага клюбу Мэсут забіў бліскучым ударам пасьля перадачы Аарана Рэмсі ў матчы Лігі чэмпіёнаў супраць «Напалі» (2:0).

Міжнародная кар’ера

5 лютага 2009 году Мэсут атрымаў свой першы выклік у нацыянальную зборную Нямеччыны. На чэмпіянаце сьвету 2010 года ў ПАР ён вывеў зборную Нямеччыны ў плэй-оф, забіўшы гол у браму зборнай Ганы^[10]. На чэмпіянаце сьвету ў ПАР быў уключаны ў сымбалічную зборную турніру, а таксама намінаваны на званьне лепшага гульца чэмпіянату сьвету. У кваліфікацыі да чэмпіянату сьвету 2014 году Мэсут забіў 8 галоў і разам з камандаў адправіўся на фінальны турнір у Бразылію, дзе стаў чэмпіёнам сьвету.

Дасягненьні

«Вэрдэр»:

Уладальнік Кубка Нямеччыны: 2009

«Рэал» Мадрыд:

Чэмпіён Гішпаніі: 2012
Уладальнік Кубка Гішпаніі: 2011
Уладальнік Супэркубка Гішпаніі: 2012

«Арсэнал»:

Уладальнік Кубка Ангельшчыны: 2014, 2015, 2017
Уладальнік Супэркубка Ангельшчыны: 2015

Нямеччына:

Чэмпіён сьвету: 2014

Крыніцы

^ ^а ^б ^в Mesut Özil // Transfermarkt (мн.) — 2000.
^ ^а ^б ^в MESUT OZIL // Argentine Soccer Database (гішп.)
^ ^а ^б Deutsche Nationalbibliothek Record #1025281462 // Gemeinsame Normdatei (ням.) — 2012—2016.
^ Ein 17-Jähriger soll Lincoln ersetzen. kicker.de
^ Mesut Özil, nuevo jugador del Real Madrid. Realmadrid.es
^ German international Ozil joins Arsenal. Arsenal F.C.
^ Mesut Ozil: Arsenal sign Real Madrid midfielder for £42.4m. BBC.
^ Arsenal smash club record to sign Mesut Ozil. The Guardian
^ Sunderland 1–3 Arsenal: Mesut Ozil makes Arsenal debut as Aaron Ramsey brace sees off Black Cats. Daily Mirror
^ Löw verzichtet auf Podolski - Özil und Beck als Neulinge. transfermarkt.de

Вонкавыя спасылкі

Афіцыйны сайт
Профіль на сайце transfermarkt.de
Профіль на сайце kicker.de
Статыстыка на National Football Teams
Профіль на сайце ФІФА

[_43c4f93de8b9fcbe-1] а ^б ^в Mesut Özil // Transfermarkt (мн.) — 2000.

[_2fc7d6d7c15fa1a9-2] а ^б ^в MESUT OZIL // Argentine Soccer Database (гішп.)

[_078abaa58ad7f303-3] а ^б Deutsche Nationalbibliothek Record #1025281462 // Gemeinsame Normdatei (ням.) — 2012—2016.

[4] Ein 17-Jähriger soll Lincoln ersetzen. kicker.de

[5] Mesut Özil, nuevo jugador del Real Madrid. Realmadrid.es

[6] German international Ozil joins Arsenal. Arsenal F.C.

[7] Mesut Ozil: Arsenal sign Real Madrid midfielder for £42.4m. BBC.

[8] Arsenal smash club record to sign Mesut Ozil. The Guardian

[9] Sunderland 1–3 Arsenal: Mesut Ozil makes Arsenal debut as Aaron Ramsey brace sees off Black Cats. Daily Mirror

[10] Löw verzichtet auf Podolski - Özil und Beck als Neulinge. transfermarkt.de

[1]

[2]

[3]

[4]

[5]

[6]

[7]

[8]

[9]

[10]

Пэрсанальная інфармацыя
Мэсут Эзіль

Нарадзіўся	15 кастрычніка 1988(1988-10-15)^[1]^[2] (36 гадоў) Гэльзэнкірхэн, Заходняя Нямеччына^[3]
Рост	180 см
Вага	76 кг
Пазыцыя	атакуючы паўабаронца, паўабаронца
Клюбы
Гады	Клюб	Гульні (галы)¹
2006—2008 2008—2010 2010—2013 2013—2021 2021—2022 2022—2023	Шальке-04 Вэрдэр Рэал Мадрыд Арсэнал Фэнэрбахчэ Істанбул Башакшэхір	30 (0) 71 (13) 105 (19) 184 (33) 32 (8) 4 (0)
Зборныя
2009—2018	Нямеччына	92 (23)