Матс Гумэльс

Матс Гумэльс
Пэрсанальная інфармацыя
Нарадзіўся	16 сьнежня 1988 (30 гадоў) Бэргіш-Глядбах, Нямеччына
Рост	192 см
Вага	90 кг
Пазыцыя	абаронца
Клюбная інфармацыя
Клюб	Баварыя Мюнхэн
Нумар	5
Моладзевыя клюбы
1995—2005	Баварыя
Клюбы
Гады	Клюб	Гульні (галы)¹
2005—2007 2007—2008 2008—2009 2009—2016 2016—	Баварыя II Баварыя → Барусія Дортмунд Барусія Дортмунд Баварыя Мюнхэн	42 (5) 1 (0) 25 (1) 225 (19) 53 (2)
Зборныя
2010—	Нямеччына	64 (5)
¹ Колькасьць гульняў і галоў за прафэсійны клюб лічыцца толькі для нацыянальнай лігі, адкарэктавана на 12 траўня 2018. ² Колькасьць гульняў і галоў за нацыянальную зборную ў афіцыйных матчах, адкарэктавана на 8 чэрвеня 2018.

Матс Юліян Гумэльс (па-нямецку: Mats Julian Hummels; нарадзіўся 16 сьнежня 1988 году ў Бэргіш-Глядбаху, Нямеччына) — нямецкі футбаліст, абаронца мюнхэнскай «Баварыі» і нацыянальнай зборнай Нямеччыны, разам зь якой стаў чэмпіёнам сьвету 2014 году.

Кар’ера

Клюбная

Выхаванец футбольнай школы мюнхэнскай «Баварыі», дзе ягоны бацька, Гэрман Гумэльс, зьяўляўся трэнэрам. Пачынаў кар’еру на пазыцыі апорнага паўабаронцы, але затым быў пераведзены ў цэнтар абароны.

З 2005 году выступаў у рэгіянальнай лізе за другую каманду «Баварыі», дзе за два сэзоны згуляў 42 матчы й забіў 5 мячоў. З сэзону 2006—2007 гадоў пачаў трэніравацца з асноўным складам «Баварыі», а ў 2007 годзе падпісаў кантракт з клюбам на 2 гады. У Бундэсьлізе дэбютаваў 19 траўня 2007 году ў матчы супраць «Майнцу», які завяршыўся перамогай мюнхэнцаў зь лікам 5:3. У 2008 годзе Гумэльс быў аддадзены ў арэнду «Барусіі» з Дортмунду, бо маладому абаронцу не знаходзілася месца ў асноўным складзе «Баварыі». У «Барусіі» Матс хутка стаў гульцом асновы, шмат у чым дзякуючы галоўнаму трэнэру Юргену Клёпу. У пачатку студзеня 2009 году, Гумэльс, у адным з матчаў чэмпіянату надарваў зьвязкі правай лодыжкі й выбыў на шэсьць тыдняў. Менш чым празь месяц стала вядома, што Матс мае намер застацца ў «Барусіі» й не вяртацца ў «Баварыю».

26 лютага 2011 году забіў гол галавой у браму сваёй былой каманды ў матчы 24 туру Бундэсьлігі. Лік матчу пасьля ягонага голу стаў 3:1 на карысьць дортмундцаў.

Міжнародная

Дэбютаваў за зборную Нямеччыны ў таварыскім матчы супраць зборнай Мальты 13 траўня 2010 году ў Аахэне. Матч скончыўся перамогай немцаў з рахункам 3:0.

Дасягненьні

«Барусія» Дортмунд

• Чэмпіён Нямеччыны (2): 2011, 2012
• Уладальнік Кубка Нямеччыны: 2012
• Уладальнік Супэркубка Нямеччыны: 2013

Нямеччына

• Чэмпіён сьвету: 2014

Вонкавыя спасылкі

Матс Гумэльс — сховішча мультымэдыйных матэрыялаў

• Профіль на афіцыйным сайце «Барусіі Дортмунд»
• Статыстыка на Fussballdaten.de
• Статыстыка на National Football Teams
• Профіль на сайце ФІФА
• Профіль на сайце УЭФА