Ёнас Гофман
| Ёнас Гофман | ||
_(cropped).jpg) | ||
| Пэрсанальная інфармацыя | ||
|---|---|---|
| Нарадзіўся | 14 ліпеня 1992[1][2] (34 гады)
| |
| Рост | 176 см | |
| Пазыцыя | флянгавы паўабаронца | |
| Клюбная інфармацыя | ||
| Клюб | Баер Левэркузэн | |
| Нумар | 7 | |
| Клюбы | ||
| Гады | Клюб | Гульні (галы)¹ |
| 2011 | Гофэнгайм | 5 (2) |
| 2011—2014 | Барусія Дортмунд II | 71 (15) |
| 2012—2016 | Барусія Дортмунд | 38 (3) |
| 2014—2015 | → Майнц | 10 (3) |
| 2016—2023 | Барусія Мёнхэнглядбах | 184 (40) |
| 2023— | Баер Левэркузэн | 64 (9) |
| Зборныя | ||
| 2013—2014 | Нямеччына (да 21)[d] | 10 (6) |
| 2020— | Нямеччына | 23 (4) |
|
¹ Колькасьць гульняў і галоў за прафэсійны клюб лічыцца толькі | ||
Ёнас Гофман (па-нямецку: Jonas Hofmann; нар. 14 ліпеня 1992 году, Гайдэльбэрг, Нямеччына) — нямецкі футбаліст, паўабаронца клюбу «Баер» і зборнай Нямеччыны.
Кар’ера
[рэдагаваць | рэдагаваць код]Клюбная
[рэдагаваць | рэдагаваць код]
Гофман пачынаў у клюбе «Рот», пакуль у 2004 годзе не далучыўся да моладзевай каманды «Гофэнгайму». У сэзоне юнацкай Бундэсьлігі (да 19 гадоў) 2010—2011 гадоў ён правёў за юнацкую дружыну клюбу 9 галоў у 18 матчах. У красавіку 2011 году дэбютаваў за «Гофэнгайм II» у матчы супраць «Мюнхэн-1860 II». Усяго ў Рэгіянальнай лізе згуляў 5 матчаў і загнаў у іх 2 галы. Перад сэзонам 2011—2012 гадоў Гофман перайшоў у дортмундзкую «Барусію II». 6 жніўня 2011 году дэбютаваў за другую каманду клюбу ў матчы з «Кайзэрсьляўтэрнам» і ўжо ў першай гульні адзначыўся голам, а «Барусія» перамагла зь лікам 2:0. Усяго ў тым сэзоне згуляў 35 матчаў і 10 разоў пацэліўшы мяч у браму супернікаў.
16 сьнежня 2012 году Гофман дэбютаваў за галоўную каманду «Барусіі» ў матчы супраць «Гофэнгайму», замяніўшы на 89-й хвіліне Марыё Гёцэ. 6 красавіка 2013 году згуляў паўнавартасны матч з «Аўсбургам» і аддаў галявую перадачу. Потым браў удзел у матчы з «Фартунай». Пасьля гэтага падоўжыў кантракт з «Барусіяй» да 2015 году. Як толькі Морыц Ляйтнэр быў адданы ў арэнду ў «Штутгарт», Гофман вярнуў сабе сёмы нумар, пад якім некалі выступаў. 31 жніўня 2014 году перайшоў на правах арэнду ў клюб «Майнц», не зважаючы на тое, што напачатку сэзону згуляў у двух матчах за «Барусію». На вялікі жаль для гульца той сэзон быў азмрочаны траўмай, празь якую ён амаль не выступаў. 30 ліпеня 2015 году, па вяртаньні з арэнды, Гофман правёў свой першы гол у эўрапейскіх турнірах, пацэліўшы мяч у першым матчы трэцяга кваліфікацыйнага раўнду Лігі Эўропы ў браму аўстрыйскага «Вольфсбэргу», чым усталяваў канчатковы лік 1:0.
29 сьнежня 2015 году было абвешчана, што паўабаронца далучыцца да «Барусіі» зь Мёнхэнглядбаху 1 студзеня 2016 году, зь якім футбаліст узгодніў чатырохгадовы кантракт да 2020 году[3]. Далучыўшыся да глядбаскага клюбу толькі падчас зімовага перапынку, ён дэбютаваў за клюб 23 студзеня 2016 году ў матчы супраць былога клюбу, а ягоная новая каманда зазнала паразу ад дортмундцаў зь лікам 1:3[4]. 18 кастрычніка 2018 году Гофман аформіў свой першы ў прафэсійнай кар’еры хет-трык у пераможным матчы лігі супраць клюбу «Майнц», які скончыўся зь лікам 4:0[5]. 16 красавіка 2019 году ён падпісаў новы кантракт з клюбам, падоўжыўшы сваё знаходжаньне ў клюбе згодна з умовамі да 2023 году[6]. 8 студзеня 2021 году футбаліст разжыўся дублем і адной галявай перадачай у гістарычным матчы супраць «Баварыі», у якім глядбахцы сьвяткавалі перамогу зь лікам 3:2[7]. 5 ліпеня 2023 году Гофман далучыўся да левэркузэнкага «Баеру»[8][9]. Крыху больш за месяц пасьля таго ён дэбютаваў за новую каманду ў матчы Кубка Нямеччыны.
Міжнародная
[рэдагаваць | рэдагаваць код]Гофман гуляў за нямецкія зборныя розных узростаў. У 2020 годзе ў даволі сталым веку дэбютаваў у складзе зборнай Нямеччыны, выйшаўшы на замену ў таварыскім матчы супраць зборнай Турэччыны, які скончыўся зь лікам 3:3. 19 траўня 2021 году ён быў улучаны ў заяўку зборнай на чэмпіянат Эўропы 2020 году[10], але на пляцоўцы не зьяўляўся. 5 верасьня 2021 году адзначыўся першым голам у кашулі зборнай у пераможным матчы адборачнага этапу да чэмпіянату сьвету 2022 году супраць зборнай Армэніі. Гульня тады скончылася зь лікам 6:0 на карысьць немцаў[11].
Дасягненьні
[рэдагаваць | рэдагаваць код]«Барусія» Дортмунд:
- Уладальнік Супэркубка Нямеччыны: 2013, 2014
«Баер»:
- Чэмпіён Нямеччыны: 2024
- Уладальнік Кубка Нямеччыны: 2024
- Уладальнік Супэркубка Нямеччыны: 2024
Крыніцы
[рэдагаваць | рэдагаваць код]- ↑ Jonas Hofmann // Transfermarkt (мн.) — 2000.
- ↑ Jonas Hofmann // As (гішп.) — Madrid: PRISA, 1967. — ISSN 1888-6671
- ↑ Penfold, Chuck. Dortmund’s Jonas Hofmann sold to Mönchengladbach // Deutsche Welle, 05.01.2015 г.
- ↑ Mkhitaryan, Reus lead Dortmund to 3-1 win at 'Gladbach. USA Today (23.01.2016).
- ↑ Hofmann hat trick as 'Gladbach beats Mainz 4-0 to go 2nd. Associated Press News (18.10.2018).
- ↑ Borussias Hofmann verlängert bis 2023. RP (16.04.2019).
- ↑ Jonas Hofmann helps Borussia Mönchengladbach get 2021 off with a bang. Bundesliga (10.01.2021).
- ↑ Werkself sign Germany International Jonas Hofmann. Bayer Leverkusen (05.07.2023).
- ↑ Jonas Hofmann leaves Borussia after seven and a half years. Borussia Mönchengladbach (05.07.2023).
- ↑ EM-Kader offiziell: Löw beruft Müller, Hummels und Volland. Kicker (19.05.2021).
- ↑ Germany 6–0 Armenia. UEFA (05.09.2021).