Перайсьці да зьместу

Ёзуа Кіміх

Зьвесткі зь Вікіпэдыі — вольнай энцыкляпэдыі
Ёзуа Кіміх
Пэрсанальная інфармацыя
Нарадзіўся 8 лютага 1995(1995-02-08)[1] (31 год)
Рост 177 см[3]
Вага 75 кг[3]
Пазыцыя паўабаронца, абаронца
Клюбная інфармацыя
Клюб Баварыя
Нумар 6
Клюбы
Гады Клюб Гульні (галы)¹
2013—2015 РБ Ляйпцыг 53 (3)
2015—4 Баварыя 317 (31)
Зборныя
2014—2015 Нямеччына (да 21)[d] 14 (2)
2016—4 Нямеччына 106 (10)

¹ Колькасьць гульняў і галоў за прафэсійны клюб лічыцца толькі
для нацыянальнай лігі, адкарэктавана на
14 сакавіка 2026.
² Колькасьць гульняў і галоў за нацыянальную зборную
ў афіцыйных матчах, адкарэктавана на
17 лістапада 2025.

Ёзуа Ва́льтэр Кі́міх (па-нямецку: Joshua Walter Kimmich; нар. 8 лютага 1995 году) — нямецкі футбаліст, абаронца мюнхэнскай «Баварыі» і нацыянальнай зборнай Нямеччыны. Шырока вядомы праз сваю ўнівэрсальнасьць, добрыя перадачы і стрэлы па браме, накіраванасьць на барацьбу і спартовую агрэсію[4][5][6]. Яго часта параўноўваюць з былым капітанам мюнхэнскай «Баварыі» Філіпам Лямам, пераемнікам якога гулец час ад часу лічыцца[7][8]. У сезоне 2019—2020 гадоў стаў уладальнікам трэблу ў складзе «Баварыі», то бок пераможцам Ліга чэмпіёнаў, Бундэсьлігі і Кубак Нямеччыны, і быў улучаны ў сымбалічную зборную году УЭФА[9].

Кар’ера

[рэдагаваць | рэдагаваць код]

Клюбная

[рэдагаваць | рэдагаваць код]

Кіміх ёсьць выхаванцам моладзевай акадэміі «Штутгарту». У ліпені 2013 году гулец перайшоў у табар «РБ Ляйпцыгу», склаўшы ўгоду на 2 гады. На той час ляйпцыскі клюб значыўся ў трэцім нямецкім дывізіёне, у рамках якога ён дэбютаваў 28 верасьня таго ж году, выйшаўшы на зьмену ў матчы супраць «Унтэргахінгу» (2:2). Свой першы гол малады футбаліст забіў праз два месяцы 30 лістапада, улучыўшы мяч у браму «Заарбрукену» і дапамогшы клюбу выгуляць супернікаў зь лікам 3:2[10]. Сэзон Кіміх скончыў трывалым гульцом асноўнага складу, а клюб прасунуўся ў Бундэсьлігу 2[11]. Наступны сэзон склаўся дзеля гульца ня менш блага, чымсьці папярэдні, бо спартовец згуляў 29 матчаў за клюб, які, аднак, фінішаваў у некалькіх кроках ад падвышэньня.

Выдатная гульня маладога таленту была запрыкмечаная кіраўнікамі «Баварыі», якая склала з гульцом пагадненьне на пачатку 2015 году. Паводле ўмоваў баварскі клюб выдаткаваў 7 млн эўра за набыцьцё паўабаронцы, але амаль усе грошы атрымаў «Штутгарт», як клюб, які выхаваў спартоўца[12]. Дэбют Кіміха адбыўся 9 жніўня ў матчы першага раўнду Кубка Нямеччыны супраць «Нётынгена». Толькі празь месяц тагачасны трэнэр мюнхэнцаў Пэп Гвардыёля даў магчымасьць гульцю дэбютаваць у матчы Бундэсьлігі, то бок Кіміх зьявіўся на полі ў канчатку сустрэчы з «Аўгсбургам»[13]. Праз чатыры дні Кіміх дэбютаваў у гасьцявым матчы Лігі чэмпіёнаў супраць «Алімпіякоса», і праз тры дні ён упершыню выйшаў у старце ў Бундэсьлізе, згуляўшы 90 хвілінаў матчу супраць «Дармштату-98» (3:0)[14][15]. У выніку па сканчэньні сэзону гулец зьявіўся на полі ў 23 сустрэчах. У наступным гульнявы час футбаліста толькі павялічыўся і ён стаў трывалым гульцом асноўнага складу «Баварыі».

Кіміх у складзе «Баварыі» ў 2022 годзе.

9 верасьня 2016 году ён загнаў свой першы гол за «Баварыю» ў матчы Бундэсьлігі супраць «Шальке-04» у гасьцёх, які завяршыўся перамогай зь лікам 2:0[16]. Праз чатыры дні футбаліст адзначыўся сваімі першымі двума галамі ў Лізе чэмпіёнаў, дапамогшы адолець расейскі «Растоў» зь лікам 5:0[17]. Па заканчэньні кар’еры Філіпа Ляма Кіміх заняў ягоную пазыцыю і на сталай аснове стаў правым абаронцам[18]. 16 верасьня 2017 году ён аддаў тры галявыя перадачы Томасу Мюлеру, Ар’ену Робэну і Робэрту Левандоўскаму, якія прывялі да перамогі над «Майнцам» зь лікам 4:0[19]. Яму ўдалося правесьці па голу ў першым, гэтак і ў другім матчах паўфіналу Лігі чэмпіёнаў 2017—2018 гадоў, чым дапамогу баварцам выбіць з турніру мадрыдзкі «Рэал»[20][21]. 9 лютага 2019 году Кіміх згуляў свой 100-ы матч у лізе ў кашулі «Баварыі» ў матчы супраць «Шальке-04»[22]. У тым сэзоне абаронца зьявіўся на полі ўва ўсіх 34-х матчах лігі. 23 жніўня 2020 году немец зрабіў важную галявую перадачу на Кінгсьлі Камана ў фінале Лігі чэмпіёнаў, чым забясьпечыў перамогу свайму клюбу[23]. Кіміх пачаў сэзон 2020—2021 гадоў, атрымаўшы кашулю з нумарам 6, пасьля таго як Тыяга Алькантара сышоў у «Лівэрпул»[24]. У дадатак, футбаліст быў пераведзены галоўным трэнэрам Гансі Флікам на пазыцыю абарончага паўабаронцы[25]. 23 жніўня 2021 году Кіміх падпісаў новы кантракт з «Баварыяй», які падоўжыў супрацу з камандай да 2025 году[26]. 24 студзеня 2023 году ён улучыў мяч у браму «Кёльну» з адлегласьці ў 25 метраў, ураўнаўшы лік 1:1 на 90-й хвіліне[27]. 28 кастрычніка 2023 году ён атрымаў сваю першую чырвоную картку ў прафэсійнай кар’еры. У другой палове сэзону 2023—2024 гадоў ён гуляў на пазыцыі правага абаронцы пад кіраўніцтвам трэнэра Томаса Тухэля[28].

13 сакавіка 2025 году Кіміх падоўжыў свой кантракт з «Баварыяй» да 2029 году[29]. А пазьней у тым жа годзе, то бок 4 лістапада, ён згуляў у сваім 100-м матчы Лігі чэмпіёнаў, зьявіўшыся ў выяздным матчы супраць «Пары Сэн-Жэрмэн»[30].

Міжнародная

[рэдагаваць | рэдагаваць код]
Кіміх у складзе юнацкай зборнай Нямеччыны.

17 траўня 2016 году Кіміх быў улучаны ў папярэдні склад зборнай Нямеччыны на чэмпіянат Эўропы 2016 году[31]. 29 траўня ён дэбютаваў у складзе зборнай у таварыскім матчы супраць зборнай Славаччыны, які ягоная каманда прагуляла зь лікам 3:1[32]. 31 траўня было пацьверджана, што Кіміх трапіць у фінальны сьпіс да эўрапейскага першынства[33]. 21 чэрвеня ён зьявіўся ў стартавым складзе зборнай у фінальным матчы групы C супраць зборнай Паўночнай Ірляндыі, замяніўшы Бэнэдыкта Гёвэдэса на пазыцыі правага абаронцы[34]. Кіміх заставаўся галоўным правым абаронцам зборнай, якая дакрочыла да паўфіналу, і быў улучаны ў сымбалічную зборную турніру[35].

4 верасьня 2016 году спартовец правёў свой дэбютны гол за зборную ў пераможным матчы супраць зборнай Нарвэгіі падчас кваліфікацыі на чэмпіянат сьвету 2018 году[36]. У 2017 годзе з камандай выступаў у Кубку канфэдэрацыяў, а праз год згуляў на чэмпіянаце сьвету. 19 траўня 2021 году быў абраны ў склад зборнай на чэмпіянат Эўропы 2020 году[37]. Гэтак жа футбаліста запрасілі да шыхтаў каманды на чэмпіянат сьвету 2022 году і чэмпіянат Эўропы 2024 году. У верасьні 2024 году быў прызначаны капітанам зборнай[38]. 4 чэрвеня 2025 году Кіміх згуляў свой 100-ы матч за зборную ў матчы супраць зборнай Партугаліі ў Лізе нацыяў 2024—2025 гадоў, у якім ён аддаў галявую перадачу Флёрыяну Вірцу[39][40].

Дасягненьні

[рэдагаваць | рэдагаваць код]

«Баварыя»:

Крыніцы

[рэдагаваць | рэдагаваць код]
  1. ↑ Joshua Kimmich // Transfermarkt (мн.) — 2000.
  2. ↑ https://www.transfermarkt.com/joshua-kimmich/profil/spieler/161056
  3. 1 2 https://fcbayern.com/us/teams/professionals/joshua-kimmich
  4. ↑ «Sport Match — Xavi praises Kimmich: „The perfect player for FC Barcelona!“». Sportmatch.
  5. ↑ «„Phenomenal!“ - Mourinho showered Bayern star Kimmich with praise». LigaLIVE.
  6. ↑ «Guardiola full of praise for „serious player“ Kimmich». Bundesliga.
  7. ↑ «Bayern Munich legend Paul Breitner on Joshua Kimmich as the next Philipp Lahm, Thomas Müller and Thiago Alacantara». Bundesliga.
  8. ↑ «How Bayern's Joshua Kimmich became the new Philipp Lahm». The Guardian.
  9. ↑ UEFA.com fans’ Team of the Year 2020 revealed. UEFA (20.01.2021).
  10. ↑ «1. FC Saarbrücken — RB Leipzig». MDR.
  11. ↑ «Joshua Kimmich». Kicker.
  12. ↑ «FC Bayern verpflichtet Joshua Kimmich». Süddeutsche Zeitung.
  13. ↑ «Douglas Costa anchors Bayern's comeback win over Augsburg». ESPN.
  14. ↑ «Müller double helps Bayern prevail at Olympiacos». UEFA.
  15. ↑ «Pep Guardiola 'very pleased' with Bayern's win over Darmstadt». ESPN.
  16. ↑ FC Schalke 04 0–2 Bayern Munich. BBC Sport (09.09.2016). Архіўная копія ад 16.07.2018 г.
  17. ↑ Bayern Munich 5–0 FC Rostov. BBC (13.09.2016). Архіўная копія ад 17.07.2018 г.
  18. ↑ Pearson, Matt (09.12.2017) Opinion: Kimmich is the world’s best right back. DW.
  19. ↑ Bay Munich 4 – 0 Mainz – Match Report & Highlights. Sky Sports. Архіўная копія ад 04.08.2019 г.
  20. ↑ Glendenning, Barry. Bayern Munich 1–2 Real Madrid: Champions League semi-final first leg – as it happened // The Guardian, 25.04.2018 г. Архіўная копія ад 15.09.2018 г.
  21. ↑ Murray, Scott. Real Madrid 2–2 Bayern Munich (agg: 4–3): Champions League semi-final – as it happened // The Guardian, 05.2018 г. Архіўная копія ад 01.10.2018 г.
  22. ↑ Robert Lewandowski scores milestone goal as Bayern Munich climb back up to second with Schalke win // Bundesliga, 09.02.2019 г. Архіўная копія ад 06.08.2020 г.
  23. ↑ Hytner, David. Bayern Munich win Champions League as Kingsley Coman header sinks PSG // The Guardian, 23.08.2020 г. Архіўная копія ад 20.09.2020 г.
  24. ↑ Joshua Kimmich changes from 32 to 6. fcbayern.com (18.09.2020). Архіўная копія ад 25.09.2020 г.
  25. ↑ Joshua Kimmich: What is the Bayern Munich and Germany star's best position?. Bundesliga (13.06.2021).
  26. ↑ Bayern Munich star Kimmich signs new four-year contract at Allianz Arena. Goal (23.08.2021).
  27. ↑ Mosthaf, Philipp (24.01.2023) FC Bayern München spielt unentschieden Gegen den 1. FC Köln: Joshua Kimmich verhindert FC-Sieg mit Hammer-Tor. eurosport.de.
  28. ↑ Will Kimmich remain at right-back for Bayern for the rest of the season?. OneFootball (12.03.2024).
  29. ↑ FC Bayern and Joshua Kimmich extend until 2029. FC Bayern München (13.03.2025).
  30. ↑ Who has played 100 Champions League games? Joshua Kimmich latest player to reach century. UEFA (04.11.2025).
  31. ↑ Bastian Schweinsteiger included in Germany's provisional Euro 2016 squad // The Guardian, 17.05.2016 г. Архіўная копія ад 05.07.2019 г.
  32. ↑ Slovakia stun green Germany in storm-hit friendly // 29.05.2016 г.
  33. ↑ Löw streicht Bellarabi, Brandt, Reus und Rudy // Deutscher Fußball-Bund, 31.05.2016 г.
  34. ↑ #360view: Joshua Kimmich performance at right-back may have solved an ongoing problem for Germany // 21.06.2016 г.
  35. ↑ UEFA EURO 2016 Team of the Tournament revealed // 11.07.2016 г.
  36. ↑ Muller nets brace as Germany ease past Norway // 04.09.2016 г.
  37. ↑ EM-Kader offiziell: Löw beruft Müller, Hummels und Volland. Kicker.
  38. ↑ Team-Ticker: Kimmich neuer Kapitän // dfb.de, 02.09.2024 г.
  39. ↑ Joshua Kimmich steht vor seinem 100. Länderspiel für Deutschland // 04.06.2025 г.
  40. ↑ Germany vs Portugal. uefa.com.

Вонкавыя спасылкі

[рэдагаваць | рэдагаваць код]
Атрымана з «https://be-tarask.wikipedia.org/w/index.php?title=Ёзуа_Кіміх&oldid=2661993»