Павал Караль Сангушка

Павал Караль Сангушка
	Павал Караль Сангушка
	; Герб «Пагоня Літоўская»
Асабістыя зьвесткі
Нарадзіўся	1680
Памёр	14 красавіка 1750; Вэлыкы Загайці[d], Крамянецкі павет[d], Валынскае ваяводзтва, Малапольская правінцыя[d], Карона Каралеўства Польскага, Рэч Паспалітая;
Пахаваны	Касцёл і кляштар капуцынаў у Любліне[d];
Род	Сангушкі
Бацькі	Геранім Сангушка; Канстанцыя з Сапегаў
Жонка	Браніслава Пяняжка; Мар’яна зь Любамірскіх; Барбара з Дунінаў
Дзеці	ад 2-га шлюбу: Януш Аляксандар; ад 3-га шлюбу: Ганна, Юзэф Паўлін, Кацярына, Януш Мадэст, Геранім Януш, Крыстына
Дзейнасьць	вайсковец

Павал Караль Сангушка (1680 — 14 красавіка 1750, маёнтак Загайцы Валынскага ваяводзтва) — дзяржаўны і вайсковы дзяяч Вялікага Княства Літоўскага. Стольнік вялікі літоўскі (1708—1709), падскарбі надворны літоўскі (1711—1713), маршалак надворны (1713—1734) і вялікі літоўскі (з 1734 году)^[2]; палкоўнік літоўскай гвардыі (1711).

Валодаў Смалянамі, Палоннай, Гаўрылкавам і Янавам у Віцебскім ваяводзтве, Дабраўлянамі і Смаргоньню ў Віленскім ваяводзтве, палацамі ў Горадні і Дабраўлянах. Апроч таго, меў маёнткі ў Польшчы і Славаччыне. VI ардынат астроскі, староста крамянецкі і чаркаскі.

Біяграфія


Мар'яна зь Любамірскіх		Барбара з Дунінаў

З княскага роду Сангушкаў гербу «Пагоня Літоўская», сын Гераніма, старосты сураскага, і Канстанцыі, дачкі гетмана вялікага Паўла Яна Сапегі. Ягоны старэйшы брат Казімер Антоні атрымаў пасаду маршалка надворнага літоўскага, а сястра Ганна Кацярына выйшла замуж за Караля Станіслава Радзівіла, канцлера вялікага літоўскага.

Першы ўрад стольніка вялікага літоўскага атрымаў ад Станіслава Ляшчынскага. Пазьней быў сярод прыхільнікаў Аўгуста Моцнага, па сьмерці якога (1733) увайшоў у шэрагі прэтэндэнтаў на сталец Рэчы Паспалітай (меў падтрымку Расеі). Потым падтрымаў абраньне Аўгуста Саса^[2].

Першы раз ажаніўся 18 лютага 1706 году з Браніславай Пяняжкай, якая памерла ў наступным годзе. Другая жонка — Мар’яна Любамірская (1693—1729). У выніку гэтага шлюбу атрымаў Астроскую ардынацыю, дзе пасьпяхова вёў гаспадарку і збудаваў шэраг касьцёлаў. Меў сына Януша Аляксандра. 17 красавіка 1735 году ажаніўся з Барбарай Дунін (1718—1791). Дзеці ад гэтага шлюбу:

Ганна (19 ліпеня 1739 — 2 студзеня 1766); м. — Антоні Ябланоўскі, кашталян кракаўскі
Юзэф Паўлін (1740—1781), маршалак вялікі літоўскі
Кацярына (1741—1778); м. — Францішак Бялінскі, пісар вялікі каронны
Януш Мадэст (пам. 1806), стражнік вялікі каронны
Геранім Януш (1743—1812), ваявода валынскі
Крыстына; м. — Францішак Чацкі, стражнік вялікі каронны

Галерэя

Партрэты Паўла Караля Сангушкі
Невядомы мастак, 1734 г.
Невядомы мастак, каля 1745 г.
Невядомы мастак, па 1745 г.
Ё. К. Сысанг, каля 1750 г.

Невядомы мастак, XVIII ст.
Невядомы мастак, XVIII ст.
Невядомы мастак, XVIII ст.
Рэпліка XIX ст. з партрэта XVIII ст.

Крыніцы

^ ^а ^б Urzędnicy wołyńscy XIV-XVIII wieku: spisy / пад рэд. М. Вольскі — Kórnik: Biblioteka Kórnicka, 2007. — С. 64. — 188 с. — ISBN 978-83-85213-51-2
^ ^а ^б Пазднякоў В. Сангушкі // ВКЛ. Энцыкл. — Мн.: 2005 Т. 2. С. 540.

Літаратура

Вялікае княства Літоўскае: Энцыклапедыя. У 3 т. / рэд. Г. П. Пашкоў і інш. — Мн.: Беларуская Энцыклапедыя, 2005. — Т. 2: Кадэцкі корпус — Яцкевіч. — 788 с. — ISBN 985-11-0378-0
Литовченко А. Експедиція Данила Щербаківського 1926 р. на Поділля і Волинь. Портрети з Ізяслава // Острозька давнина. Вип. 6, 2019.

[_3053df4f4b87d553-1] а ^б Urzędnicy wołyńscy XIV-XVIII wieku: spisy / пад рэд. М. Вольскі — Kórnik: Biblioteka Kórnicka, 2007. — С. 64. — 188 с. — ISBN 978-83-85213-51-2

[evkl-2] а ^б Пазднякоў В. Сангушкі // ВКЛ. Энцыкл. — Мн.: 2005 Т. 2. С. 540.

[1]

[2]