Лявон Базыль Сапега

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Лявон Базыль Сапега
Лявон Сапега. Невядомы мастак, XVIII ст.
Лявон Сапега. Невядомы мастак, XVIII ст.
Herb Sapiehów.PNG
Герб «Ліс»
Асабістыя зьвесткі
Нарадзіўся 20 сакавіка 1652
Памёр 9 лістапада 1686
Варшава, Мазавецкае ваяводзтва[d], Вялікапольская правінцыя, Карона Каралеўства Польскага, Рэч Паспалітая
Род Сапегі
Бацькі Павал Ян
Ганна Барбара з Копацяў
Дзейнасьць афіцэр

Лявон Базыль Сапега (20 сакавіка 1652 — 9 лістапада 1686, Варшава) — дзяржаўны і вайсковы дзяяч Вялікага Княства Літоўскага. Стольнік вялікі літоўскі1679), падскарбі надворны літоўскі1681), генэрал артылерыі1684).

Біяграфія[рэдагаваць | рэдагаваць крыніцу]

З чарэйска-ружанскай лініі магнацкага роду Сапегаў гербу «Ліс», сын Паўла Яна і Ганны Барбары з Копацяў. Меў братоў Казімера Яна, Бэнэдыкта Паўла і Францішка Стэфана.

У 16631668 навучаўся ў Віленскай акадэміі, потым падарожнічаў па Эўропе, у тым ліку спыняўся ў Парыжы. Вярнуўся на Радзіму ў 1673.

Абіраўся паслом на соймы 1678, 1681 і 1683. Атрымаў пасады стольніка вялікага літоўскага і падскарбія надворнага літоўскага.

Браў удзел у выправе супраць туркаў, якая мусіла дапамагчы бітве пад Венай (1683), таксама ўдзельнічаў у кампаніі 1686.

Не жаніўся, памёр ад выпадковага стрэлу зь пісталета. Пахавалі Л. Б. Сапегу ў касьцёле пры кляштары картузаў у Бярозе Картускай[1].

Крыніцы[рэдагаваць | рэдагаваць крыніцу]

  1. ^ Sapieha E., Saeed-Kałamajska M. Dom Sapieżyński. cz. 2. — Warszawa: Wydawn. Nauk. PWN, 2008. S. 72.

Літаратура[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]

Commons-logo.svg Лявон Базыль Сапегасховішча мультымэдыйных матэрыялаў