Ганна Кацярына Радзівіл

Ганна Кацярына Сангушка
	Ганна Кацярына Радзівіл. Невядомы мастак, XVIII ст.
	; Герб «Пагоня Літоўская»
Асабістыя зьвесткі
Нарадзілася	23 верасьня 1676; Ракаў, ВКЛ
Памерла	19 красавіка 1746; Белая, ВКЛ
Род	Сангушкі
Бацькі	Геранім Сангушка; Канстанцыя з Сапегаў
Муж	Караль Станіслаў Радзівіл
Дзеці	Міхал Казімер Радзівіл «Рыбанька», Геранім Флярыян Радзівіл, Кацярына Барбара з Радзівілаў[d], Мікалай Крыштаф Радзівіл[d], Людвік Дамінік Радзівіл[d], Станіслаў Ежы Радзівіл[d], Канстанцыя Францішка з Радзівілаў[d], Караліна Тэрэза з Радзівілаў[d], Тэкля Ружа Радзівіл[d], Ганна Аляксандра з Радзівілаў[d], Альбрэхт Станіслаў Радзівіл[d] і Крысьціна Алена Радзівіл[d]
Дзейнасьць	бізнэсвумэн

Ганна Кацярына Радзівіл (у дзявоцтве Сангушка; 23 верасьня 1676, места Ракаў^[3] — 19 красавіка 1746, места Белая^[4]) — гаспадарчая дзяячка Вялікага Княства Літоўскага, мэцэнатка.

Біяграфія

Прадстаўніца шляхецкага роду Сангушкаў гербу «Пагоня Літоўская», дачка Гераніма, старосты сураскага, і Канстанцыі з Сапегаў. Мела брата Паўла Караля, маршалка вялікага літоўскага

У 1692 годзе пабралася шлюбам з падканцлерам вялікім літоўскім Каралем Станіславам Радзівілам, ад якога мела сыноў Мікалая Крыштапа, Міхала Казімера «Рыбаньку», Альбрэхта Станіслава, Людвіка Дамініка, Станіслава Юрыя і Гераніма Флярыяна, а таксама 7 дачок. Па сьмерці мужа пасялілася ў месьце Белая Берасьцейскага ваяводзтва і занялася гаспадарчай дзейнасьцю.

У пачатку XVIII ст. зладзіла вытворчасьць дываноў у Белай, Карэлічах і Нясьвіжы. Заснавала Налібоцкую і Ўрэцкую шкляныя мануфактуры.

У 1714 годзе распачала вытворчасьць парцаляны ўва Ўрэччы, каля 1736 году заснавала рудню ў Нягневічах, у 1737 годзе — катловае прадпрыемства ў Невелі.

Зь яе ініцыятывы адкрываліся школы для падрыхтоўкі мастакоў і рамесьнікаў, будаваліся грэблі, масты, дарогі, млыны, корчмы, заводзілася жывёла галяндзкіх пародаў.

Істотна пашырыла бібліятэкі ў Белай і Нясьвіжы, партрэтныя галерэі Радзівілаў, упарадкавала архівы роду. Фінансавала каранаваньне ў 1730 годзе Жыровіцкага абраза Маці Божай^[3].

Галерэя

Творы малярства
Невядомы мастак, 1722 г.
С. Цыбульскі, 1759 г.
Невядомы мастак, XVIII ст.
Невядомы мастак, XIX ст.

Крыніцы

^ Гісторыя Сапегаў : жыццяпісы, маёнткі, фундацыі (белар.) — Мінск: Віктар Хурсік, 2017. — С. 70. — 586 с. — ISBN 978-985-7025-75-6
^ Czamańska I. Wiśniowieccy: monografia rodu (пол.) — Poznań: Wydawnictwo Poznańskie, 2007. — С. 444. — 552 с. — ISBN 978-83-7177-229-0
^ ^а ^б ВКЛ. Энцыкл. — Мн.: 2005 Т. 2. С. 488.
^ Выбраныя творы: Перакл. з пол. і фр. / Францішка Уршуля Радзівіл. — Менск: «Беларускі кнігазбор», 2003. С. 401.

Літаратура

Вялікае княства Літоўскае: Энцыклапедыя. У 3 т. / рэд. Г. П. Пашкоў і інш. — Мн.: Беларуская Энцыклапедыя, 2005. — Т. 2: Кадэцкі корпус — Яцкевіч. — 788 с. — ISBN 985-11-0378-0
Выбраныя творы: Перакл. з пол. і фр. / Францішка Уршуля Радзівіл. — Менск: «Беларускі кнігазбор», 2003. — 448 с. ISBN 985-6730-25-2.

[_53a0bb7ee5084833-1] Гісторыя Сапегаў : жыццяпісы, маёнткі, фундацыі (белар.) — Мінск: Віктар Хурсік, 2017. — С. 70. — 586 с. — ISBN 978-985-7025-75-6

[_243e8bf27f403f46-2] Czamańska I. Wiśniowieccy: monografia rodu (пол.) — Poznań: Wydawnictwo Poznańskie, 2007. — С. 444. — 552 с. — ISBN 978-83-7177-229-0

[evkl-3] а ^б ВКЛ. Энцыкл. — Мн.: 2005 Т. 2. С. 488.

[4] Выбраныя творы: Перакл. з пол. і фр. / Францішка Уршуля Радзівіл. — Менск: «Беларускі кнігазбор», 2003. С. 401.

[1]

[2]

[3]

[4]