Майнц (футбольны клюб)

Майнц
Поўная назва	1. Fußball- und Sport-Verein Mainz 05 e.V.
Заснаваны	27 сакавіка 1905
Горад	Майнц, Нямеччына
Стадыён	Опэль-Арэна Умяшчальнасьць: 34 034
Прэзыдэнт	Штэфан Гофман[d]
Галоўны трэнэр	Урс Фішэр[d]
Чэмпіянат	Бундэсьліга
· 2024—2025	6 месца
Хатнія колеры Выязныя колеры Трэція колеры
Галерэя здымкаў у Вікісховішчы mainz05.de (ням.)​ (анг.)

«Майнц» (па-нямецку: 1. FSV Mainz 05) — нямецкі футбольны клюб з гораду Майнцу, які месьціцца ў фэдэральнай зямлі Райнлянд-Пфальцы. Створаны 16 альбо 27 сакавіка 1905 году й, акрамя футболу, маецца гандбольны клюб, а таксама клюб настольнага тэнісу. Футбольная каманда гуляе з сэзону 2009—2010 гадоў у Бундэсьлізе.

Найбольш значнымі посьпехамі клюбу ёсьць удзел у розыгрышы нямецкай Бундэсьлігі паміж 2004 і 2007 гадамі, удзел у турніры на Кубак УЭФА ў сэзоне 2005—2006 гадоў і ўдзел у паўфінале на Кубак Нямеччыны ў сэзоне 2008—2009 гадоў. Пасьля паляпшэньня фінансавага становішча клюб распачаў будаўніцтва новага стадыёну. 5 траўня 2009 году ў навакольлях Майнцу пачалося будаўніцтва новай футбольнай арэны «Кофэйс-Арэны», будаўніцтва якой скончылася ў 2011 годзе. Разам новы стадыён умяшчае 33 500 гледачоў.

Гісторыя

Раньнія гады

Ужо ў 1903 годзе ў горадзе прадпрымалася спроба стварыць футбольны клюб, якая зьведала няўдачу, аднак праз два гады ў Майнцы ўсё ж такі быў створаны клюб «Mainzer Fussballclub Hassia 1905». Пасьля некалькіх гадоў, гуляючы ў Паўднёвай Нямецкай лізе (ням. Süddeutschen Fußballverband) клюб аб’яднаўся зь іншым мясцовым футбольным таварыствам, і стаў называцца «Mainzer Fussballverein Hassia 05». У 1912 годзе слова «Hassia» было выключана з назвы клюбу. Пасьля Першай сусьветнай вайны ў клюбу зноў адбылося зьліцьцё, на гэты раз, з клюбам «Sportverein 1908 Mainz», што ў выніку ўтварыла каманду «Mainzer Fußball-und Sportverein 05», які стаў у далейшым самавітым клюбам. «Майнцэр» перамог у рэгіянальным чэмпіянаце ў пэрыяд паміж Першай і Другой сусьветнымі войнамі, і трапіў у адборачны круг нацыянальнага чэмпіянату пасьля перамогі ў рэгіянальнай Крайсьлізе.

Пэрыяд Трэцяга Райху

У 1920—1930-я гады клюб паказваў нядрэнныя вынікі ў дывізіёне Гэсэну, уключаючы першае месца па заканчэньні сэзонаў 1931—1932 і 1932—1933 гадоў. Пасьля рэарганізацыі футбольных структур, якая адбылася ў краіне пры ўладзе нацыянал-сацыялістаў, каманда прабілася ў Гаўлігу Паўднёвага Захаду (ням. Gauliga Südwest), якая ў тыя часы зьяўлялася адной з шасьці вядучых рэгіянальных лігаў Райху. У дадзеным дывізіёне клюб правёў усяго адзін сэзон, перад тым, як «выляцеў». У 1938 годзе ўлады прымусова аб’ядналі клюб зь іншым спартовым таварыствам — «Reichsbahn SV Mainz», і да канца Другой сусьветнай вайны клюб выступаў пад назвай «Reichsbahn SV Mainz 05».

Склад

Актуальны на 21 лютага 2026 году

№ Пазыцыя Імя Год нараджэньня 1 Бр Лясэ Рыс  2001 2 Аб Філіп Мвэнэ  1994 4 Аб Штэфан Пош  (ар. Кома) 1997 5 Аб Максім Ляйч  1998 6 ПА Кайсю Сано  2000 7 ПА Лі Джэ-Сон 1992 8 ПА Паўль Нэбэль  2002 10 ПА Надым Аміры  1996 11 Нап Армінда Зыб  (ар. Баварыя) 2003 14 Нап Вільям Бёвінг  2003 15 ПА Ленард Малоўні  1999 16 Аб Штэфан Бэль  1991 17 Нап Бэнэдыкт Голербах  2001 18 Аб Кейсі Бос  2004 19 Аб Антані Касі  1997 20 Нап Філіп Тыц  1997

№ Пазыцыя Імя Год нараджэньня 21 Аб Дані да Коста  1993 22 ПА Нікаляс Фэрачніг  2003 23 Нап Шэральда Бэкер  (ар. Асасуна) 1995 24 ПА Сота Кавасакі  (ар. Кіёта Санга) 2001 25 Аб Андрэас Ганхэ-Ольсэн  1997 26 Нап Сыляс Катампа Мвюмпа  1998 27 Бр Робін Цэнтнэр 1994 28 ПА Нікляс Таўэр  2001 30 Аб Сыльван Відмэр  (капітан) 1993 31 Аб Домінік Кор  1994 33 Бр Даніель Бац  1991 42 ПА Даніель Гляйбэр  2005 44 Нап Нэльсан Вайпэр  2005 47 Аб Максім Даль  2006 48 Аб Кацпэр Патульскі  2007

Вонкавыя спасылкі

• Афіцыйны сайт