Іван Тэртэль

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Іван Тэртэль
Старшыня Камітэту дзяржаўнага кантролю Рэспублікі Беларусі
4 чэрвеня 2020 — цяперашні час
Прэзыдэнт: Аляксандар Лукашэнка
Прэм’ер-міністар: Раман Галоўчанка
Папярэднік: Леанід Анфімаў
Намесьнік старшыні КДБ Рэспублікі Беларусі
24 лістапада 2008 — 4 чэрвеня 2020
Асабістыя зьвесткі
Нарадзіўся: 8 верасьня 1966 (53 гады)
Прывалкі, Гарадзенскі раён Гарадзенскай вобласьці, БССР
Бацька: Станіслаў Тэртэль
Адукацыя:

Іван Станіслававіч Тэртэль (нар. 8 верасьня 1966, вёска Прывалкі, Гарадзенскі раён Гарадзенскай вобласьці, БССР, СССР) — беларускі вайсковы дзяяч, старшыня Камітэту дзяржаўнага кантролю Рэспублікі Беларусі (з 2020).

Жыцьцяпіс[рэдагаваць | рэдагаваць крыніцу]

Бацька, Станіслаў Янавіч Тэртэль — кінамэханік.

Ва Ўзброеных сілах СССР з 1984 року. У 1989 скончыў Разанскую вышэйшую паветрана-дэсантную камандную вучэльню, у 1994 — Інстытут нацыянальнай бясьпекі Рэспублікі Беларусі, у 1996 — Гарадзенскі дзяржаўны ўнівэрсытэт імя Янкі Купалы, у 2017 — Акадэмію кіраваньня пры прэзыдэнце Рэспублікі Беларусі.

У 1993—2007 роках на службе ў ворганах пагранічнай службы Рэспублікі Беларусі, быў начальнікам інфармацыйна-аналітычнай групы апэратыўнага аддзелу 16-га пагранічнага аддзелу пагранічных войскаў Рэспублікі Беларусі.

З 24 лістапада 2008 да 16 сьнежня 2013 — намесьнік старшыні Камітэту дзяржаўнай бясьпекі Рэспублікі Беларусі па забесьпячэньні эканамічнай бясьпекі і барацьбе з карупцыяй. У 2011 року ўключаны Эўразьвязам у «чорны сьпіс» беларускіх чыноўнікаў за датычнасьць да разгону акцыяў пратэсту пасьля прэзыдэнцкіх выбараў 2010 року[1]. У 2012 року Рада Эўразьвязу прызнала Івана Тэртэля адказным за рэпрэсіўную работу КДБ супраць грамадзянскай супольнасьці і дэмакратычнай апазыцы Беларусі[2].

З 16 сьнежня 2013 да 4 чэрвеня 2020 — намесьнік старшыні Камітэту дзяржаўнай бясьпекі Рэспублікі Беларусі. Уваходзіў у склад міжведамасных камісіяў па вайскова-тэхнічным супрацоўніцтве і экспартным кантролі, па бясьпецы ў эканамічнай сфэры пры Савеце бясьпекі Рэспублікі Беларусі.

4 чэрвеня 2020 року прызначаны старшынём Камітэту дзяржаўнага кантролю Рэспублікі Беларусі.

Узнагароды[рэдагаваць | рэдагаваць крыніцу]

Сям’я[рэдагаваць | рэдагаваць крыніцу]

Крыніцы[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]