Вадзім Зайцаў

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Вікіпэдыя мае артыкулы пра іншых асобаў з прозьвішчам Зайцаў.
Вадзім Зайцаў
Старшыня КДБ РБ
15 ліпеня 2008 — 9 лістапада 2012
Прэзыдэнт: Аляксандар Лукашэнка
Прэм’ер-міністар: Сяргей Сідорскі
Папярэднік: Юры Жадобін
Начальнік галоўнага кіраваньня Памежнага камітэту Беларусі
29 верасьня 2007 — 15 ліпеня 2008
Прэзыдэнт: Аляксандар Лукашэнка
Папярэднік: Аляксандар Паўлоўскі
Асабістыя зьвесткі
Нарадзіўся: 1964
Жытомірская вобласьць, УССР
Адукацыя: Маскоўскае вышэйшае памежнае каманднае вучылішча КДБ пры Савеце Міністраў СССР[d] і Вайсковая акадэмія Генэральнага штаба Ўзброеных сілаў Расейскай фэдэрацыі

Вадзі́м Ю́р’евіч За́йцаў (нарадзіўся ў 1964) — беларускі вайсковы і дзяржаўны дзяяч, кіраўнік КДБ РБ15 ліпеня 2008 да 9 лістапада 2012).

Біяграфія[рэдагаваць | рэдагаваць крыніцу]

Нарадзіўся ў 1964 годзе ў Жытомірскай вобласьці Ўкраіны ў сям’і вайскоўца.

У 1986 годзе скончыў Маскоўскую вышэйшую памежную камандную вучэльню КДБ СССР, у 1997 годзе — Акадэмію Фэдэральнай памежслужбы Расеі, у 2004 — Ваенную акадэмію Генштаба Ўзброеных сілаў РФ. Праходзіў службу на розных пасадах у памежных войсках: ад намесьніка начальніка памежнай заставы да начальніка памежнага атрада, ад старэйшага афіцэра аддзела штаба да першага намесьніка начальніка штаба Дзяржаўнага камітэту памежных войскаў Рэспублікі Беларусь (ДКПВ). Зь ліпеня 2005 году — намесьнік старшыні ДКПВ — начальнік галоўнага кіраваньня, з красавіка 2007 году — першы намесьнік старшыні ДКПВ — начальнік штаба.

29 верасьня 2007 году прызначаны ўказам прэзыдэнта першым намесьнікам старшыні Дзяржаўнага памежкамітэту (ДПК) — начальнікам галоўнага кіраваньня. 15 ліпеня 2008 зьняты з гэтай пасады і прызначаны кіраўніком КДБ Рэспублікі Беларусь.

У пачатку кастрычніка 2008 году прэзыдэнт А. Лукашэнка падпісаў указ №551, якім у чарговы раз зьмяніў склад Савету бясьпекі. У яго ўведзеныя Вадзім Зайцаў, генпракурор Рыгор Васілевіч, кіраўнік Адміністрацыі прэзыдэнта Ўладзімер Макей і міністар фінансаў Андрэй Харкавец. Са складу Савбяса выведзеныя Віктар Шэйман, Генадзь Нявыглас, Пётар Міклашэвіч і Мікалай Корбут[1].

Званьне — генэрал-лейтэнант (2 ліпеня 2009)[2].

15 кастрычніка 2008 году ўзнагароджаны Ганаровай граматай Нацыянальнага сходу Рэспублікі Беларусь[3].

Рэакцыя[рэдагаваць | рэдагаваць крыніцу]

Наконт прызначэньня Вадзіма Зайцава на пост кіраўніка КДБ РБ, былы падпалкоўнік КДБ Валеры Костка ў інтэрвію прэс-цэнтру Хартыі’97 заявіў:

« Новага старшыню КДБ Вадзіма Зайцава я асабіста ня ведаю, але бачу, што шмат у чым яго біяграфія зьвязаная з Расеяй. Нарадзіўся ва Ўкраіне, а ўсе вучэбныя ўстановы скончыў у Расеі. Гэта насьцярожвае, паколькі спэцслужбу нацыянальнай бясьпекі павінен узначальваць чалавек, зьвязаны з Беларусьсю. Я думаў, што ў біяграфіі Зайцава ёсьць хоць радок пра тое, што ён працаваў, напрыклад, опэрупаўнаважаным у КДБ. Але я ня бачу, што яго кар'ерны рост праходзіў праз спэцслужбы. Ён працаваў толькі ў памежных войсках. Ня ўпэўнены, што гэта правільны выбар кіраўніка КДБ з пункта гледжаньня прафэсіяналізму. Яго адукацыя і досьвед працы выклікаюць зьдзіўленьне. Затое з біяграфіі Зайцава праглядаецца, што яго кар'ерны рост цесна зьвязаны з кар'ерным ростам старшыні Дзяржаўнага памежнага камітэту Ігара Рачкоўскага. Яны відавочна ішлі ў адным зьвязку. Усім вядома, што Рачкоўскі набліжаны да малодшага Лукашэнкі »

Валеры КосткаЛукашэнка не давярае сілавікам

Крыніцы[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]