Аляксандар Якабсон

Аляксандар Якабсон
	Аляксандар Якабсон
Старшыня Камітэту дзяржаўнага кантролю Беларусі
	28 сьнежня 2010 — 18 жніўня 2014
Прэзыдэнт	Аляксандар Лукашэнка
Прэм’ер-міністар	Міхаіл Мясьніковіч
Папярэднік	Зянон Ломаць
Наступнік	Леанід Анфімаў
Асабістыя зьвесткі
Нарадзіўся	18 красавіка 1951 (75 гадоў); Гомель, БССР
Партыя	Камуністычная партыя Савецкага Саюзу;
Адукацыя	БелДУТ (1973);
Узнагароды	;

Алякса́ндар Серафі́мавіч Якабсо́н (нар. 18 красавіка 1951 ў Гомелі) — беларускі дзяржаўны дзяяч, старшыня Камітэту дзяржаўнага кантролю Беларусі (ад 2010 да 2014 году).

Жыцьцяпіс

У 1973 годзе скончыў Беларускі інстытут інжынэраў чыгуначнага транспарту па спэцыяльнасьці «Прамысловае і грамадзянскае будаўніцтва». Працаваў майстрам трэсту «Кандалакштрансбуд» у Мурманскай вобласьці, пасьля служыў у войску. 1975—1985 — майстар, прараб, старшы прараб, галоўны інжынэр спэцыялізаванае будаўнічае ўправы аб’яднаньня «Гомельсельбуд». 1985 — інструктар аддзелу будаўніцтва Гомельскага абкаму КПБ.

1986—1996 — старшыня Сьветлагорскага гарвыканкаму Гомельскай вобласьці. У 1991 годзе скончыў Менскі інстытут паліталёгіі і сацыяльнага кіраваньня.

У 1996 годзе абраны дэпутатам Вярхоўнага Савету XIII скліканьня, пасьля рэфэрэндуму па зьмене Канстытуцыі перайшоў у Нацыянальны сход. 1997—1998 — першы намесьнік старшыні Гомельскага аблвыканкаму. 1998—2001 — старшыня Гомельскага гарвыканкаму. 2001—2010 — старшыня Гомельскага аблвыканкаму. Дэпутат Палаты прадстаўнікоў НС РБ (1996—2000), чалец Савету Рэспублікі НС РБ 3-га і 4-га скліканьняў. Ад 28 сьнежня 2010^[1] да 18 жніўня 2014 году^[2] быў старшынём Камітэту дзяржкантролю Беларусі.

Узнагароды

Узнагароджаны ордэнам Пашаны.

10 ліпеня 2003 году атрымаў вымову за невыкананьне даручэньняў кіраўніка дзяржавы пра забесьпячэньне поўнае і своечасовае выплаты заработнай платы работнікам аграпрамысловага комплексу рэспублікі і пагашэньні запазычанасьці перад насельніцтвам і сельскагаспадарчымі арганізацыямі за здадзеную сельскагаспадарчую прадукцыю, а таксама за фальсыфікацыю справаздачных дадзеных па гэтых пытаньнях.

Сям’я

Жонка, Галіна Калатухіна, сканала ў 2014^[3]. Сын Тарас — намесьнік дырэктара «Беларуснафта-Нафтахімпраект».

Крыніцы

↑ УКАЗ ПРЕЗИДЕНТА РЕСПУБЛИКИ БЕЛАРУСЬ 28 декабря 2010 г. № 691 «О назначении А. С. Якобсона Председателем Комитета государственного контроля Республики Беларусь» (рас.)
↑ Главный контролер Беларуси Александр Якобсон освобожден от должности — TUT.BY
↑ Зьміцер Панкавец. (18 жніўня 2014) Пяць фактаў пра звольненага сёньня Аляксандра Якабсона Грамадзтва. Наша Ніва. Праверана 19 жніўня 2014 г.

Літаратура

Аляксандар Якабсон назначаны старшынём Камітэта дзяржаўнага кантролю Беларусі // «Звязда» №254 (26862) 29 сьнежня 2010

Вонкавыя спасылкі

Старонка на праекце «Хто ёсьць хто ў РБ» (рас.)

[1] УКАЗ ПРЕЗИДЕНТА РЕСПУБЛИКИ БЕЛАРУСЬ 28 декабря 2010 г. № 691 «О назначении А. С. Якобсона Председателем Комитета государственного контроля Республики Беларусь» (рас.)

[2] Главный контролер Беларуси Александр Якобсон освобожден от должности — TUT.BY

[3] Зьміцер Панкавец. (18 жніўня 2014) Пяць фактаў пра звольненага сёньня Аляксандра Якабсона Грамадзтва. Наша Ніва. Праверана 19 жніўня 2014 г.

[1]

[2]

[3]