Добасна

Зьвесткі зь Вікіпэдыі — вольнай энцыкляпэдыі
(Перанакіравана з «Дабосна»)
Перайсьці да навігацыі Перайсьці да пошуку
Добасна
трансьліт. Dobasna
Палац Булгакаў
Палац Булгакаў
Краіна: Беларусь
Вобласьць: Магілёўская
Раён: Качэрыцкі
Сельсавет: Добасьненскі
Насельніцтва: 455 чал. (2010)
Часавы пас: UTC+3
Тэлефонны код: +375 2237
Паштовы індэкс: 213949
Нумарны знак: 6
Геаграфічныя каардынаты: 53°12′12″ пн. ш. 29°40′38″ у. д. / 53.20333° пн. ш. 29.67722° у. д. / 53.20333; 29.67722Каардынаты: 53°12′12″ пн. ш. 29°40′38″ у. д. / 53.20333° пн. ш. 29.67722° у. д. / 53.20333; 29.67722
Добасна на мапе Беларусі ±
Добасна
Добасна
Добасна
Добасна
Добасна
Добасна
Commons-logo.svg Галерэя здымкаў у Вікісховішчы

До́басна[1] — вёска ў Беларусі, на аднайменнай рацэ. Цэнтар сельсавету Качэрыцкага раёну Магілёўскай вобласьці.

Добасна — даўняе мястэчка гістарычнай Рэчыччыны (Панізоўя). Да нашага часу тут, у колішнім фальварку Жылічах захаваўся палацава-паркавы комплекс роду Булгакаў, помнік архітэктуры і садова-паркавага мастацтва XIX стагодзьдзя.

Гісторыя[рэдагаваць | рэдагаваць крыніцу]

Вялікае Княства Літоўскае[рэдагаваць | рэдагаваць крыніцу]

Упершыню Добасна (Дубосна) упамінаецца ў XV стагодзьдзі, калі вялікі князь Вітаўт выдзяліў яе з Бабруйскай або Рагачоўскай воласьці і перадаў князю друцкаму Дзьмітрыю Сяменавічу Сякіру, які ад свайго маёнтку Зубрэвічаў (паміж Друцкам і Воршай) называўся князем Зубрэвіцкім. Пазьней Добасна вярнулася ў дзяржаўны скарб, а ў XVI стагодзьдзі перайшла ў валоданьне Хадкевічаў.

Згодна з адміністрацыйна-тэрытарыяльнай рэформай (1565—1566) Добасна ўвайшла ў склад Рэчыцкага павету Менскага ваяводзтва. Пад 1587 годам яна ўпершыню ўпамінаецца як мястэчка[2].

У XVII стагодзьдзі Добасна належала Шаблоўскім. У 1716 годзе Казімер Сапега набыў у Аляксандра Ўніхоўскага, тагачаснага ўласьніка, вотчынныя правы на маёнтак. З гэтага часу да першай чвэрці XIX стагодзьдзя ён знаходзіўся ў валоданьні Сапегаў, хаця часам аддаваўся ў заклад розным асобам.

Пад уладай Расейскай імпэрыі[рэдагаваць | рэдагаваць крыніцу]

У выніку другога падзелу Рэчы Паспалітай (1793) Добасна апынулася ў складзе Расейскай імпэрыі, у Рагачоўскім павеце[3] Магілёўскай губэрні.

Каля 1825 году непадалёк ад Добасны, у фальварку Жылічы Эмануэль Булгак распачаў будаваньне палаца.

Найноўшы час[рэдагаваць | рэдагаваць крыніцу]

25 сакавіка 1918 году згодна з Трэцяй Устаўной граматай Добасна абвяшчалася часткай Беларускай Народнай Рэспублікі. 1 студзеня 1919 году згодна з пастановай І зьезду КП(б) Беларусі яна ўвайшла ў склад Беларускай ССР, аднак 16 студзеня Масква адабрала мястэчка разам зь іншымі этнічна беларускімі тэрыторыямі ў склад РСФСР. У 1924 годзе Добасну вярнулі БССР, дзе яна стала цэнтрам сельсавету.

У 2000-я Добасна атрымала афіцыйны статус аграгарадку.

Турыстычная інфармацыя[рэдагаваць | рэдагаваць крыніцу]

Славутасьці[рэдагаваць | рэдагаваць крыніцу]

  • Палацава-паркавы комплекс Булгакаў (XIX ст.)
  • Фальварак Жылічы

Галерэя[рэдагаваць | рэдагаваць крыніцу]

Асобы[рэдагаваць | рэдагаваць крыніцу]

  • Ядвігін Ш. (1869—1922) — беларускі празаік, драматург, публіцыст

Крыніцы[рэдагаваць | рэдагаваць крыніцу]

  1. ^ Назвы населеных пунктаў Рэспублікі Беларусь: Магілёўская вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2007. — 406 с. ISBN 978-985-458-159-0. (djvu) С. 174
  2. ^ Памяць: Гіст.-дакум. хроніка Кіраўскага р-на. — Менск: Вышэйшая школа, 1997.
  3. ^ Jelski A. Dobośnia // Słownik geograficzny Królestwa Polskiego i innych krajów słowiańskich. Tom II: Derenek — Gżack. — Warszawa, 1881. S. 65.

Літаратура[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]

Commons-logo.svg Добаснасховішча мультымэдыйных матэрыялаў