Марсэль Янсэн

Зьвесткі зь Вікіпэдыі — вольнай энцыкляпэдыі
Марсэль Янсэн
Марсэль Янсэн
Пэрсанальная інфармацыя
Нарадзіўся 4 лістапада 1985 (38 гадоў)
Мёнхэнглядбах, Нямеччына
Рост 191 см
Вага 84 кг
Пазыцыя паўабаронца
Клюбы
Гады Клюб Гульні (галы)¹
2004—2007
2007—2008
2008—2015
Барусія Мёнхэнглядбах
Баварыя
Гамбург
73 (5)
17 (0)
152 (20)
Зборныя
2005—2014 Нямеччына 45 (3)

Ма́рсэль Я́нсэн (па-нямецку: Marcell Jansen; нарадзіўся 4 лістапада 1985 году, Мёнхэнглядбах, Нямеччына) — нямецкі футбаліст, які выступаў за нацыянальную зборную Нямеччыны на пазыцыі паўабаронцы. Мог згуляць таксама й на пазыцыі абаронцы.

Біяграфія[рэдагаваць | рэдагаваць крыніцу]

«Барусія» Мёнхэнглядбах[рэдагаваць | рэдагаваць крыніцу]

Марсэль перайшоў у «Барусію» зь мясцовай спартовай школы «Люрып» у 1993 годзе. Да моманту свайго першага трапленьня ў заяўку на матч Бундэсьлігі 20 верасьня 2003 году ён ужо меў вопыт выступленьня за розныя юніёрскія зборныя сваёй краіны, аднак у той гульні перамогу атрымалі футбалісты клюбу «Гановэр-96» зь лікам 2:0, галоўны трэнэр Эвальд Лінэн гэтак і не выпусьціў яго на поле. Пасьля паразы Лінэна звольнілі, а Янсэна адправілі ў юнацкую каманду.

Упершыню Янсэн зьявіўся на поле 11 сьнежня 2004 году на бэрлінскім Алімпіяштадыёне, калі ягонага каманда саступіла «Гэрце» зь непрыстойным лікам 6:0. У той гульні Янсэн адзначыўся толькі парушэньнем правілаў і пакараньнем. Аднак галяндзкі трэнэр Дык Адвакаат працягваў давяраць маладому футбалісту, пэрыядычна выпускаючы яго на поле.

«Баварыя»[рэдагаваць | рэдагаваць крыніцу]

Улетку 2006 году да ўлюбёнцу заўзятараў зь Мёнхэнглядбаху паступіла некалькі павабных прапановаў, аднак новы трэнэр «Барусіі» Юп Гайнкэс заявіў, што Янсэн з катэгорыі гульцоў «не для продажу», з чым пагадзіўся і сам футбаліст, сказаўшы, што не зьбіраецца пакідаць родны клюб «гэтак рана». Аднак у канцы сэзону Янсэн падпісаў чатырохгадовы кантракт зь мюнхэнскай «Баварыяй» пасьля таго, як «Барусія» пакінула Бундэсьлігу[1].

«Гамбург»[рэдагаваць | рэдагаваць крыніцу]

Улетку 2008 году Янсэн перайшоў у «Гамбург», падпісаўшы кантракт на пяць гадоў[2].

Нацыянальная зборная[рэдагаваць | рэдагаваць крыніцу]

Дэбют за зборную адбыўся 3 верасьня 2005 году ў Браціславе. У матчы, дзе перамогу атрымалі славацкія футбалісты зь лікам 2:0, Юрген Клінсман выпусьціў яго на замену Томасу Гітцльшпэргеру.

Дасягненьні[рэдагаваць | рэдагаваць крыніцу]

Баварыя Мюнхэн:

Крыніцы[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]

Марсэль Янсэнсховішча мультымэдыйных матэрыялаў